Apocalípsis 13:14 - Tûpâ Ñandeyára 1913

¹⁴ Ja omombia avei umi ybyariguape umi jechapyrâ rupi iyáva ichupe oyapo jaguâ upe maymba renondepe. Ja jei umi ybyari cuera jicuaivape omopuâ jaguâ peteî taângá pe maymba yoguajarâ upe oñekytîmbyre pe kyse pucupe, ja upeicha rejeve yepe oicove vaecue.

Ñandejára Ñe’ẽ

¹⁴ Ha umi mba'e hechapyrã rupi, ojehejáva chupe ojapo pe tymba vai guasu peteĩha renondépe, ombotavy opa yvy ári oikóvape, ha he'i chupe kuéra ojapo haguã pe tymba vai guasu ra'ãnga, ojekutu vai ramo jepe oikovéva kyse puku rãimbépe.

Ñandeyara Ñe'ẽ

¹⁴ Ha umi techaukapyrã rupi ojapóva pe monstruo tenondere renondépe, ombotavy umi yvypóra kuérape ha he'i ichupe kuéra ojapo haguã pe monstruo ra'anga, upe oñekytĩ va'ekue espádape, ha upéicharamo jepe nomanói.

Ñandejara Ñe’ẽ ✟

¹⁴ Ha umi mba'e hechapyrã rupi, ojehejáva chupe ojapo pe tymba vai guasu peteĩha renondépe, ombotavy opa yvy ári oikóvape, ha he'i chupe kuéra ojapo haguã pe tymba vai guasu ra'ãnga, ojekutu vai ramo jepe oikovéva kyse puku rãimbépe.

Ñanderuete Ñe’ẽ Porã 2015

¹⁴ ombotavy hag̃ua ichupekuéra umi mba’e techapyrã rupi, oñeme’ẽgui ichupe pu’aka ojapo hag̃ua ko’ã mba’e techapyrãva pe mymba tenondegua resa renondépe, oguerekova’ekue pe jekutu vai kyse pukuetégui ha oikove jevy, upévare upe mymba mokõiha ojapouka peteĩ ta’ãnga tuicháva upe mymba tenondeguápe g̃uarã.

Apocalípsis 13:14 Referencias Cruzadas

2 Tesalonicayguakuérape 2:4

pe oñemopuâ vaerâ ja oñembotuvicha vaerâ opa mbae oñembo jérava Tûpâ Ñandeyára coty coty terâ mbae imbuetepyrâ coty coty ja oike vaerâ oguapy jaguâ yepe pe tenda carai tûpâopeguape oyejechaucávo oyupe jae voi Tûpâ Ñandeyára ramo guaicha.

Apocalípsis 12:9

ja oñemombó pe mbae vaí tuvichaitéva pe mbói ymaguare, jérava mbaepochy, ja Satanas, pe omombiáva opa ybypóra cuerape, upéva oñemombo ybyari peve ja jembiguai cuera oñemombo jendive avei.

Apocalípsis 13:1

Ja ojo pe mbae vaí ja opyta oñemboŷ pe ŷ guasu rembeŷ ybycuí reje. Upeyave ajecha guaú peteî mymbá oyupiva ŷ guasu gui diez jatîva ja siete iñâcâva ja jatî ári oime diez mburuvicha guasu âcârejegua, ja peteî teî iñâcâ reje oî peteî téra itieŷva.

Apocalípsis 13:15

Ja iya ichupe omoingové jaguâ pe maymba raângápe, pe maymba raângâ oñeê jaguâ ja oyucáucá jaguâ avei opa umi ombuete-ŷ-vape pe maymba raângáme.

Apocalípsis 13:8

ja opa jicuaiva ybyari oicone ombuetéjápe ichupe, yaévo opa umi jéracuera oi-ŷ-va pe cuatia Tecové iyapyra-ŷ-va peguape, pe Ovecha Raŷ cuatia ñeême pe oyeyucapyre oñypyrú mboyve voi co yby.

Apocalípsis 14:11

Ja pe ojasa asyjá renda rata tîngue opuâne ojovo tapiaguârâ, ja umi ombuetejara pe maymba ja jaângá, ja oimerâeva oguereco vaecue jéra isyvá reje ndopytuui ára ja pyjare avei.

Apocalípsis 14:9

Ja oime ambue yvapegua mbojapyjá oúva japycueri, jeívo osapucaijápe: Oimeraêva ombuetéva pe maymbape ja jaângápe ja oñemoî jague isyvá terâ ipo reje jesegua ramo,

Apocalípsis 15:2

Uperamo ajecha guaú peteî ŷ guasu mbae overá vaichagua oyoparáva tata rejeve, ja umi ipuacagui oyei vaecue pe maymba gui ja jaângá gui ja jéra retacue gui oñemboŷ vaecue jicuai pe ŷ guasu mbae overáva ári oguerecova Tûpâ Ñandeyára arpava voi,

Apocalípsis 16:13

Uperamo ajecha guaú mbojapŷ mbaepochŷ itieŷva yuichagua osê ramo pe mbae vai yurúgui ja pe maymba yuru gui ja pe oñemoñeêjára guaujapegua yuru gui avei.

Apocalípsis 16:2

Ja osê pe iñypyrúmbŷ yvapegua ja oñojê imbayru guasu gui yby ári ja oico ichugui aí ivaiva ja ipochŷva umi cuimbae cuera reje oguereco vaecue oyejechacuaaucá jaguâ pe maymba rejeguaja ja ombueteva je jaângápe.

Apocalípsis 18:23

ja marove ndojesapévéichene peteî tataendy rendycue ndepype ja marove noñejenduvéichene ndepype iñeê pe imenarâ terâ jembirecorâ gui. Umi ne ñemûjára cuera voi umi caraíetá tuvichava co ybyarigua, ja nde paye cuera rupi oñembotabŷpá vaecue opa tetâ-ŷ-gua.

Apocalípsis 19:20

Ja oyeyopyjy pe maymba ja jendive pe oñemoñeêva guaujápe avei, upe oyapo vaecue jechapyrâ jenondepe omombia jague umi oguereco vaecue isyvápe oyejechacuaaucá jaguâ pe maymba rejeguajá, ja ombuete vaecuepe jaângápe. Â mocoive oyeity jecove rejeve pe tata guasu rendape jendŷva itáycú rejeve.

Apocalípsis 2:10

Ani rekyjŷyé umi mbae rejasa asy jaguâ. Añetejápe oime peêva penemoîucátajá ybyracuape pe mbaepochy, peñejaâ jaguâ ja diez ára peve rupi pejasa asyne. Eico yeroviaja ramo ipajápeve remano jaguâ meve yepe, ja uperamo ameêne ndeve pe iñopêmbyréicha neâcâ rejeguarâ, pe Tecove iyapyra-ŷ-va.

Apocalípsis 20:10

Ja pe mbaepochy pe omombia jaré oñemombo avei pe tata guasú ja itáycú rendape, oi jaguepe voima pe maymba vaí ja pe oñemoñeê guau vaecue, ja oyepyapy ja oyejasa asyne ára ja pyjare tapia ja tapiaguârâ.

Apocalípsis 3:10

Nde rembuaye jague reje Che ñeê reropuacavo kîrîrîjáme Cheicha yma, Che avei añangarecone ndereje umi ára pojyi yavé oico vaerâ yvy ári oñejaa jaguâme opa ybypóra.