2 Pédro 2:4 - Tûpâ Ñandeyára 1913

⁴ Tûpâ Ñandeyára voi ndojeya rei vaecuei yma umi yvapegua cuerape oyapo vaecue angaipa ja omombo ichupe cuera mbaepochy retâme, ja omeê ichupecuera oñeñongatu jaguâ iñapytijápe pytûnguŷpe pe oñemojenda jaguâ jaára ramo guârâ.

Ñandejára Ñe’ẽ

⁴ Tupã ndoheja reíri vaekue hemimbou kuérape iñangaipa ramo guare. Oity vaekue uvei chupe kuéra aña retãme. Upépe oheja chupe kuéra iñapytĩmby pytũmbýpe, oha'arõ haguã Tupã oporombojovakeha ára.

Ñandeyara Ñe'ẽ

⁴ Ángel kuéra opeca ramo Tupã Ñandejára noperdonái va'ekue ichupe kuéra, oity va'ekue uvei ichupe kuéra Aña retãme ha oheja pytũnguýpe, ñeñapytĩháme cadénape oha'arõ haguã juicio ára.

Ñandejara Ñe’ẽ ✟

⁴ Tupã ndoheja reíri vaekue hemimbou kuérape iñangaipa ramo guare. Oity vaekue uvei chupe kuéra aña retãme. Upépe oheja chupe kuéra iñapytĩmby pytũmbýpe, oha'arõ haguã Tupã oporombojovakeha ára.

Ñanderuete Ñe’ẽ Porã 2015

⁴ Ñanderuete noperdonaiva’ekue umi yvága rembiguaikuéra (angelkuéra) oñemohembiapo vaiva’ekuépe, oity uvei ichupekuéra pe tenda pypukuetépe (infiérnope) oñembosako’imava’ekue Satanáme g̃uarã, ha upépe Ha’e oñongatu ichupekuéra pe ñembojovakeha árape g̃uarã.

2 Pédro 2:4 Referencias Cruzadas

Matéo 25:41

Upemaramo Jae jeine umi iyasu cotŷ oivape avei: Peyeí Chejegui peê, pene mombeu vaípŷrâ pe tatá oguévé ŷ jaguâme, oñembosacoí voí vaecue pe mbaepochy ja jembiyocuai peguârâ.

Matéo 8:29

Ja sapyaite osapucai jeivo: ¿Maerâpa reyú oreve Nde Tûpâ Ñandeyára Ray? ¿Reyú pico coápe ore muanguecóivo ore áraŷme?

Márcos 5:7

ja osapucai jâtâ ja jei: ¿Mbaepa reipota chejegui, Nde Jesús Tûpâ Ñandeyára pe Tuvichaitéva Raŷ? Ayerure Ndeve Tûpâ Ñandeyára rérape ani che muanguecoi!

Lúcas 10:18

Ja Jae jei ichupecuera: Che voí ajecha vaecue Satanáspe joa ramo araveráicha yvagui.

Lúcas 8:31

Ja oyerure Ichupe ani omondo ichupecuera pe ybyguŷpeté-añaretâme.

Juan 8:44

Peêcuera catu pende rú pe mbaepochy raŷcuera. Ja peê peyapose pe jiâva pende rú pe. Iñypyrúmbŷ guive oporoyuca vaecue voi jae, ja osê meme vaecue pe ñeê jecoitepegua gui nda iyái gui ipype pe jecoitepegua. Iyapú ramo jae, oñeê oyejegui vointe oguecoite gui voí. Iyapú voí jae ja yapú rú jae.

Romayguakuérape 11:21

Jacateŷ-ŷ-ramo Tûpâ Ñandeyára umi jâcâ jesegua reje, ¿na jâcâteŷichepane ndereje avei?

Romayguakuérape 8:32

Upe Itaŷrateé reje yepe nda jâcâteŷi vaecue omeêvo yepe Ichupe opavave ñande rejejápe, ¿mbaeichapa nune nomeêichene ñandeve Jendive opambae avei jâcâteŷŷjápe?

2 Pédro 2:11

Umi yvapegua cuera yepe tuvichave ramo yepe ja imbaraeteve ja ipuacave umiva gui, nomoñecoôi omombeu ramo jina Ñandeyára ypype.

2 Pédro 2:5

Jae ndo jeya reiri umi yvypóra ymaguarepe, oñongatu ramo yepe pe Noe siete ambuecue rejeve, pe oñemoñeêjaré pe teco marangatu gui guare, ombou ramo guare pe ŷ tŷguasu umi ybypóra cuera ogueroŷrôjaré Ñandeyárape reje.

2 Pédro 2:9

Upeicharamo Ñandeyára oipeacuaa voi umi ombuetejarape Ichupe opa omombóijáragui ja oñongatucuaa avei umi jeco ŷ meguape oyopŷvo ichupecuera pe oñemojenda jaguâ ára peve,

1 Juan 3:8

Pe oñemo angaipáva, upéva mbaepochy rejegua. Pe mbaepochy iñypyrumbŷ guive voi oñemo angaipa vaecue. Coarâ voi oyecuaaucá Tûpâ Ñandeyára Raŷ ombuaipa jaguâ mbaepochy rembiapo.

Júdas 1:13

Umiva ŷ guasu ipochy gui ocué vaicha, ja jŷyui vaicha pe jeco tieŷme ja ára resa jenda-ŷ-vaicha. Oime oyerereco ichupecuera voí pe iñypytû pytûvéva jenda jaguâ tapia guârâ.

Júdas 1:6

Ja umi yvapegua cuerape avei oico-ŷ-vaecue jeco ypycuepe, ja ojeya vaecue jendateé voi, umivape Jae oñongatu pytûnguype oñeñapytîjápe tapiaguârâ upe ára tuvichaitéva oñemojenda jaguâ meve.

Apocalípsis 20:10

Ja pe mbaepochy pe omombia jaré oñemombo avei pe tata guasú ja itáycú rendape, oi jaguepe voima pe maymba vaí ja pe oñemoñeê guau vaecue, ja oyepyapy ja oyejasa asyne ára ja pyjare tapia ja tapiaguârâ.