Apocalípsis 16:10 - Tûpâ Ñandeyára 1913

¹⁰ Uperamo pe cincojá yvapegua oñojê imbayru guasu pegua pe maymba guapyjá reje ja jeta opyta pytûnguŷpe ja umi ybypóra oisuú icû jasy gui ichupecuera,

Ñandejára Ñe’ẽ

¹⁰ Pe Tupã remimbou 5ha omonandi imbayru pe tymba vai guasu guapyháre, ha hetã opyta pytũmbýpe. Ha oisu'u ikũ nguéra teko asýpe;

Ñandeyara Ñe'ẽ

¹⁰ Pe ángel cincoha oñohẽ pe icópa pegua pe monstruo trono ári, ha pe iréino opyta pytũnguýpe. Ha hasýgui ichupe kuéra umi hesegua kuéra oisu'u ikũ,

Ñandejara Ñe’ẽ ✟

¹⁰ Pe Tupã remimbou 5ha omonandi imbayru pe tymba vai guasu guapyháre, ha hetã opyta pytũmbýpe. Ha oisu'u ikũ nguéra teko asýpe;

Ñanderuete Ñe’ẽ Porã 2015

¹⁰ Ha pe yvága rembiguái 5-ha oñohẽvo iña’ẽmbe upe mymba guapyhaguasu ári inypytũmba ha’e oisãmbyhyha rupi, ha umi yvyarigua oisu’upa ikũnguéra jepe,

Apocalípsis 16:10 Referencias Cruzadas

Matéo 13:42

ja oityne ichupecuera pe tatacuá ratápe: upepe catu oicone pe tasê guasú ja taiñeê ete.

Matéo 13:50

ja oitŷne ichupecuera pe tatacuá ratápe. Upepe oicone tasê guasú ja taiñeê ete.

Matéo 22:13

Upei catu pe mburuvicha guasu jei umi jembiyocuáipe: Peñapytî ipy ja ipo gui ja pemombo ichupe ocape pytûnguype pe oico jaguâ tasê ja táîñeê.

Matéo 24:51

ja oikytîne mbytépe ichupe ja omojendáne ichupe umi jovamocoîva oijápe pe oico jaguâme pe tasê ja táîñeê.

Matéo 8:12

Upegui pe tetâ yvapegua ray rângue moa oñemombóne ocape pytûnguype, pe tasê ja táîñeê jaguâme.

Lúcas 13:28

Ja upepe oico vaerâ pe yajeo ja taiñeê, pejecha ramo pe Abraampe ja Isaácpe ja Jacóbpe ja opa umi ñemoñeêjara ymaguare oi ramo pe Tûpâ Ñandeyára rendape ja peê voi peñemombo ramo ocápe.

1 Pédro 2:17

pembuete opavavepe, pejayju ñande reŷicuerape, pekyjŷye Tûpâ Ñandeyára gui, pembuete pe mburuvicha guasu pe.

Apocalípsis 11:10

Ja umi oicova ybyari jory yoa jesecuera ja obya avei ja oguerajauca oyupe oyoguerojorŷvo oipyapyete jague reje umi ybyariguape umi mocoîve oñemoñeêjára.

Apocalípsis 11:2

Pe icorapŷ ocape oiva tûpâo gui Ejeyánte, ani rejaâ. Upéva oñemeêmbyre umi pytagua cuerape, ja jaecuera opyrûmbáne upe tetâ imarangatuva reje cuarenta dos yasy peve,

Apocalípsis 11:8

Ja jete cueracue opytane upe tetâ ryguepype pe oyee guauva Sodoma ja Egipto, pe oñemoî jague curusu reje Iyáracuera avei.

Apocalípsis 17:17

Tûpâ Ñandeyára voí omoî vaecue ichupecuera ipyápe oyapo jaguâ pe jiâva Ichupe, ja oyapo jaguâ jiâ jaicha ichupecuera oñondivepá, ja jaecuera omoi jaguâ pe maymba vaípe mburuvicha guasu ramo jendaguepe cuera oicopá rire peve jecope Tûpâ Ñandeyára ñeêngue.

Apocalípsis 17:9

Umi iñarandúvape cuerante iyáne ojechacuaa jaguâ jecopete coambae: umi siete iñâcâ siete itá atŷra oguapŷja renda pe cuña,

Apocalípsis 18:2

Joáma, joáma, pe Babilonia guasuete, ja oyeyapóma umi mbaepochy oñemombojupá renda ramo, ja opaichagua mbaepochy itieŷva cuára ramo, ja opaichagua guyra tayasujá ñamotareŷpyrâ.

Apocalípsis 18:21

Upei catu peteî yvapegua ipuacáva ojupi peteî itá itá apua tuvicha vaicha, ja omombo pe ŷ guasupe jeivo: Upeicha avei pe Babilonia pe tetâ guasúeté oñemombone jâtâ ja pyaéetéjápe ja marové ndoyeyujuvéichene jendague yepe.

Apocalípsis 18:23

ja marove ndojesapévéichene peteî tataendy rendycue ndepype ja marove noñejenduvéichene ndepype iñeê pe imenarâ terâ jembirecorâ gui. Umi ne ñemûjára cuera voi umi caraíetá tuvichava co ybyarigua, ja nde paye cuera rupi oñembotabŷpá vaecue opa tetâ-ŷ-gua.

Apocalípsis 8:12

Upei catu pe irundyjá yvapegua ombopu ituru, ja oyeyapicha mbojapyjá renda guive cuarajŷ, ja mbojapyjá renda guive pe yasŷ, ja mbojapyjá renda guive umi ára resa, mbojapyjá jenda guive oñemoŷpŷtû jaguâ ja mbojapyjá renda guive árape ja upeicha avei pyjare najesâcâi jaguâ.

Apocalípsis 9:2

Ja jae oipea pe ybycua jugua-ŷ-va rokê. Ja opuâ tatatî pe ybycua gui peteî tatacuá tuvichaitévagui guaicha oñemo ypytû meve pe cuarajy pe ybycuá rata tî gui ja jatatîmbá oparupi.