2 Pédro 1:8 - Tûpâ Ñandeyára 1913

⁸ Upeicharamo pende reco pôrâ ramo upeicha, ja ipôrâ oyoa yoave ramo peêcuera peicone na iñateîvaichai, ja nda tecove rei rei vaichai ja pejupityne peicuaa pôrâ meve jecope Ñandeyára Jesu Cristope.

Ñandejára Ñe’ẽ

⁸ Peẽ perekopa ramo ko'ã mba'e ha péicha peiko ramo, ndapeiko rei mo'ãi ha Ñandejára Jesucrístope ndapeikuaa rei mo'ãi.

Ñandeyara Ñe'ẽ

⁸ Peẽ pereko ramo ko'ã mba'e ha heta hetave ramo pende pype na pende reko reivéima vaerã ha ndapeikuaa rei mo'ãi Ñandejára Jesucrístope.

Ñandejara Ñe’ẽ ✟

⁸ Peẽ perekopa ramo ko'ã mba'e ha péicha peiko ramo, ndapeiko rei mo'ãi ha Ñandejára Jesucrístope ndapeikuaa rei mo'ãi.

Ñanderuete Ñe’ẽ Porã 2015

⁸ Ko’ã mba’e ko’ãva oĩ ramo pendepype ha okakuaave ramo ohóvo pende rekovépe, peẽ ndapeiko reimo’ãi ha ndapeikuaa reimo’ãi Hesu Crístope, ha pende rekovépe hi’áta katuete pe Pytu Porãmbáva yva.

2 Pédro 1:8 Referencias Cruzadas

Matéo 13:22

Ja pe oñemuasaî reí vaecue ñûatîndŷpe, péva catu pe ojendú vaecue Ñandeyára ñeê ja oyepyapŷ eterei pypé mbae co yby arigua reje, ja oñembo taby pypé imbaererecopŷ gui, pe Ñandeyára ñeê oñembo pytúpá ichuguicuera, ja jaecuera opytá reí jiá ŷ rejeguaicha.

Matéo 20:3

Uperiremi jae osê yeby guaú pyjarevé asayemi ja ojecha tecove ambuecue cuera oico reíva tapépe,

Matéo 20:6

ja osê yeby caarueté rupi guaú ja oyuju ambue cuera oico reíva avei ja jei ichupecuera: ¿Mbaerejépa peime reí opa co ára cóape?

Matéo 25:26

Upei catu guaú jei pe caraí: Nde tembiguai ne ñañá ja neatêî! ¿nde reicuaapa raé che aikytîvajá pe añoty ŷ jague gui ja amonoôvajá pe amuâsâi ŷ jague gui?

Juan 15:2

Oime ramo jâcâ Che rejeguáva jiá ŷ va guive Jae oipea ichupe, ja umi jâcâ jiá pôrâva guive Jae omopôtí jiá pôrâvé jaguâ.

Juan 17:3

Cóva voí pe Tecové iyapyraŷva Nde cuaa ramo Ndeve añó Tûpâ Ñandeyára jaetéva ramo ja oicuaa ramo Ne remimbou Jesúspe pe Cristo ramo.

Juan 5:42

peême voi Che poicuaa pôrâ, ja aicuaa peê nda perecoijá Tûpâ Ñandeyára mborayjú pende pyape.

Romayguakuérape 12:11

Ani peneateî penerembiapope, peê pende pya kyreŷ reyeyocuáiucávo Ñandeyárape.

1 Corintoyguakuérape 15:58

Upeicharamo, che reŷicuera, che ajayjuva, pepyta jâtâ pemŷi-ŷ-reje peñemo embiapó apové Ñandeyára rembiapópe tapia, peicuaápype co pene rembiapó Ñandeyára peguârâ nda reírijá.

2 Corintoyguakuérape 13:5

Peñejaâ pende yupe voínte yajecha peimepa yeroviajápe jecopeguápe. Peyejechacuaa pendeyupe voínte. ¿Nda peicuaaipa pende yejegui voínte Jesú Cristo oijá pende pype, pende reco-ŷ-va-ma guive peê.

2 Corintoyguakuérape 8:2

ja ojasa asŷete ramo yepe pe oñejaâ jaguepe, jetaite jory jicuai, ja iporiajú eterei ramo yepe, na jâcâteŷi eterei jicuai omeêve meme jaguâ ipo yeyopy-ŷ-reje.

2 Corintoyguakuérape 8:7

Upeareje peêcuera pene mbaepôrâjá reje opambaepe peyeroviajápe, peneñeême, pene mbaecuaape, ja pene kyreŷjápe, ja pe ore rembiaŷjúucápy peême, upeicha avei ta pene mbaepôrâ co tembiapoapó pype avei.

2 Corintoyguakuérape 9:14

Upeicha avei jaecuera oñemboe pype pende reje, ojechauca pende raŷjúete voi, tuvichajá reje Tûpâ Ñandeyára pya pôrângue pende pype.

Filipoyguakuérape 1:9

Upeicha avei añemboe pende reje pende poraŷjueté etevé jaguâ ja penembaecuaa yoa yoa jaguâ ja pene mbaerechacuaa yoa yoa jaguâ jecope,

Filipoyguakuérape 2:5

Ta pende reco upe Cristo Jesu reco cueicha voi.

Filipoyguakuérape 3:8

ja añetejápe ayapo opambae imombopyre ramo co âmbae ipôrâiteva rejejápe, che aicuaa jaguâ Cristo Jesus che Yárape. Upéva rejejâpe amombopá opambae ja ayapo ytyicha,

Colosayguakuérape 1:10

peico jaguâ jecope iya jaicha Ñandeyára rejeguape, pembojory jaguâ jecopete Ichupe opa tembiapó pôrâme, peñe mombae pôrâ, ja pecacuaa jaguâ peicuaa pôrâ meve jecope Tûpâ Ñandeyárape.

Colosayguakuérape 2:7

peñembojapóvaicha ja peñemopuâvaicha Jese, ja peñemojâtâvaicha pende yeroviajáreje peñemboe jagueicha, peyerovia cacuaá cuaavévo ja pende pya rorŷ.

Colosayguakuérape 3:16

Pe Cristo ñeêngue topyta pene râcâteŷ vaicha pende pyape; opa arandu rejeve peñomboe, ja peñomomarandu oyoupe pene ñemboe purajei rejeve, ja peropurajéi pembuetejápe, ja peropurajei mbae yvapeguape, ja pepurajei pende pyapôrâ rejeve Tûpâ Ñandeyára ndive.

1 Tesalonicayguakuérape 3:12

Ja Ñandeyára ta penemboyoaŷju jaŷjúve yoa yoa icatu jagueicha oyoyupe ja opa cuimbape avei, ore avei pojaŷjú jaicha peême.

1 Tesalonicayguakuérape 4:1

Upeicha avei, che reŷicuera, pejendu jagueicha ore yuru rupi voi mbaeichapa peico vaerâ pembojory jaguâ Tûpâ Ñandeyárape, upe peico jaicha vointe, royerure peême, ja pomokyreŷ Ñandeyára Jesús rérape peico peicové jaguâ jecoitepe icatu jagueicha.

2 Tesalonicayguakuérape 1:3

Rojechacuaa vaerâ catu ete Tûpâ Ñandeyárape tapia pendereje, ore reŷicuera, iya jaicha voi oreve pende yerovia oyoa yoave járeje ojovo ja pende poraŷju opavave oñondive oyoa yoave járeje ojovo avei.

1 Timotéope 5:13

Upeichavo oyepocuaa jeco rei reivo omojembŷ-ŷ-vo oga, ja nda jeco reívante añoi, iñeêngatúva ja imbae porandu eterei avei oñeêvo mbae oñeê ŷ vaerâ gui.

Títope 3:14

Ja ñande rejegua cuera toicuaa avei oñembo jeco pôrâ pôrâve meme jaguâ opaichagua tembiapo oyejecájápe, oguereco jaguâ jemicôtevêrâ, anichene jaguâ rejejápe jaecuera umi jeco reivaicha.

Filemónpe 1:6

Ayerure voi aina che ñemboepe co mbae pôrâ jaecuera ojupity vaecue pende yerovia rupi oñatôi jaguâ ipype cuera ojechacuaáucápávo ichupecuera ñande pyapôrâjá, ja ñande yayae pôrâ Cristo reje.

hebreoyguakuerape 6:12

Ani peneateî! Peñembo jecónte umi ojupity vaecueicha iyerovia reje ja jeco kîrîrî reje Tûpâ Ñandeyára mbae pôrâ oicuameê vaecue.

2 Pédro 1:2

Ta pende pyapôrâ ja pende pyaguapy yoa yoa peicuaa pôrâvo jecope Tûpâ Ñandeyárape ja Jesu Ñandeyárape.

2 Pédro 1:3

Jae ipuaca rupi Ñandeyárajá reje, omeê ñandeve opambae iyáva yaicove pôrâ jaguâ ja ñambuete jaguâ jecópe Ñandeyárape ñande yaicuaama guive upe ñane renôijarépe ituvichacue ja jeco pôrângue rupi.

2 Pédro 2:20

Ja oime ramo osêma vaecue umi ybypóra reco tayasúva gui oicuaa jague rupi Ñandeyára ñane mopôtíjára Jesu Cristope, jaecuera oyepymama yeby ramo ymaguareicha ja nda ipuacavei ramo, jeco coangagua ipojŷive ymaguare gui.

2 Pédro 3:18

Peñembo pyapôrânte yoa yoa Ñandeyára ñane mopôtijára Jesu Cristo ndive, peicuaa cuaave yoa yoa jaguâ Ichupe. Toñembotuvicha vichavé Jae coanga ja upe ára iyapyra-ŷ-va peve guârâ. Amen.