Apocalípsis 5:9 - Tûpâ Ñandeyára 1913

⁹ Ja opurajei peteî purajeimi ipyajúva jeivo: Iya Ndeve reipyjŷvo pe cuatia ñeê apacuapyré, ja reipeávo iñapytîjá nde reyeyucá jague reje, ja reyogua jague reje Tûpâ Ñandeyára peguârâ Nde ruguŷetéetépe opaichagua jeŷicuerava, ja opaichagua ñeê rejeveguape, ja opa ybypóra cuérava ja opa tetâ-ŷ-gua rejeguape,

Ñandejára Ñe’ẽ

⁹ Ha opurahéi joa ko purahéi pyahu: “Ndéve ija rejapyhy ha reipekávo pe kuatia apakuapy ha rejoka umi séllo, nde niko reñemomarangatu vaekue; ha reñohẽvo nde ruguy, renohẽ mba'e vaígui, Tupãme guarã, tekove opaichagua, opáicha oñe'ẽva, opa táva ha tetã.

Ñandeyara Ñe'ẽ

⁹ Ha opurahéi joa peteĩ purahéi ipyahúva he'íva: Ndéve ija rejapyhývo pe kuatiañe'ẽ apakuapy ha reipe'a umi iséllo kuéra, rejejuka hague rehe, ha nde ruguýpe ore jogua va'ekue Tupã Ñandejára peguarã, opaichagua tribu, ñe'ẽ, tetã ha tetãygua,

Ñandejara Ñe’ẽ ✟

⁹ Ha opurahéi joa ko purahéi pyahu: “Ndéve ija rejapyhy ha reipekávo pe kuatia apakuapy ha rejoka umi séllo, nde niko reñemomarangatu vaekue; ha reñohẽvo nde ruguy, renohẽ mba'e vaígui, Tupãme guarã, tekove opaichagua, opáicha oñe'ẽva, opa táva ha tetã.

Ñanderuete Ñe’ẽ Porã 2015

⁹ Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.

Apocalípsis 5:9 Referencias Cruzadas

Matéo 20:28

Upeicha jaguânte voí ou co Caraí Raŷ, ani jaguâ oyocuai umi ambuecue cuerape oguembiguai ramo, oyeyocuaiucánte jagua umia rembiguai ramo Jae, ja omeê jagua oguecové jetáva repŷrâ.

Matéo 26:28

Peúnte ichugui opavavé peêcuera. Cóva voí Che ruguŷ pe Ñandeyára remicuameê ypycue pende repŷrâ, oñejê vaerâ jeta rejejape, oyepeapá jaguâ iñangaipa.

Apostolkuéra 20:28

Upevareje peñeñangarecó pendeyeje, ja peñangareco opa umi iyatŷvareje pe Espiritu Santo penemoî jague peême iñangarecojárarâ, peico co Tûpâ Ñandeyára Iglesia rerecuárâ co oyogua vaecue Jae juguŷteé reje.

1 Corintoyguakuérape 6:20

Peê peyejepŷ vaecue iyoguapyre vaicha jepŷeté reje. Pembotuvicha, upeicharamo, Tûpâ Ñandeyárape pende retépe ja pende pyapŷpe Tûpâ Ñandeyára mbaéva vointe.

1 Corintoyguakuérape 7:23

Peê voi peyejepŷpa vaecue jepyeté reje. Upeicharamo ani peñemoî tembiguai ramo ybypóra cuera poguŷpe,

Efesoyguakuérape 1:7

Ñande Jeseguáva guive yareco ñande repŷjara juguŷ reje, ja ñandepeá jára ñane angaipa gui tuvichaite gui ipyapôrâ.

Efesoyguakuérape 5:19

peñomonguetávo oñondive Tûpâme purajéi rupi, ja ñemboe purajéipe, ja ñeêngá ñane ânga rejeguápe, pepurajéivo ja pembopúvo Ñandeyárape pende pyapype,

Colosayguakuérape 1:14

Jae pype voi yareco ñanderepŷrâ oyepeápá jaguâ ñane angaipa.

Colosayguakuérape 1:23

Upeicha vaerâ voi, peê pepyta jâtâ guive pende rapo jâtâ pôrâ reje, pende yeroviajápe, pende rerová ŷ reje pe pejaârôjá gui pe Evangelio rupi, pe pejendu vaecue, pe oñemo jerâcuâ vaecue opa ybypóra cuera jicuaivape araguype. Upevarâ voi che añemoingo vaecue jerecua ramo.

Títope 2:14

Upe oñemeê vaecue oyupe voi ñanderejejápe ñande repŷ jaguâ opa mbae pochy gui, ja omopôtí jaguâ Jesegua vaerâ imbaetee râ jacateŷ vaerâ tembiapo porâ reje.

hebreoyguakuerape 11:14

Oime ramo jeiva upeicha oicuaauca jaecuera ojecájá jicuai jetâete cuera voi.

2 Pédro 2:1

Ja oico jagueicha oñemoñeê rei vaecue avei ombotaby vaecue umi ybypora cuerape, oimene pende apytepe avei oporomboeva yapújápe icatu vaerâ oñejaâ pichyguyjápe omboe omombia jaguâ umi ambuecue oñembuaipá jaguâ meve, omomârâvo upe Iyára pe ojepymeêjarépe yepe, ja upeicha omboyejúvo iyupe cuera voi oñembuai voi jaguâ.

1 Juan 1:7

Ñande yaico ramo yaicovo ojesapéjápe, Jae oi jaicha ojesapéjápe, ñande yayejeá ñaina oyueje, ja Tayra Jesu Ruguy ñane mopôtí opaichagua angaipa gui.

1 Juan 2:2

Jae voi pe omoñyrôjára ñane angaipa reje, ja na ñane angaipa reje añoi, opavave ybypóra angaipa reje avei.

Apocalípsis 10:11

Ja oyee cheve: Tecôtevê nde reñemoñeê yeby umi ybypóra gui ja tetâ gui ja ñeê opaichagua gui ja jeta mburuvicha guasu gui.

Apocalípsis 11:9

Ja oime ybypóra cuérava ja jeŷicuera opaichaguava ja opaichagua ñeê rejeguava ja opaichagua tetâ-ŷ-guava omaêva jina jete cueracue reje mbojapy ára ambue mbyte peve, ndoipotai jete cuera cue oñeñoty.

Apocalípsis 13:7

Ja oñemeê ichupe oñorayrô jaguâ umi imarangatúva coty coty ja ipuaca jaguâ jese cuera ja oñemeêmbá ichupe ipoguype opa ñemoñaré, ja opa jeŷicuerava, ja opaichagua ñeê rejegua, ja opa tetaŷgua,

Apocalípsis 13:8

ja opa jicuaiva ybyari oicone ombuetéjápe ichupe, yaévo opa umi jéracuera oi-ŷ-va pe cuatia Tecové iyapyra-ŷ-va peguape, pe Ovecha Raŷ cuatia ñeême pe oyeyucapyre oñypyrú mboyve voi co yby.

Apocalípsis 14:6

Ja ajecha guau ambue yvapegua oveve ramo yvaga reje oguerecova pe mbae jerâcuâ pôrâ tapia guâráva, pe Evangelio, omojerâcuâ vaerâ umi ybyariguape ja opa tetaŷguape ja opa jeŷicuerape, ja opaichagua ñeê rejeveguápe ja opa ybypórape voí.

Apocalípsis 15:3

ja opurajei jicuai Moises opurajei vaecue pe Tûpâ Ñandeyára rembiguaiva, ja pe Ovecha Raŷ purajei avei jeivo: Tuvicha vicha ja jechapyrâ Ne rembiapo, Nde ore Yára, Tûpâ Ñandeyára, pe ipuaca acavéva jecoitepegua ja iyojeipyré Nde reco Nde mburuvicha guasu tapiaguârâva.

Apocalípsis 17:15

Jei avei cheve: Umi ŷ rejecha vaecue pe cuña reco vaí oguapyjá jina, umiva ybypóra cuera ja atyra jetaite ja tetâ-y-gua cuera, ja opaichagua ñeê rejevegua.

Apocalípsis 4:11

Iya Ndeve, ore Yara, ja ore Tûpâ Ñandeyára, reñembo tuvicha jaguâ ja reñembuete jaguâ, ja reñembopuaca etéetéve jaguâ. Nde voi remoñemoña vaecue opambae, ja Ne rembipota rupi voi jaecuera oico ypy ja oñemoña vaecue.

Apocalípsis 5:12

Ja jaecuera opurajéi osapucaijápe jeivo: Iya pe Ovecha Raŷ oyucapyrépe ojupity jaguâ oñembopuaca jaguâ ja oñemombae rereco jaguâ ja oñemo arandúetévé jaguâ, ja oñemo mbaraetéetévé jaguâ ja oyererojorŷeté jaguâ, ja oñembotuvicha jaguâ, ja oñemombeu guasúeté jaguâ.

Apocalípsis 5:6

Upei catu ajecha guaú iyapytepe cuera pe mburuvicha guasu guapyjá, ja umi irundy oicovéva paûme, ajecha peteî Ovecha Raŷ oñemboŷva jina umi ituyáva paûme oyeyuca vaecueicha siete jatîva ja siete jesáva Tûpâ Ñandeyára Espiritu sieteve umiva oñemondopyré oparupi co ybyari.