Apocalípsis 20:8 - Tûpâ Ñandeyára 1913

⁸ ja osêne omombia jaguâ opa umi tetaŷguape opa irundŷve yby yke rupiguape pe Gog ja Magog pe, ja ombyatypá jaguâ pe oñorayrô jaguâme ja jaecuera ŷ guasu ybycuicha jetacue.

Ñandejára Ñe’ẽ

⁸ ha osẽta ombotavy tetã nguérape yvy tuichakue, Gog ha Magógpe, ha iñorãirõhára aty kuéra, hetáva yguasu pegua yvyku'ícha, oñembyatýta ñorãirõrã.

Ñandeyara Ñe'ẽ

⁸ ha osẽ vaerã ombotavy jevy haguã opa tetã nguéra yvy ariguápe, Gog ha Magógpe, ha ombyaty vaerã oñorairõ haguã ha heta eterei vaerã pe mar pegua yvyku'ícha.

Ñandejara Ñe’ẽ ✟

⁸ ha osẽta ombotavy tetã nguérape yvy tuichakue, Gog ha Magógpe, ha iñorãirõhára aty kuéra, hetáva yguasu pegua yvyku'ícha, oñembyatýta ñorãirõrã.

Ñanderuete Ñe’ẽ Porã 2015

⁸ Ha osẽta ombotavy jevy hag̃ua tetãnguérape oĩva guive yvy ape ári; ha Gog ha Magog ombyatýta isoldádo aty ndetuichaitéva, ku yvyku’i yguasu rembe’ypeguáicha, ñorãirõguasúpe g̃uarã.

Apocalípsis 20:8 Referencias Cruzadas

hebreoyguakuerape 11:12

Upeareje oñemoña pe peteî cuimbae omanovaichama gui peteî tetâ umi ára resaicha jetacuépe, ja jetacue ybycui ŷguasu rembey rejeguaicha yaipapa cuaa ŷ va.

Apocalípsis 12:9

ja oñemombó pe mbae vaí tuvichaitéva pe mbói ymaguare, jérava mbaepochy, ja Satanas, pe omombiáva opa ybypóra cuerape, upéva oñemombo ybyari peve ja jembiguai cuera oñemombo jendive avei.

Apocalípsis 16:14

Coâva mbae pochy anga voi oyapova jechapyrâ osêva umi mburuvicha guasu opa ybyariguape ombyaty jaguâ ichupecuera pe oñoraŷrô jaguâme pe Tûpâ Ñandeyára ipuacaitéva ára guasupe.

Apocalípsis 20:10

Ja pe mbaepochy pe omombia jaré oñemombo avei pe tata guasú ja itáycú rendape, oi jaguepe voima pe maymba vaí ja pe oñemoñeê guau vaecue, ja oyepyapy ja oyejasa asyne ára ja pyjare tapia ja tapiaguârâ.

Apocalípsis 20:3

Ja omombo ichupe pe ybycua jugua-ŷ-vape. Upevove omboty jokê, ja omojâtâ oyeyabyky ŷ jaguâ icatuve-ŷ-jaguâ jae omombia umi tetaŷguape ojupitypeve upe mil años. Uperire tecôtevêne oyepoí ichugui sapyaminte.

Apocalípsis 7:1

Coâva rire ajecha guau irundy yvapegua oñemboŷva jina pe yby racuájá irundŷvépe oyocova jina umi irundyvé yvytú co ybyarigua anichene jaguâ oipeyu mbaeve ybytu yby ári terâ ŷ guasu rupi terâ mbaeveichagua ybyra râcâ reje yepe.