2 Pédro 1:3 - Tûpâ Ñandeyára 1913

³ Jae ipuaca rupi Ñandeyárajá reje, omeê ñandeve opambae iyáva yaicove pôrâ jaguâ ja ñambuete jaguâ jecópe Ñandeyárape ñande yaicuaama guive upe ñane renôijarépe ituvichacue ja jeco pôrângue rupi.

Ñandejára Ñe’ẽ

³ Tupã ipokatu rupi niko ome'ẽ ñandéve opa ñane remikotevẽ ha jaikove haguã ha'e oipotaháicha. Ha'e oikuaauka ñandéve Cristo, pe ñane renói vaekue umi mba'e hechapyrãva ha'e ojapo vaekue rupi.

Ñandeyara Ñe'ẽ

³ Tupã Ñandejára ome'ẽ va'ekue ñandéve, ipu'aka rupi opa ñane remirekotevẽrãva jaikove ha jahayhu haguã ichupe, jaikuaávo upe ñane renói va'ekuépe iglória ha milagro kuéra ojapo va'ekue ipu'aka rupi.

Ñandejara Ñe’ẽ ✟

³ Tupã ipokatu rupi niko ome'ẽ ñandéve opa ñane remikotevẽ ha jaikove haguã ha'e oipotaháicha. Ha'e oikuaauka ñandéve Cristo, pe ñane renói vaekue umi mba'e hechapyrãva ha'e ojapo vaekue rupi.

Ñanderuete Ñe’ẽ Porã 2015

³ Hesu Crísto pu’aka rupi oñeme’ẽmba ñandéve opaite mba’e ñaikotevẽva guive jaikove ha jajerovia hag̃ua hekópe Ñanderuete rehe. Ha’e ñanerenoiva’ekue heko jajaipa ha ipu’aka rupi.

2 Pédro 1:3 Referencias Cruzadas

Matéo 28:18

Upei catu Jesús oñemboyá Jendápe cuera ja oñeê ichupecuera jeívo: Oñemeê Cheve añembo puacaitévo yvágape ja co ybyári.

Romayguakuérape 8:32

Upe Itaŷrateé reje yepe nda jâcâteŷi vaecue omeêvo yepe Ichupe opavave ñande rejejápe, ¿mbaeichapa nune nomeêichene ñandeve Jendive opambae avei jâcâteŷŷjápe?

Romayguakuérape 9:24

Ñandeve voi Jae ñane renoî vaecue na umi Judio añoi apytegui, umi pytagua apytegui avei.

1 Corintoyguakuérape 1:9

Tûpâ Ñandeyára iyeroviajánte voi, Jaerupi peñejenoî vaecue peico jaguâ oyorerecua ramo Itayra Jesu Cristo, Ñandeyára ndive.

2 Corintoyguakuérape 12:9

ja Jae jei cheve: Ipôrâma ndeve che pya pôrâjá. Pe puacajá oñembo puacaitévé voi ipituájápe. Upevareje che pya apyte guive añemombeu guasu che pituájá rejeve icatu jaguâ Cristo puacajá che moâmba.

Efesoyguakuérape 4:1

Upeicharamo, che aimeva añeñapytîjápe Ñandeyára rejejápe, ayerure peême tapeico peê iya jaicha pe peyeyocuai jápe peê peñe jenôi jaguepe,

Efesoyguakuérape 4:4

Oime peteî teté año, ja peteî Espiritu añó, oime jaicha pe peteî mbae jaârômbyrâ pejupity vaerâ vaecue pe peñejenôi jague avei.

Filipoyguakuérape 3:8

ja añetejápe ayapo opambae imombopyre ramo co âmbae ipôrâiteva rejejápe, che aicuaa jaguâ Cristo Jesus che Yárape. Upéva rejejâpe amombopá opambae ja ayapo ytyicha,

Filipoyguakuérape 4:8

Coanga icatúvé, che reŷi cuera, opambae añetegua, opambae imbuetépyrâ, opambae jecopegua, opambae oyopará-ŷ-va, opambae jaŷjúpyrâ, ja opambae jerâcuâ pôrâva, ja oime ramo voi mbae ipôrâitéva jecopegua añete, ja oime ramo ñañe mombeu guasu jaguâme, umimbae reje voi pene manduákena.

Colosayguakuérape 1:16

Jaerupi voi oñemoña opa yvape oiva, ja opa ybyari oiva, mbae yajechava ja mbae yajechaŷva, mburuvicha guasu renda yepe, ja carai guasu renda yepe, ja umi mburuvicha yepe, ja umi ipuacaitéva yepe, opava oñemoña Jaerupi ja Ichupe guârâ.

1 Tesalonicayguakuérape 2:12

peico vaerâjá jecoitepe iya jaicha umi Tûpâ Ñandeyára rejeguávape, upe pene renoîjaré peême iyŷpŷpeguarâ pe teco marangatu imbuetepyrâ yvagapeguápe.

1 Tesalonicayguakuérape 4:7

Tûpâ Ñandeyára na ñanerenôiri teco tayasúrâ teco imarangatu vaerânte.

2 Tesalonicayguakuérape 2:14

Covaerâ voi Tûpâ Ñandeyára pene renôi vaecue peême ore ñemoñeê rupi pe Evangeliogui, iya jaguâ peême peyererojorŷ jaguâ Ñandeyára Jesu Cristo oñembo tuvichajápe.

1 Timotéope 4:8

Pe teco ñañejaâjá ñamombaraetevo ñande rete ipôrâ michi nungá ñandéve. Pe teco marangatu voi ipôrâ ñandeve opaichavevo meme, pe oñecuameêjá voi ñandeve Tecové jaeteva coanga guârâ ja pe Tecove oyeico voi vaerâ guârâ avei.

2 Timotéope 1:9

Jae voi ñande repŷma vaecue ja ñane renôi co teco marangatu rejeguarâ, nda iya guiri ñandeve ñane rembiapocue gui, upe jembisacoí voí, ja ipya pôrâ rupinte, upe Jae omeê rei voi vaecue ñandeve Cristo Jesus pypegua voí oñypyrú mboyve voi pe iñypyrumby,

hebreoyguakuerape 1:3

Upeva ojesapé voi Ñandeyára reco pôrâ tuvichacue yaveve ja iyoguajá jaeteva opa jecópe. Jae oyoco opa mbae iñeê ipuaca rupi, ja Jae ojupityma ramo ñane mopôtí jaguâ ñane angaipa gui, oguapy pe Tuvichaiteveva acatuape yvagape.

1 Pédro 1:15

Anga pe imarangatuva pe penerenôijaré jeco pôrâ jagueicha, peê upeicha avei peñembojeco marangatú opa pende recópe.

1 Pédro 1:5

Tûpâ Ñandeyára ipuaca rupi peneñongatúva jina pende yeroviájá reje pe teco marangaturâme oñembosacoipyré voi jina oyecuaauca jaguâ pe ára pajavo.

1 Pédro 2:21

Upearâ voi peñejenoi vaecue. Cristo avei ojasa asy pende rejejápe, ojeyavo peême guârâ jecocue peêcuera peico jaguâ ípŷporé reje.

1 Pédro 2:9

Peêcuera voi ñemoñaré yeporavópyré, peê pai cuera mburuvicha guasu rejeguava, peê tetâ marangatu rejeguava, peê cuera imbaéteétérâ, peêcuera pemojerâcuâ jaguâ iyetéetévéjá upe penerenoîjaré pytûnguŷjá gui co ojesapé poraitejápe.

1 Pédro 3:9

Ani pembojecovia ivaipe ivaivapŷ. Ani reporoao pe nde aóvape. Upea rangue pejovasá. Upearâ voi peê peñejenôi vaecue pejupity jaguâ mbae yara ramo Ñandeyára pende rovasa jaguâ.

1 Pédro 5:10

Ja Tûpâ Ñandeyára pe ipyapôrâ tuvichaitéva penerenoijaré obya tapiajápe, Cristo rejeguajá reje peê, peêcuera pejasa asy rire sapyami, Jae voí penembojeco pôrâitene ja pene mbopuacane ja pene mombaraetene.

2 Pédro 1:10

Upevareje, che reŷicuera, peñejaâ icatu jagueicha pemoañetetévo Ñandeyára penerenôi ja pende poravó jague peême, ja peyapo aya yaveve âmbae na peñepysangaichene marove.

2 Pédro 1:2

Ta pende pyapôrâ ja pende pyaguapy yoa yoa peicuaa pôrâvo jecope Tûpâ Ñandeyárape ja Jesu Ñandeyárape.

2 Pédro 1:5

Co vaerâ vointe peñejaâ, icatu jagueicha, ja peyerovia yaveve ta pende reco pôrâite, ja pende reco pôrâite yaveve tapende reco arandu,

2 Pédro 1:6

ja pene arandu yaveve ta pene âcâguapy, ja pene âcâguapy yaveve ta peropuaca kîrîrîjáme, ja perokîrîrî yaveve ta pembuete jecope Ñandeyárape,

2 Pédro 1:8

Upeicharamo pende reco pôrâ ramo upeicha, ja ipôrâ oyoa yoave ramo peêcuera peicone na iñateîvaichai, ja nda tecove rei rei vaichai ja pejupityne peicuaa pôrâ meve jecope Ñandeyára Jesu Cristope.

2 Pédro 2:20

Ja oime ramo osêma vaecue umi ybypóra reco tayasúva gui oicuaa jague rupi Ñandeyára ñane mopôtíjára Jesu Cristope, jaecuera oyepymama yeby ramo ymaguareicha ja nda ipuacavei ramo, jeco coangagua ipojŷive ymaguare gui.

2 Pédro 3:18

Peñembo pyapôrânte yoa yoa Ñandeyára ñane mopôtijára Jesu Cristo ndive, peicuaa cuaave yoa yoa jaguâ Ichupe. Toñembotuvicha vichavé Jae coanga ja upe ára iyapyra-ŷ-va peve guârâ. Amen.