2 Juan 1:6 - Tûpâ Ñandeyára 1913

⁶ Coichagua poraŷju voí ñande yaicojá jecope jembiapoucapŷ rupi. Cova voi pe jembiapoucapŷ peêcuera peico jaguâ pembuayéva pe pejendu vaecue iñypyrumbŷ guive.

Ñandejára Ñe’ẽ

⁶ Joayhu niko he'ise jaikove ohechaukaháicha Tupã rembiapoukapy, ha upéva, pehendúma haguéicha iñepyrũha guive, he'ise peiko vaerãha joayhúpe.

Ñandeyara Ñe'ẽ

⁶ Pe mborayhu niko kóva: ta jaiko pe Tupã Ñandejára he'i haguéicha ha pe ha'e he'i va'ekue pehendúma haguéicha iñepyrũha guive: ta peiko mborayhúpe.

Ñandejara Ñe’ẽ ✟

⁶ Joayhu niko he'ise jaikove ohechaukaháicha Tupã rembiapoukapy, ha upéva, pehendúma haguéicha iñepyrũha guive, he'ise peiko vaerãha joayhúpe.

Ñanderuete Ñe’ẽ Porã 2015

⁶ Ko mborayhu kóva he’ise jaikove hag̃ua Ñanderuete rembiapoukapy he’i háicha. Ko mborayhu rembiapoukapy oñeme’ẽ ñandéve ñepyrũ guive pehendu haguéicha ha jaiko hag̃ua ipype.

2 Juan 1:6 Referencias Cruzadas

Juan 14:15

Peê Che rayju ramo Cheve, pembuayene Che rembiapoucapy,

Juan 14:21

Upe oicuaava Che rembiapoucapy ja ombuayéva ichupecuera jecope, upéva catu pe Che rayjuetéva Cheve, ja upe Che rayjúva Cheve oyejayjúne Che Ru gui ja Che avei ajayjune ichupe ja ayejechaucane ichupe.

Juan 14:23

Ja Jesús jei ichupe: Oime ramo Che rayjúva, upeva catu ombuaye vaerâ Che ñeê ja Che Ru ojayju vaerâ ichupe ja royúne ichupe ore rendâguâ jendive.

Juan 15:10

Pembuaye ramo Che rembiapoucapy, pepyta jâtâne Che rembiaŷjúpe, Che avei ambuaye jaicha Che Rú rembiapoucapy ja apyta jaicha Che jembiaŷjúpe.

Juan 15:14

Peê catu che rayjupára, peyapo ramo jecope pe ayapoucáva peême.

1 Juan 2:24

Ja pe peêcuera pejendú vaecue iñypyrumbŷ guive topyta umimbae pendepyape. Jiaré ramo pendepype co pejendu vaecue iñypyrumbŷ guive, peêcuera avei pende aréne pe Taŷra ja pe Túva rejeguava ramo avei.

1 Juan 2:5

Oime ramo ombuetéva iñeê, añete iya ichupe ojaŷjuvo jecoitépe Tûpâ Ñandeyárape, ja upeicha icatu yaicuaa Jeseguajá ñande.

1 Juan 2:7

Che rayjupára cuera, nda ipyajúvái co tembiapoucapŷ jaéucáva peême co cuatia ñeê rupi, pe tembiapoucapŷ ymaguarénte voí peêcuera voi pejendú vaecue iñypyrumbŷ guive. Pe tembiapoucapŷ ymaguare upéa voi upe ñeê pejendu voi vaecue.

1 Juan 5:15

ja yaicuaa guive Jae ñane rendujá jina, aiporamo, oimeraêva mbae yayerure jaichagua Ichupe yaicuaa yajupitŷmajá ñane mbaeyeruré yayerure jague.

1 Juan 5:3

Cova ñande rayjújá Tûpâ Ñandeyárape ñambuayépe jembiapoucapŷ, ja jembiapoucapŷ voí nda ipojŷietévái.

2 Juan 1:5

Ja coanga, cuña carai, ayerure ndeve nda jaéucávaichai co cuatia ñeê rupi peteî tembiapoucapŷ ipyajúva, upe iñypyrumbŷ guive voínte ñañemboe jague, yayojaŷjú jaguâ oñondive.