Apocalípsis 14:2 - Tûpâ Ñandeyára 1913

² Ja ajendu guaú jeta ombopúva yva guive oyoguáva ŷ etá ryapúcuépe jyapu ára sunu guasúicha, ja pe mbaepú che ajendu vaecue umi arpa mbopú jaicha voí.

Ñandejára Ñe’ẽ

² Upéi ahendu tyapu oúva yvágagui, ha'ete ku y ho'áva yvatégui ryapu, peteĩ ára sunu hatãicha; heta árpa mbopuha ombopu joáva oñondive.

Ñandeyara Ñe'ẽ

² Upéi katu ahendu peteĩ tyapu yvágagui ha'etéva ku ý guasu ryapu, ha peteĩ arasunu guasúicha, ha ha'etéva avei árpapu eta ryapu.

Ñandejara Ñe’ẽ ✟

² Upéi ahendu tyapu oúva yvágagui, ha'ete ku y ho'áva yvatégui ryapu, peteĩ ára sunu hatãicha; heta árpa mbopuha ombopu joáva oñondive.

Ñanderuete Ñe’ẽ Porã 2015

² Ha ahendu ñe’ẽpu yvágaguio, yguasu pochy térã arasunu ryapúicha, ha pe ñe’ẽpu, che, Juan, ahendúva ha’ete ku harpaita púicha.

Apocalípsis 14:2 Referencias Cruzadas

1 Corintoyguakuérape 13:1

Añeê ramo yepe che opaichagua pytagua ñeême, ja yvapegua ñeême, che nda porojayjui ramo, ayeyapoma yepe pe ipu otârârâva ramo terâ pe ipu itînînîva ramo.

Apocalípsis 1:10

Pe Espiritu rupi añemoingo guau pe Ñandeyára árape ja ajendú guau che rapycuepe peteî osapucai jâtâva turugui guaicha,

Apocalípsis 1:15

ja ipy oyogua bronce oñemboverápyrépe, jendy vaicha tatacuape, ja iñeê ŷ etá ryapuicha.

Apocalípsis 11:12

Ja ojendu jaecuera peteî osapucai jâtâva yvagui jeiva ichupecuera: Peyupi ape! ja oyupi jaecuera yvape peteî arai ári ja umi iñamotareŷjára cuera ojecha ojo ramo.

Apocalípsis 11:15

Co vaerâ voi ombopu ituru pe sietejá yvapegua ja oico osapucai yoava yvape jeiva: Oñemoingóma mburuvicha guasuete ramo Ñandeyára ja Cristo umi mburuvicha guasu yby arigua rendague, ja Jae oicone mburuvicha guasu ramo tapia ja tapia guârâ.

Apocalípsis 15:2

Uperamo ajecha guaú peteî ŷ guasu mbae overá vaichagua oyoparáva tata rejeve, ja umi ipuacagui oyei vaecue pe maymba gui ja jaângá gui ja jéra retacue gui oñemboŷ vaecue jicuai pe ŷ guasu mbae overáva ári oguerecova Tûpâ Ñandeyára arpava voi,

Apocalípsis 18:22

Ja marove noñejenduvéichene nde pype umi ombopúva arpa terâ opurajéiva terâ umi mimby mbopújá terâ umi turu mbopújá ja mbaevéichagua tembiapóapójára ndoyeyujuvéichene nde pype, ja noñejenduvéichene avei umi cuña oñembiso ramo,

Apocalípsis 5:8

Ja oipyjyma ramo Jae pe cuatia ñeê apacuapyré, umi irundy oicovéva, ja umi veinti cuatrove tuya oyeity pe Ovecha Raŷ renondepe, oguerecóva peteî teî jaecuérava peteî arpa ja mbayru oroguigua jenyjêva mbae jyâcuâ gui umi imarangatúva ñemboe yoguajáva.

Apocalípsis 6:1

Ja ajecha guaú pe Ovecha Raŷ oipea ramo peteî umi siete iñapytîjáva, ja ajendu guau peteî umi irundy oicovévagui jei ramo oñeêva ára sunúicha: Peyó!

Apocalípsis 8:7

Ja pe iñypyrûmbŷgua ombopu ituru ja upe vove oico amandau ja tata oyoparáva tuguy rejeve joa vaecue ouvo yby ári ja mbojapyjá jenda guive pe yby ocaipá, ja pe mbojapy jápeve umi ybyra râcâ oyejapy, ja opa mbae caavó iyŷbyráva ocaipá.