Apocalípsis 19:9 - Tûpâ Ñandeyára 1913

⁹ Ja Jae jei cheve: Emoî cuatiápe: Jeco oryete vaerâ umi oñejenôi vaecue pe caruguasu pe Ovecha Raŷ mendaja peguârâpe. Ja jei avei cheve: Cova añetetegua Tûpâ Ñandeyára Ñeê.

Ñandejára Ñe’ẽ

⁹ Pe Tupã remimbou he'i chéve: “Emoĩ kuatiáre: ‘Ovy'aiténe umi ohóva pe Ovecha Ra'y menda karu guasuhápe.’” Ha he'ive: “Ko'ãva ha'e Ñandejára Ñe'ẽ añetegua.”

Ñandeyara Ñe'ẽ

⁹ Ha pe ángel he'i chéve: --Emoĩ kuatia rehe: “Ovy'a vaerã umi oñeconvidáva pe Ovecha Ra'y mendaha arete peguarã.” Ha he'i chéve: --Ko'ãva ha'e Tupã Ñandejára ñe'ẽ añetetegua.

Ñandejara Ñe’ẽ ✟

⁹ Pe Tupã remimbou he'i chéve: “Emoĩ kuatiáre: ‘Ovy'aiténe umi ohóva pe Ovecha Ra'y menda karu guasuhápe.’” Ha he'ive: “Ko'ãva ha'e Ñandejára Ñe'ẽ añetegua.”

Ñanderuete Ñe’ẽ Porã 2015

⁹ Ha pe yvága rembiguái he’i chéve: Ehai: Ovy’aite umi oñehenóiva (oñeconvidáva), pe Ovechara’y menda karuguasúpe (céna del Señor) g̃uarã. Ha ha’e he’ive chéve: Ko’ã Ñanderuete ñe’ẽ ningo añete ha katuete oikopáta.

Apocalípsis 19:9 Referencias Cruzadas

Lúcas 22:16

Che jae peême catuetei voí, Che ndauvei chemane ichugui oyecuaaucápá peve jecope pe jeiséva Tûpâ Ñandeyára reco marangatu yvapeguape.

1 Timotéope 1:15

Cova ñeê yeroviapyrâ ja iyáva opavave oyopyjy jaguâ Cristo Jesús ou jague yby ári ombojeco marangatu jaguâ umi angaipavórape. Umiva cuérava che voi pe tenondéva, che voí che pojyieté vaecue.

1 Timotéope 4:9

Co ñeê yarovia vaerâ voi, ja iya oyererojory jaguâ opava rupi.

2 Timotéope 2:11

Co ñeê voi yeroviapyrâ: Ñande ñamano rire Jendive, Jendive yaicove yebyne avei.

Títope 3:8

Co ñeê ipôrâ yarovia jaguâ, ja che aipota nde remomandua meme catuetei coambae reje umi oyeroviavape Tûpâ Ñandeyára reje oñejaâite jaguâ oico tapécuaájá ramo opa tembiapo pôrârâme. Coambae ipôrâ voi ja ojupityuca mbae pôrâ umi cuimbaepe.

Apocalípsis 1:1

Coâva pe Jesu Cristo rembiajoyaopyre, pe Tûpâ Ñandeyára omboiya vaecue Ichupe, Jae oicuaauca jaguâ umi jembiguai cuerape umi mbae curimivente oyejú vaerâ gui. Jae voi ombou pe jembiyocuai yvapeguape ojechauca vaerâ umi mbae pe jembiguai Juanpe.

Apocalípsis 1:19

Emoînte jecope cuatia ñeême, upeicharamo, âmbae rejecha ramóva reina, umi mbae coanga oicova jina ja umi mbae oyeju vaerâ cova rire,

Apocalípsis 10:4

Ja oñeê rire umi siete osunúva, che aimema voi amoî jaguâicha umimbae co cuatiápe, ajendu ramo peteî osapucaiva ŷva guive jeivo: Ereconte ye iñongatujápente âmbae oñeê vaecue umi siete osunúva ja ani remoî cuatiápe.

Apocalípsis 14:13

Ja ajendu peteî osapucaiva yvagui jeiva: Emoî cuatiápe. Jeco oryete ja imarangatu vaerâ umi omano vaecue Ñandeyára rejeguava coaguirire. Upeicha vaerâ, jei pe Espiritu, topytuu ipya mbyasy gui: jembiapo cuera cue voi ojo japycueri cuera.

Apocalípsis 17:1

Uperamo peteî umi siete yvapeguava ogueraja vaecue umi siete mbayru ou ja che mongueta: Eyo chendive, jei, tajechauca ndeve pe cuña recó vaí rendâgua pe oguapŷva jina umi ŷetá ári,

Apocalípsis 17:17

Tûpâ Ñandeyára voí omoî vaecue ichupecuera ipyápe oyapo jaguâ pe jiâva Ichupe, ja oyapo jaguâ jiâ jaicha ichupecuera oñondivepá, ja jaecuera omoi jaguâ pe maymba vaípe mburuvicha guasu ramo jendaguepe cuera oicopá rire peve jecope Tûpâ Ñandeyára ñeêngue.

Apocalípsis 2:1

Umi Iglesia rejegua Efesopegua rerecuápe eréucá cuatia ñeême coicha: Cova upe jeiucáva pe oguerecova ipo iyacatua peguape umi siete ára resa, upe oicova umi sieteve tataendy renda oroguiguava paû rupi:

Apocalípsis 2:12

Umi Iglesia rejegua Pergamospegua rerecuápe eréucá cuatia ñeême coicha: Cova upe jeiucáva pe oguerecova pe kyse pucu jaimbé ja jaî yováiva.

Apocalípsis 2:18

Umi Iglesia rejegua Tiatira pegua rerecuape ereuca coicha: Cova upe jeiucáva upe Tûpâ Ñandeyára Ray pe jesa tata rendŷicháva, ipy bronce oñembo veráichava.

Apocalípsis 2:8

Umi Iglesia rejegua Smirnapegua rerecuápe eréucá cuatia ñeême coicha: Cova upe jeiucáva pe Iyŷpycue ja pe Ipajá, Upe omano vaecue ja oicove yeby vaecue avei:

Apocalípsis 21:5

Uperamo pe oguapy vaecue jina pe mburuvicha guasu guapyjápe jei: Coina ape ambopyajupáma aina opa mbae. Ja jei avei: Emoî cuatia ñeême mbae oyererovia vaerâ añeteguajá reje voi umi ñeê.

Apocalípsis 22:6

Upei catu jae jei cheve: Coa ñeê oyererovia vaerâ añeteguáva, ja pe Ñandeyára umi ñemoñeêjára ânga Tûpâ Ñandeyára ombou jembiyocuai yvapeguape oicuaaucá jaguâ umi jembiguaipe coambae oyeju voiete vaerâjá,

Apocalípsis 3:1

Ja umi Iglesia rejegua Sardispegua rerecuápe ereuca cuatia ñeême coicha: Cova upe jeiucáva pe Tûpâ Ñandeyára siete Espiritu ja siete ára resa rerecuá: Che aicuaa ye nerembiapocue ja ne rerâcuâjá reicovéjá remano ramo yepe.

Apocalípsis 3:14

Ja umi Iglesia rejegua Laodiceapegua rerecuápe eréucá cuatiañeeme coicha: Cova pe jeiuca ja pe Amen, pe Jechajaré yeroviajá ja jecopegua, pe Iñypyrujára Tûpâ Ñandeyára moñemoñare rejegua.

Apocalípsis 3:20

Coina ape Che aime añemboy aina okême ja ambota aina. Oime ramo ojendúva Che ñeê ja oipeáva Cheve pe okê Che aikene ichupe ja ayererojoryne jendive ja jae oyererojoryne Che ndive.

Apocalípsis 3:7

Ja umi Iglesia rejegua Filadelfiapegua rerecuápe eréucá cuatia ñeême: Cova pe jeiucáva pe Imarangatúva, pe Jaeteva, pe David rokê mbotyjá rerecuá, Upe oipeava ja ndipori imbotŷjárâ, ja Upe ombotŷva ja ndipori ipeájárâ.