Apocalípsis 19:12 - Tûpâ Ñandeyára 1913

¹² Ja jesa tata rendŷicha ja iñâcâ reje jeta umi mburuvicha guasu âcâ rejegua, ja oguereco peteî téra oyeje avave oicuaa ŷ vaecue jae añoite mante.

Ñandejára Ñe’ẽ

¹² Umi hesa overa tata rendýicha. Heta akã rehegua jeguaka iñakãre ha oguereko ijehe peteĩ téra ha'e mante oikuaáva.

Ñandeyara Ñe'ẽ

¹² Pe hesa tata rendýicha, ha iñakã rehe oguereko heta corona, ha oguereko ojehe peteĩ téra ha'e mante oikuaáva.

Ñandejara Ñe’ẽ ✟

¹² Umi hesa overa tata rendýicha. Heta akã rehegua jeguaka iñakãre ha oguereko ijehe peteĩ téra ha'e mante oikuaáva.

Ñanderuete Ñe’ẽ Porã 2015

¹² Hesakuéra tatarendýicha ha iñakã ári oĩ heta akã jeguaka (coróna), ha héra ojehaíma, avave ndoikuaái katu, Ha’e añoitémante.

Apocalípsis 19:12 Referencias Cruzadas

Matéo 11:27

Opambae oñemeê vaecue Cheve Che Ru gui, ja avave ndoicuaai pe Taŷrape, pe Túva mante. Upeicha avei avave ndoicuaai pe Túvape, pe Taŷra mante, ja oime ramo pe Taŷra oicuaaucaséja Ichupe, upéva avei oicuaane.

Matéo 21:5

Peyé umi Sionŷguape: Peína ape ou ne rendape co nde ruvicha guasu, imbae pôrâva oguapy oúvo mburicá ári taŷra rejeve aveí ñane rymbá rejegua raŷva voí.)

Matéo 28:18

Upei catu Jesús oñemboyá Jendápe cuera ja oñeê ichupecuera jeívo: Oñemeê Cheve añembo puacaitévo yvágape ja co ybyári.

Lúcas 10:22

Opambae oñemoî Che pope Che Ru gui. Avave ndoicuaai avápa co Taŷra, pe Túva mante, ja avave ndoicuaai avápa pe Túva, pe Taŷra mante, ja oime ramo pe Tayra oicuaáucáséja Ichupe, upéva oicuaa vaerâ.

Juan 17:11

Anga rire Che naimeveima co yby ári. Jaecuerante oime vaerâ co yby ári, ja Che ayu aina Ne rendape. Che Ru marangatu, eñongatu ichupecuera co Nde réra co Cheve remoî vaecuepe, oico jaguâ peteînte ramo Ñandeichante avei.

Juan 17:12

Aime yaveve jendive cuera Che añongatu ichupecuera co Nde Rera co Cheve remoî vaecuepe, ja Che añangareco vaecue jesecuera ja na peteîmi yepei jaecuérava nocañŷri, upea añonte pe ocañŷ vaerâ rejeguáva voi, oico jaguâ jecope Santa Escriturape oyee jagueicha.

Efesoyguakuérape 1:21

ja ombotuvichave Ichupe opa mburuvicha guasúva gui, ja opa mburuvichaíva gui, ja opa umi ipuacáva gui, ja opa carai guasúva gui, ja opa téra oñemojerâcuâva gui na co ybyari coanga rupigua añoi, upe yvagape avei pe teco oico vaerâ rupi gua avei,

hebreoyguakuerape 2:9

Pe Jesús voi oñemomîchîvé vaecue umi yvapegua gui, icatu jaguâ Tûpâ Ñandeyára ipya pôrâ rupi ojaâ pe ñamanóvajá opavave rejejápe, upevape voi yajechama oñembo tuvichájá oñembuetéjápe mburuvicha guasu ramo ojasa asy jague reje omano meve.

Apocalípsis 1:14

ja iñâcâ ja jiáva morôtí ovecha rague morôtívaicha, ja amandauicha ja jesa tatarendyicha,

Apocalípsis 12:3

Upepe oyejecha ambue jechapyrâ yvape: oi peteî mbae vaí tuvichaitéva pŷtâetéva siete iñâcâva, ja diez jatîva, ja isieteve iñâcâ cuera reje oi mburuvicha guasu âcâ rejeguaicha.

Apocalípsis 13:1

Ja ojo pe mbae vaí ja opyta oñemboŷ pe ŷ guasu rembeŷ ybycuí reje. Upeyave ajecha guaú peteî mymbá oyupiva ŷ guasu gui diez jatîva ja siete iñâcâva ja jatî ári oime diez mburuvicha guasu âcârejegua, ja peteî teî iñâcâ reje oî peteî téra itieŷva.

Apocalípsis 19:16

ja iyao reje ja jetyma reje oguereco avei co téra: Mburuvicha guasu Ruvichá guasueté ja carai guasu Carai guasúeté.

Apocalípsis 3:12

Upe ogueropuacávape amoingóne iyocojarâ ramo Che Tûpâ Ñandeyára tûpâópeguarâ ja jae nosêvéi chene upegui máramo. Ja Che amoîne jese pe Che Tûpâ Ñandeyára réra ja pe Che Tûpâ Ñandeyára retâ réra, co Jerusalem ipyajúva ogueyŷtava oúva yva guive Che Tûpâ Ñandeyára guivo, ja amoîne avei jese Che réra pyajú.

Apocalípsis 6:2

Ja amaê ja ou sapyaite peteî cabayu morôtíva, ja pe oi vaecue jina jiari oguereco ybyrapá juŷ mondojá, ja oñemoî iñâcâreje mbae iñopêmbyre, ja Jae osê ojóvo oñembopuaca oicovo opava reje ipuacaiteve jaguâ opavave reje.