Apocalípsis 2:23 - Tûpâ Ñandeyára 1913

²³ Ja imemby cuerape ayucáne omano jaguâ, ja opa umi Iglesia rejegua cuera oicuaáne Chejá pe oipaûndŷva cuimbae pya apyte ipyapype gua reje, ja Che ameêne peteî teîva peême pejupity vaerâ pene rembiapocue recovia ramo.

Ñandejára Ñe’ẽ

²³ Ha ajukáta avei opa hendive oikóvape, upéicharõ umi Tupã iglésia ohecha kuaáta che aikuaaha opavave apytu'ũ ha ipy'a ruguaite peve, ha peteĩ-teĩvape amyengoviáta ojerureháicha hembiapokue.

Ñandeyara Ñe'ẽ

²³ ha ajukapáta imemby kuéra. Ha upéicha opa umi iglésia kuéra oikuaáta che aikuaapaha pe akã ha py'apy ruguápe oĩva, ha peteĩ teĩ peẽme kuéra ambuekoviáta pene rembiapokue rehe.

Ñandejara Ñe’ẽ ✟

²³ Ha ajukáta avei opa hendive oikóvape, upéicharõ umi Tupã iglésia ohecha kuaáta che aikuaaha opavave apytu'ũ ha ipy'a ruguaite peve, ha peteĩ-teĩvape amyengoviáta ojerureháicha hembiapokue.

Ñanderuete Ñe’ẽ Porã 2015

²³ Imembykuéra ajukapáta. Upéicha opaite iglésia oikuaáta Che voi aikuaaha opaite mba’e oĩva guive yvyarigua akãme térã ipy’apýpe, ha Che amyengoviáta peteĩteĩme hembiapokue.

Apocalípsis 2:23 Referencias Cruzadas

Matéo 16:27

Outa jina catuetei co Caraí Raŷ pe Túva tuvicha guasucué rejeve umi yvapegua rejeve, ja uperamo ombojecoviáne opavavépe jembiapo cuera cue.

Lúcas 16:15

Ja Jae jei ichupecuera: Peêcuera vointe umi oñemo mbaepôrâva rejeguava iyupecuera umi carai cuéra resape. Oime Tûpâ Ñandeyára ojechacuaa pende pyapy ja icatu pe jepŷetevéva umi caraí resápe omboyeguarú Ichupe.

Juan 21:17

Upei catu Jae jei ichupe mbojapy yebŷjápe: Nde, Simon, Jonas ray, ¿Che rayjúpa Cheve? Upei catu Pedro ombuasy eterei Jae jei jague reje mbojapy yeby jápe: ¿Che rayjúpá Cheve? Upeareje jei Ichupe: Che Yára, Nde nico reicuaa opambae. Nde reicuaa voí che rojayjújá Ndeve. Upei catu Jesús jei ichupe: Eñangarecónte upeicharamo, che ovecha cuera reje.

Juan 4:16

Upei catu Jae jei ichupe: Terejo, ejenoî ne ménape ja eyo yeby ape.

Apostolkuéra 1:24

Ja oñemboejápe jicuai jei: Nde Ñandeyára, rejechacuaava opavave pyapy, ejechauca mávapepa reiporavóse umi mocoîgui,

Romayguakuérape 14:12

Upeicharamo, opavave ñande peteî teîva oñemombeu vaerâ oyejegui Tûpâ Ñandeyárape.

Romayguakuérape 8:27

Ja pe ojechacuaava ñandepyapŷ, upéva oicuaa pe Espiritu rembipota, jae oyeruré járejente umi imarangatúvareje pe Tûpâ Ñandeyára reco rupi.

2 Corintoyguakuérape 5:10

Tecôtevê voí opavave ñande cuera yayejechácuaávo Cristo imburuvichajápe oñembojecovia jaguâ peteî teîvape jembiapocue oyapo jagueichagua jetépe oicové yave jicuai, ta ipôrâpa rae terâ ta ivaí rae.

Galaciayguakuérape 6:5

Peteî teîva oguero puaca jaeño vaerâ pe mbae ipojŷiva iyáva ichupe voí.

hebreoyguakuerape 4:13

Ndipori iyapopyré oyecuaauca ŷ vaerâ iyŷpype: opambae voi opyta opivo vaicha, ja oyepeapáite upe iñeê ñaneñapytîva resápe.

1 Pédro 1:17

Ja peêcuera pejenôi ramo pende Ru ramo upe omboyuaby-ŷ-va avavepe, ja ombojecoviava jecópe peteî teî cuimbaepe jembiapocue reje, upeicharamo peico kyjŷyejápe peicove yaveve pucu cue co yby ári,

Apocalípsis 2:11

Pe iyapysáva tojendu pe Espiritu jeiucáva umi Iglesia rejeguape cuera. Pe ogueropuacáva opambae na imârâichene pe oñemano mocoîjá gui.

Apocalípsis 2:7

Pe iyapysáva tojendúke pe Espiritu jeiucáva umi Iglesia rejegua cuerape. Pe oñembo puacávape ameêne jou jaguâ jiacue pe ybyra râcâ pene moingovéva gui oiva pe Tûpâ Ñandeyára Paraiso apytepe.

Apocalípsis 20:12

Upegui ajecha guau umi omano vaecuepe mîchî ja tuvichava, oñemboy ramo jina pe mburuvicha guasu guapyjá renondepe. Upei catu oyepea umi cuatia ñeê: oi avei ambue cuatia ñeê oyepea vaecue avei, pe cuatia ñeê oicovéva rejegua voi upéva. Ja umi omano vaecue oñemojenda, oijaicha umi ambue cuatia ñeême jembiapocueracue gui.

Apocalípsis 20:13

Pe ŷ guasu avei opoí umi omano vaecue gui oiva ipype: pe oñemanojá ja pe omano vaecue renda opoí umi omano vaecue gui oiva ipype cuera. Ja peteî tei ybypóra oñemojenda iya jaicha jembiapocue.

Apocalípsis 22:12

Maê! pyaeeté Che ayune pene rendape ja pe ajupityucatava peême aruta Che ndive voi, ambojecovia jaguâ peteî teîme pene rembiapo cue.

Apocalípsis 6:8

Ja amaê guaú, ja sapya ou peteî cabayu saŷyú, ja pe oi vaecue jina jiari jérava Ñemanó, ja umi omano vaecue atyra ou japycueri, ja oñemeêne ichupecuera ipópe irundŷjápe co ybyari oyuca jaguâ ybypora cuerape kyse pucúpe ja ñembyajŷi gui ja mbaasy gui ja umi mymba iñaróva co yby arigua rupi.