Apocalípsis 2:14 - Tûpâ Ñandeyára 1913

¹⁴ Upeicharamo yepe oime mbae mbobymi amboyá vaerâ ndereje, nde rerecojá reje upepe nendive umi jacateŷva pe Balaam ñemoñeêngué reje upe omboe vaecue Balacpe omoî jaguâ oñepysangáucá jaguâ umi Israel cuéravape, omboe vaecue jou jaguâ soo umi iyucapyre umi mbae rei raângá rerape guare, ja oñemotieŷ jaguâ umi jeco vaíva ndive.

Ñandejára Ñe’ẽ

¹⁴ Areko jepe ha'e vaerã nde rehe. Oime pene ndive umi ojeise'ỹva Balaam ombo'évagui, he'i vaekue Balácpe, omohembiapovaika haguã umi Israel guápe, omyañañávo chupe kuéra teko vaípe ha ho'u haguã tymba ojejuka vaekue kuave'ẽmby ramo umi ta'ãnga reípe.

Ñandeyara Ñe'ẽ

¹⁴ Opáichavo, oime peteĩ mba'e che mbopochýva nde rehe: rereko Pérgamope nendive umi ohejase'ỹva pe Balaam ombo'e va'ekue, he'i va'ekue Balácpe ombopeca haguã umi Israelita kuérape ho'úvo mba'e oñekuave'ẽ va'ekue ta'anga kuérape ha ojoguerekóvo menda'ỹ rehe.

Ñandejara Ñe’ẽ ✟

¹⁴ Areko jepe ha'e vaerã nde rehe. Oime pene ndive umi ojeise'ỹva Balaam ombo'évagui, he'i vaekue Balácpe, omohembiapovaika haguã umi Israel guápe, omyañañávo chupe kuéra teko vaípe ha ho'u haguã tymba ojejuka vaekue kuave'ẽmby ramo umi ta'ãnga reípe.

Ñanderuete Ñe’ẽ Porã 2015

¹⁴ Areko jepe peteĩ mba’e Che ahayhu’ỹva: Oĩ ningo pende apytépe ohayhúva umi mba’e Balaam ombo’eva’ekue, ha’e he’i ramoguare Balácpe mba’éichapa omoñepysãngava’erã Israel ra’ykuérape ho’ukávo ichupekuéra so’o oñekuave’ẽmbyréva jára gua’ukuérape ha oiko hag̃ua ambue kuñakuéra ndive.

Apocalípsis 2:14 Referencias Cruzadas

Matéo 18:7

Angai umi ybypóra cuera oimejáreje umichagua teco tieŷ! Ndipóri voí oyeico jaguâ oico ŷ reje teco tieŷ. Opaichavévo angai pe cuimbae oporo mbojecotieŷ jára!

Apostolkuéra 15:29

ani jaguâ peu soo oñecuameê vaecue ombuetéjápe taângá, ja ani jaguâ peu tuguy ja soo yubŷpyré guigua, ja ani jaguâ pende reco tieŷ. Upeicharamo peñeñangareco ramo umimbae gui peyapo pôrânerae jecópe. Ta peico pôrâ tamo.

Apostolkuéra 21:25

Upeicha avei umi pytagua oguerovia vaecuepe ore roéucáma vaecue ichupecuera roimoâjá ombuaye vaerâjá âmbae, toyeyoconte ani jaguâ jou mbae oñecuameê vaecue taângápe ja ani jaguâ jou tuguŷcue ja mbae yubypŷré ja ani oporoporenó.

Romayguakuérape 11:9

Upeicha avei David jei vaecue: Toico icarujá ñujâ ramo ja pyjá ramo ja ñepysangájá ramo ja jembiapocue recoviájá ramo.

Romayguakuérape 14:13

Upeicharamo, anive ñañomoâ oyoejecuera, upea rangue ñañejaâ ani ñamoî oñepysangá jaguâ terâ joa vaí jaguâ ñande reŷicuera.

Romayguakuérape 14:21

Ipôrâ voi nda peui soo ja ndapeui vino ja ndapeyapoi mbaeve, pende reŷi oñemboyaby jaguâ.

Romayguakuérape 9:32

¿Mbaerejépane upeva? Ndojupityi voi oico ŷ jague reje yeroviajápe ja ojeca jague reje pe teco marangatu umi jembiapo oyejegui voi guare reje. Upeichape jaecuera oñepysangá pe itá ñepysangájá reje, oyee jaicha Santa Escriturape:

1 Corintoyguakuérape 1:23

ja ore catu ore roñemoñeê pe Cristo Curusu reje guagui, umi Judiope añetejápe oñepysangájá ramo upéa, ja umi pytaguape itarová vaichagua.

1 Corintoyguakuérape 7:2

Opaichavévo umi tieŷ oicova gui, peteî teîva toguerecónte oguembireco ja peteî teîva cuña toguerecónte omena.

hebreoyguakuerape 13:4

Pe omendava reco toñembuete ete opava rupi, ja pe omendava rupá ani máramo oñemomârâ. Umi jeco tieŷvape, ja umi oporombuaiva mendarepe, umivape Tûpâ Ñandeyára ombojecoviane jecope.

1 Pédro 2:8

ja oico avei itá ñepysangajárâ ja itá guasu yayapichajárâ. Jaecuera voi oñepysangá Jese iñeêrendu ŷ gui Ñandeyára ñeême, upevarâ voi oñemojenda vaecue.

2 Pédro 2:15

Jaecuera ojeya pe tape icareŷva, ja upeichape opia oipyjy pype pe Balaam pe Beor raŷ rapycuere upe ojupityse iterei vaecue pe mbae vaíapó repŷ.

Júdas 1:11

Angai jaecuera oguatáva jicuai Cain rapécué rupi ja ojupity jaguâ mbaerepŷ oñemombóva oimoa-ŷ-me pe Balaam reco oyaby jague rupi, ja oñembuaipa oñemoî jague reje juvicha reje cuera oyapo jagueicha pe Córa.

Apocalípsis 2:20

Upeicharamo yepe oime peteî mbae amboyá vaerâ ndereje nde rerokîrîrîjá reje pe cuña Jezebelpe pe jeiva oyejegui oñemoñeêjáravajá, pe oporomboéva ja omombiáva Che rembiguaipe itieŷ jaguâ jeco vaíjápe, ja jou jaguâ soo iyucapyre rejegua mbae rei raângá rerape guare.

Apocalípsis 2:4

Upeicha ramo yepe areco peteî mbae nde coty coty remombí nungá jague reje nde poraŷjú yma guare.

Apocalípsis 21:8

Oime ramo ipyamimiva ja oyerovia-ŷ-já ja itayasúva, ja oporoyucava, ja itieŷva, ja ipayéva ja mbae rei raângâ rerecua, ja umi iyapúva, umiape iyáne oñemojenda jaguâ pe tata ja itáycú jendyjápe.

Apocalípsis 22:15

Oime opyta vaerâ ocápe umi yagua tayasu, ja upeicha avei opa umi ipayéva, ja opa itieŷva, ja oporoyucáva, ja umi mbae rei raângá rerecuá, ja opa umi jeco yapúva, oñeê reíva, opavave umiva oyejeyáne ocápe.