Apocalípsis 5:12 - Tûpâ Ñandeyára 1913

¹² Ja jaecuera opurajéi osapucaijápe jeivo: Iya pe Ovecha Raŷ oyucapyrépe ojupity jaguâ oñembopuaca jaguâ ja oñemombae rereco jaguâ ja oñemo arandúetévé jaguâ, ja oñemo mbaraetéetévé jaguâ ja oyererojorŷeté jaguâ, ja oñembotuvicha jaguâ, ja oñemombeu guasúeté jaguâ.

Ñandejára Ñe’ẽ

¹² ha he'i hatã hikuái: “Pe Ovecha ra'y ojejuka vaekuépe ija ohupytývo pu'aka ha mba'eta, arandu ha mbarete, terakuã porã, teko mimbipa ha jererohory.”

Ñandeyara Ñe'ẽ

¹² ha hatã he'i: Pe Ovecha Ra'y ojejuka va'ekuépe ija ohupitývo pe pu'aka ha mba'eta, arandu ha mbarete, terakuãguasu, ñembotuicha ha ñemomba'eguasu.

Ñandejara Ñe’ẽ ✟

¹² ha he'i hatã hikuái: “Pe Ovecha ra'y ojejuka vaekuépe ija ohupytývo pu'aka ha mba'eta, arandu ha mbarete, terakuã porã, teko mimbipa ha jererohory.”

Ñanderuete Ñe’ẽ Porã 2015

¹² umía hatã he’i: Pe Ovechara’y ojejukamava’ekuépe ija ohupity hag̃ua pu’aka ha mba’eita arandu ha mbarete, ñemboete, teko jajaipa ha ñemomba’eguasu.

Apocalípsis 5:12 Referencias Cruzadas

Matéo 28:18

Upei catu Jesús oñemboyá Jendápe cuera ja oñeê ichupecuera jeívo: Oñemeê Cheve añembo puacaitévo yvágape ja co ybyári.

Juan 1:29

Uperire pe ára ambuepe oime Juan ojecha Jesúspe ou ramo Jendápe ja jei: Pemaêke! Upéva Tûpâ Ñandeyára Ovecha Ray umi ybypóra angaipa mboíjarâ!

Juan 17:2

Remeê vaecue Ichupe oguereco jaguâ ipo guype opa ybypórape icatu jaguâ Jae omeê pe tecové iyapyraŷva opa umi remeê vaecuépe guive Ichupe.

2 Corintoyguakuérape 8:9

Peê peicuaama voí imbae pôrâja Ñandeyára Jesú Cristo, pende raŷjupápe voi Jae oñembo poriaju jague mbae rerecojá ramo yepe Jae, icatu jaguâ peêcuera upe Jae iporiaju jague reje peyeyapo mbae rerecojá ramo.

1 Timotéope 1:17

Coanga toñembueté ja toñembotuvichaité tapia guârâ pe Mburuvicha Guasu, Tapiagua, Omano-ŷ-vaerâ, ja Yajecha-ŷ-va, Jaeñónteva Tûpâ Ñandeyáraite. Amen.

Apocalípsis 1:6

Jae ñane moingo vaecue mburuvicha guasu rejegua ramo ja pai râ ñambuete vaerâ Tûpâ Ñandeyára pe Túvape, toñembuete Ichupe ja toñembotuvicha tapia guârâ. Amen.

Apocalípsis 13:8

ja opa jicuaiva ybyari oicone ombuetéjápe ichupe, yaévo opa umi jéracuera oi-ŷ-va pe cuatia Tecové iyapyra-ŷ-va peguape, pe Ovecha Raŷ cuatia ñeême pe oyeyucapyre oñypyrú mboyve voi co yby.

Apocalípsis 15:3

ja opurajei jicuai Moises opurajei vaecue pe Tûpâ Ñandeyára rembiguaiva, ja pe Ovecha Raŷ purajei avei jeivo: Tuvicha vicha ja jechapyrâ Ne rembiapo, Nde ore Yára, Tûpâ Ñandeyára, pe ipuaca acavéva jecoitepegua ja iyojeipyré Nde reco Nde mburuvicha guasu tapiaguârâva.

Apocalípsis 19:1

Cova rire ajendu guau jyapú jetaite ybypóra vaicha yvape jeiva jicuai: Aleluya! Toñemombeú guasu Tûpâ Ñandeyára, ñane mârâ ŷ já Tûpâ Ñandeyára guioguante, iya voi Ichupe tuvichaite ja ipuacaitéetéve jaguâ.

Apocalípsis 4:11

Iya Ndeve, ore Yara, ja ore Tûpâ Ñandeyára, reñembo tuvicha jaguâ ja reñembuete jaguâ, ja reñembopuaca etéetéve jaguâ. Nde voi remoñemoña vaecue opambae, ja Ne rembipota rupi voi jaecuera oico ypy ja oñemoña vaecue.

Apocalípsis 5:13

Ja opambae iñemoñambyré oiva yvape, ja oiva ybyári ja oiva yby guype ja oiva ŷ guasupe ja opaichagua mbae oiva ipype cuera, ajendu opavave ichupecuera jei ramo: Pe oguapŷva jina pe mburuvicha guasu guapŷjápe ja pe Ovecha Raŷ toñemombeú guasú ja toñembueté ja toñembotuvichá, ja toñembopuacá tapia guârâ. Amen.

Apocalípsis 5:6

Upei catu ajecha guaú iyapytepe cuera pe mburuvicha guasu guapyjá, ja umi irundy oicovéva paûme, ajecha peteî Ovecha Raŷ oñemboŷva jina umi ituyáva paûme oyeyuca vaecueicha siete jatîva ja siete jesáva Tûpâ Ñandeyára Espiritu sieteve umiva oñemondopyré oparupi co ybyari.

Apocalípsis 5:8

Ja oipyjyma ramo Jae pe cuatia ñeê apacuapyré, umi irundy oicovéva, ja umi veinti cuatrove tuya oyeity pe Ovecha Raŷ renondepe, oguerecóva peteî teî jaecuérava peteî arpa ja mbayru oroguigua jenyjêva mbae jyâcuâ gui umi imarangatúva ñemboe yoguajáva.

Apocalípsis 5:9

Ja opurajei peteî purajeimi ipyajúva jeivo: Iya Ndeve reipyjŷvo pe cuatia ñeê apacuapyré, ja reipeávo iñapytîjá nde reyeyucá jague reje, ja reyogua jague reje Tûpâ Ñandeyára peguârâ Nde ruguŷetéetépe opaichagua jeŷicuerava, ja opaichagua ñeê rejeveguape, ja opa ybypóra cuérava ja opa tetâ-ŷ-gua rejeguape,

Apocalípsis 6:1

Ja ajecha guaú pe Ovecha Raŷ oipea ramo peteî umi siete iñapytîjáva, ja ajendu guau peteî umi irundy oicovévagui jei ramo oñeêva ára sunúicha: Peyó!

Apocalípsis 7:12

jeivo: Upeicha vaerânte voi! Ñane Tûpâ Ñandeyára toñemombeu guasu, ja toñembotuvichá, ja toñemoarandú guasu guasuve opavave gui, ja toyererojorŷeté, ja toñembueté ja toñembopuacá puacavé ja toñemombaraetéetevé tapia ja tapiaguârâ. Amen.