Apocalípsis 1:18 - Tûpâ Ñandeyára 1913

¹⁸ Che pe Oicoveva, Che amano vaecue, coanga aicove aina tapia guârâ ja areco pe ñemano ja pe mbaepochy retâ mbotyjá.

Ñandejára Ñe’ẽ

¹⁸ ha pe oikovéva. Amano vaekue, ágã katu aikove opa ára guarã. Che areko pe omanóva retã rokẽ pe'aha.

Ñandeyara Ñe'ẽ

¹⁸ ha pe oikovéva. Amano va'ekue, opáichavo, ko'ãga aikove tapia guarã, ha areko pe mano ha umi omanóva renda rehegua llave kuéra.

Ñandejara Ñe’ẽ ✟

¹⁸ ha pe oikovéva. Amano vaekue, ágã katu aikove opa ára guarã. Che areko pe omanóva retã rokẽ pe'aha.

Ñanderuete Ñe’ẽ Porã 2015

¹⁸ pe aikovéva, ajejukava’ekue ha péina aikove ára atyguasukuéra guive umi ára atyguasurãnguéra peve ha Che poguýpe oĩ pe ñemano ha pe añaretã rokẽ lláve.

Apocalípsis 1:18 Referencias Cruzadas

Matéo 11:23

¿Ja nde pipo Capernaum! reyejupita nde yvaga peve yepe? Reñembogueyŷne añaretâmeve. Oyeyapo rire Sodomape mbaeguasu coaichagua nde pype oyeyapo jagueichagua, opyta morae coanga peve.

Matéo 16:19

Ameêne ndeve pe teco marangatu yvapegua rejegua roké yepeájarâ, ja oimeraêva reñapytî vaecue co ybyari opytáne ñapytîmbyré yvagape, ja oimeraêva reyorá vaecue co ybyari, opytáne yerapyré yvagape.

Lúcas 24:5

Ja okyjŷyé eterei gui jaecuera oyayby jicuai ja upei catu jaecuera jei ichupecuera: ¿Maerâpa pejecá umi omano vaecue apytepe pe oicovévape jina?

Juan 11:25

Ja Jesús jei ichupe: Che catu pe oyeicove yebyjá ja Che pe Tecové. Upe oyeroviáva Che reje, omanoma ramo yepe oicove yebyne.

Juan 14:19

Anga guive aremi rire, umi ybypóra nda Che rechaveichene Cheve. Peê catu Che rechane Cheve, aicovéjá reje Che ja peê avei peicovene peina.

Romayguakuérape 6:9

Yaicuaa voi oicove yeby jague Cristo umi omano vaecue paûgui, ja ndicatuveijá omano. Pe ñemano voi ndicatuveichene ipuaca Jeseve.

2 Corintoyguakuérape 13:4

Jae oñemoî rire yepe curusu reje oñembo pituá reje, upeicharamo yepe Jae oicové Tûpâ Ñandeyára puacá rupi, ja ore avei roñembo pituá Jesegua ramo, opaicha ramo roicovéne Jendive Tûpâ Ñandeyára puaca rupi penendive guârâ.

Galaciayguakuérape 2:20

Cristo ndive voi añemoî curusu reje, ja aicove ramo yepe nda che vémai, Cristo pe oicovéva che pypente, ja co che recove coanga che retérejegua aicové ayeroviajápe Tûpâ Ñandeyára Raŷ reje, pe che rayju vaecue, ja oñemeê vaecue iyupe che rejejápe.

Colosayguakuérape 3:3

Peê pemanovaicha voí, ja pende recovéeté oñemí jina Cristo ndive Tûpâ Ñandeyára pype.

hebreoyguakuerape 1:3

Upeva ojesapé voi Ñandeyára reco pôrâ tuvichacue yaveve ja iyoguajá jaeteva opa jecópe. Jae oyoco opa mbae iñeê ipuaca rupi, ja Jae ojupityma ramo ñane mopôtí jaguâ ñane angaipa gui, oguapy pe Tuvichaiteveva acatuape yvagape.

hebreoyguakuerape 12:2

ñamaña pype Jesu rejente co ñande ruvicha ñande yeroviajá rejegua ñanemo marangatu vaerâ jecope ipajápeve. Upeva pe jory ou vaerâ gui Ichupe, oguerokîrîrî pe curusu ogueroŷrô umi mbae motijarâ, ja uperire oguapy Tûpâ Ñandeyára renda acatuape.

hebreoyguakuerape 7:16

ja oñemoingo vaerâjá na cuimbae yapoucapyréi, ipuaca vaerâ rejente jecove icatuŷvaerâ oyepoívéjá gui.

hebreoyguakuerape 7:25

Upeareje iya Ichupe oporomopôtí avei jecoitépe ja ipajaitépeve umi oñemoanguívape Tûpâ Ñandeyára gui Jaerupi, Jae oicovéjá reje tapia guârâ oñeê jaguâ jesecuera.

Apocalípsis 10:6

ja omeê iñeê Ñandeyára rerape upe oicovéva tapiaguarâ, upe oyapo vaecue pe yvaga ja opa mbae ipype oiva, ja yby, ja opambae ipype oiva ja ŷ guasu, ja opambae ipype oiva, ja jei: Nda jiarevéi chene

Apocalípsis 15:7

Ja peteî umi irundy oicovéva gui omeê umi sieteve yvapeguape siete mbayru guasu orova jenŷjêva Tûpâ Ñandeyára pochŷcue gui pe oicovéva tapia ja tapia guârâ.

Apocalípsis 2:8

Umi Iglesia rejegua Smirnapegua rerecuápe eréucá cuatia ñeême coicha: Cova upe jeiucáva pe Iyŷpycue ja pe Ipajá, Upe omano vaecue ja oicove yeby vaecue avei:

Apocalípsis 20:13

Pe ŷ guasu avei opoí umi omano vaecue gui oiva ipype: pe oñemanojá ja pe omano vaecue renda opoí umi omano vaecue gui oiva ipype cuera. Ja peteî tei ybypóra oñemojenda iya jaicha jembiapocue.

Apocalípsis 20:14

Upei catu pe oñemanojá ja pe omanovaecue rendague oñemombo pe tata guasu rendape.

Apocalípsis 3:7

Ja umi Iglesia rejegua Filadelfiapegua rerecuápe eréucá cuatia ñeême: Cova pe jeiucáva pe Imarangatúva, pe Jaeteva, pe David rokê mbotyjá rerecuá, Upe oipeava ja ndipori imbotŷjárâ, ja Upe ombotŷva ja ndipori ipeájárâ.

Apocalípsis 4:9

Ja umi oicovéva ombotuvichá vove ja ombueté vove ja oguerojory vove pe oguapŷvape pe mburuvicha guasu guapyjápe pe oicovéva tapia guârâ,

Apocalípsis 5:14

Ja umi irundy oicovéva jei: Amen! ja umi ituyáva oñesû ja oñemboé.

Apocalípsis 6:8

Ja amaê guaú, ja sapya ou peteî cabayu saŷyú, ja pe oi vaecue jina jiari jérava Ñemanó, ja umi omano vaecue atyra ou japycueri, ja oñemeêne ichupecuera ipópe irundŷjápe co ybyari oyuca jaguâ ybypora cuerape kyse pucúpe ja ñembyajŷi gui ja mbaasy gui ja umi mymba iñaróva co yby arigua rupi.

Apocalípsis 9:1

Upei catu pe cincojá yvapegua ombopu ituru ja ajecha guau peteî ára resa joa vaecue yvaga gui yby peve ja oñemeê ichupe pe ybycua jugua-ŷ-va rokê mbotŷjá.