Apocalípsis 20:12 - Tûpâ Ñandeyára 1913

¹² Upegui ajecha guau umi omano vaecuepe mîchî ja tuvichava, oñemboy ramo jina pe mburuvicha guasu guapyjá renondepe. Upei catu oyepea umi cuatia ñeê: oi avei ambue cuatia ñeê oyepea vaecue avei, pe cuatia ñeê oicovéva rejegua voi upéva. Ja umi omano vaecue oñemojenda, oijaicha umi ambue cuatia ñeême jembiapocueracue gui.

Ñandejára Ñe’ẽ

¹² Ha umi omano vaekue, michĩ ha tuicháva, oñembo'y joa pe guapyha renondépe; ha ojepeka umi kuatiañe'ẽ, ha avei ambue kuatiañe'ẽ, pe kuatiañe'ẽ jeikove rehegua. Umi omano vaekue oñembojovake hembiapo kuerakue rekoitépe ha umi mba'e oĩvare umi kuatia ñe'ẽme.

Ñandeyara Ñe'ẽ

¹² Ahecha avei umi omano va'ekue, tuicháva ha michĩva, oñembo'y Tupã Ñandejára renondépe; ha ojepe'a umi kuatiañe'ẽ nguéra, ha ambue kuatiañe'ẽ pe tekovete rehegua kuatiañe'ẽ. Ha umi omano va'ekue ojejuzga hembiapo kuerakue rehe oĩ haguéicha umi kuatiañe'ẽme.

Ñandejara Ñe’ẽ ✟

¹² Ha umi omano vaekue, michĩ ha tuicháva, oñembo'y joa pe guapyha renondépe; ha ojepeka umi kuatiañe'ẽ, ha avei ambue kuatiañe'ẽ, pe kuatiañe'ẽ jeikove rehegua. Umi omano vaekue oñembojovake hembiapo kuerakue rekoitépe ha umi mba'e oĩvare umi kuatia ñe'ẽme.

Ñanderuete Ñe’ẽ Porã 2015

¹² Upéi ahecha umi omanomava’ekuépe, tuicháva ha michĩvape, oñembo’y hikuái pe guapyhaguasu renondépe, ha ojepe’a umi kuatiañe’ẽ, ojepe’a avei ambue kuatiañe’ẽ, kóva pe tekovete reheguáva, oñembojovake hag̃ua hembiapokuéra rehe, ojehai háicha umi kuatiañe’ẽme.

Apocalípsis 20:12 Referencias Cruzadas

Matéo 11:22

Che jaente peême ivevuivé jaguâ oyeyopŷ umi Tiro ja Sidonŷgua pe ñandeve oñembo jecovia jaguâ árape pendejegui.

Matéo 16:27

Outa jina catuetei co Caraí Raŷ pe Túva tuvicha guasucué rejeve umi yvapegua rejeve, ja uperamo ombojecoviáne opavavépe jembiapo cuera cue.

Lúcas 10:20

Upeicha ramo yepe anichene peyererojorŷeté umi mbaepochŷ oñemoî járeje pende po guype. Pende rorŷnte oñemoî jague reje pende rera yvagape.

Apostolkuéra 24:15

ja ajaârô avei Tûpâ Ñandeyára gui, ojaârô jaichante avei umia, oime jaguâ yaicove yeby jaguâ umi omano vaecue paûgui, umi jecopegua ja upeicha avei umi jecopeguaŷ.

Romayguakuérape 2:6

Jae voi ombojecoviáne peteî teîme jembiapocue repy upe oico jagueichante.

1 Corintoyguakuérape 4:5

Upeicharamo ani peñemoa avavéreje jiara guâjêŷme ou peve Ñandeyára. Upea voi omojesâcâne pe oñemîva pytûnguŷpe, ja upeicha avei Jae oicuaáucáne ñande pyapype ñaimoáva, ja uperamo pe imanduá pôrâ vaerâ peteî teî reje, upéva Tûpâ Ñandeyára.

2 Corintoyguakuérape 5:10

Tecôtevê voí opavave ñande cuera yayejechácuaávo Cristo imburuvichajápe oñembojecovia jaguâ peteî teîvape jembiapocue oyapo jagueichagua jetépe oicové yave jicuai, ta ipôrâpa rae terâ ta ivaí rae.

Filipoyguakuérape 4:3

Upeicha avei ayerure ndeve, nde che reŷi, che moîrûjára, eipytyvô umi cuña cuerape ombaapo vaecue chendive añemoñeê jaguepe pe Evangelio gui, ja eipytyvô Clementepe avei, ja umi ambuecue ombaapo vaecue chendivepe, joracuera oívoíva pe cuatia ñeê tecove jaeteva rejegua yvapeguape.

Apocalípsis 11:18

Umi tetâ-ŷ-gua cuera ipochŷpa vaecue ja oguajêma pe reñemyro jaguâ ára, ja oguajê avei pe remojenda jaguâja ára umi omano vaecuepe, ja rejechacuaa jaguâja ára avei umi nerembiguai oñemoñeêjárape ja umi imarangatuvape avei ja umi okyjŷyéva Nde rera gui umi michíva ja tuvichávape avei ja oguajêma pe rembuai jaguâ ára umi yby mbuaijarépe.

Apocalípsis 13:8

ja opa jicuaiva ybyari oicone ombuetéjápe ichupe, yaévo opa umi jéracuera oi-ŷ-va pe cuatia Tecové iyapyra-ŷ-va peguape, pe Ovecha Raŷ cuatia ñeême pe oyeyucapyre oñypyrú mboyve voi co yby.

Apocalípsis 17:8

pe maymba rejecha vaecue, jae vaecue ja anga ndipori veima, upeicharamo yepe, oyupíta jina osê jaguâ pe ybycua jugua-ŷ-va gui ojo jaguâ oñembuai jaguâme, ja umi oicova yby ári jeracuera ndipóriva pe cuatia ñeê umi oicovéva tapiá guârâ rera rendape oñemoîjápe jeracuera yby ñypyrúmbŷ guive voi, umiva voi ojecharamóne ojecha ramo pe maymba jae jae vaecue jague reje ja coanga ndiporivéima járeje ja ou vaerâjá reje gueteri.

Apocalípsis 19:5

Toñemombeu guasu Tûpâ Ñandeyárape. Ja oime avei petei oñeêva ajendúva pe iguapŷjá renda guivo jeiva: Pemombeu guasu Tûpâ Ñandeyárape opa peê jembiguai cuérava peê pekyjŷyéva Ichugui mîchî ja tuvicháva.

Apocalípsis 2:23

Ja imemby cuerape ayucáne omano jaguâ, ja opa umi Iglesia rejegua cuera oicuaáne Chejá pe oipaûndŷva cuimbae pya apyte ipyapype gua reje, ja Che ameêne peteî teîva peême pejupity vaerâ pene rembiapocue recovia ramo.

Apocalípsis 20:11

Uperire ajecha peteî mburuvicha guapyjá tuvichava ja morôtíva ja ajecha pe oguapyva jina jiari, jovake gui oñeguajêmba jague pe yby ja pe yvaga avei ja ndo yeyujuvéi jendaguâ ichupecuera.

Apocalípsis 20:13

Pe ŷ guasu avei opoí umi omano vaecue gui oiva ipype: pe oñemanojá ja pe omano vaecue renda opoí umi omano vaecue gui oiva ipype cuera. Ja peteî tei ybypóra oñemojenda iya jaicha jembiapocue.

Apocalípsis 20:15

Cova pe mocoîjá oñemano yeby, ja oimerâeva jéra oyeyuju-ŷ-vaecue pe cuatia ñeê oicoveva rejeguape, upéva oñemombo pe tata guasu rendape.

Apocalípsis 21:27

ja mbaeveichagua mbae kya máramo ndoikeichene upepe terâ itayasúva terâ iyapúva. Umi jeracuera oiva pe Ovecha Ray cuatia ñeê umi oicovéva rejeguape umia añonte oikene.

Apocalípsis 22:12

Maê! pyaeeté Che ayune pene rendape ja pe ajupityucatava peême aruta Che ndive voi, ambojecovia jaguâ peteî teîme pene rembiapo cue.

Apocalípsis 3:5

Pe oguero puacava coicha oñemondéne ao morôtíme, ja Che nambogueichene mbaeveicharamo jéra pe cuatia umi jecove iyapyra-ŷ-va rejegua gui, ja Che amombeune jéra Che Ru renondepe ja umi yvapegua renondepe.