1 Timotéope 4:1 - Tûpâ Ñandeyára 1913

¹ Coanga pe Espiritu oicuaaucá pôrâite voi umi ára pajape, oime jaguâ opiava iyeroviajá gui, oyepysacávo umi mbaepochy oporo mbotabŷvareje ja umi mbaepochy remimboéreje.

Ñandejára Ñe’ẽ

¹ Espíritu Santo he'i voi ko yvy opa potávo oĩ vaerãha ojeíva ijeroviágui, oho haguã umi espíritu japu oporombotavýva ha umi ñeporombo'e oúva mba'epochýgui rapykuéri.

Ñandeyara Ñe'ẽ

¹ Pe Espíritu niko he'i porã voi pe ára pahávo oimetaha ohejáva pe jerovia añeteguáva, oho haguã espíritu oporombotavýva ha mba'epochy oporombo'éva rehe rapykuéri.

Ñandejara Ñe’ẽ ✟

¹ Espíritu Santo he'i voi ko yvy opa potávo oĩ vaerãha ojeíva ijeroviágui, oho haguã umi espíritu japu oporombotavýva ha umi ñeporombo'e oúva mba'epochýgui rapykuéri.

Ñanderuete Ñe’ẽ Porã 2015

¹ Pe Pytu Porãmbáva voi he’i porãmava’ekue: Umi ára paha gotýo oĩtaha umi opoíva ijeroviágui, ojapysaka hag̃ua umi pytu oporombotavýva ha imbo’epy rehe, oúva umi ángel ñañanguéragui, oñemoĩmava’ekue Satana ndive Ñanderuete rehe.

1 Timotéope 4:1 Referencias Cruzadas

Matéo 18:7

Angai umi ybypóra cuera oimejáreje umichagua teco tieŷ! Ndipóri voí oyeico jaguâ oico ŷ reje teco tieŷ. Opaichavévo angai pe cuimbae oporo mbojecotieŷ jára!

Lúcas 17:1

Uperire Jesús jei jemimboe cuerape: Ndipori oyeico jaguâ oico ŷ reje omoñemyrôjá. Angai pe omoñemyrôucájára!

Juan 16:13

Anga ouma ramo Jae, pe Espiritu marangatu jecopegua, Jae catu tapecuaajá ramo pene mojenonde vaerâ peême pe tapé jecopeguajápe. Jae noñeêichene oyejegui, pe ojendu vaecue gui nte oñeêne ja oicuaaucáne peême mbae oicótava jina.

Apostolkuéra 13:2

Ja jaecuera oñemboe aya Ñandeyárape ocaruŷreje, jei ichupecuera Espiritu Santo: Eipeá cheve Bernabe ja Saulope jembiapórâ Che ajenoî jaguerâ ichupecuera.

Apostolkuéra 17:18

Ja oime iñarandúva umi Epicureo cuérava ja umi Estoico cuérava oñemonguetáva jendive. Ja oime jeiva: ¿Mbaépa jeise co iñeêngatúva? Ja oime ambuecue jeiva: Ñaimoa oñemoñeêjara umi pytagua tûpâ cuera gui (Upeicha jei omojerâcuâ jague reje pe Ñeê pyaju Evangeliopeguare pe Jesúsgui guare ja pe yaicove yeby jaguâ guare omano vaecue paûgui).

Apostolkuéra 20:23

Cova mante oicuaáucá cheve pe Espiritu Santo opa tetâ rupi jeivo upepe oime jaguâ cheve ybyrácuá ja ajasa asy jaguâ.

Apostolkuéra 21:11

Ja ou jae oreandúvo ja oipyjy Pablo cúa yopŷjá ja oñeñapytí opy ja opo ipype, ja jei: Coicha jei cheve Espiritu Santo: Pe cuimbae co cúayocuájá yarape umi Judio oñapytîne coicha Jerusalempe, ja omeêne ichupe umi pytagua pope.

Apostolkuéra 28:25

Ja upeicha oyuaby oyuejegui ja oyeói, ja oyeóicuévo Pablo jei co ñeê avei: Oñeê pôrâ vaecue pe Espiritu Santo pe oñemoñeêjára Isaias yuru rupi pende ru ypycue cuerape, jeivo:

1 Corintoyguakuérape 10:20

Mbaevéicharamo! Che jae umi pytagua oicuameêva iñemboejápe oicuameêjá ichupecuera pe mbaepochŷpe, ja na Tûpâ Ñandeyárapei, ja che ndaipotai peêcuera peñomboyaó mbaepochy ndive.

1 Corintoyguakuérape 11:19

Oimene catuete pende apytepe ñande yaroviáva gui opiáva, icatu jaguâ umi yeroviajá peecueráva oyecuaáucá.

1 Corintoyguakuérape 12:11

ja ambuepe oñemeê icûyeréjárârâ opaichagua pytagua ñeême avei. Opa âmbae pe peteî Espiritu oñatôi, omeêvo peteî teîme Jae oipotajaichaguante.

1 Corintoyguakuérape 2:10

Tûpâ Ñandeyára voi oicuaauca umi mbae oréve Espiriturupi. Pe Espiritu voi oipaûndŷ opambae, ja Tûpâ Ñandeyára mbae jypy iñypytûvéva yepe.

2 Corintoyguakuérape 11:3

Ja akyjŷyé pe mbói ombotaby jagueicha Evape iyaguara recópe, upeicha avei oñemombia jaguâ pende pyapypegua pe pende reco marangatugui ja pe yeroviajá gui Cristo reje.

Colosayguakuérape 2:18

Anichene avave penemoîvaí jecoŷme, umi oyeyapóva rejegua oñemo kîrîrîetévaicha, ja oñemboevaicha yvapeguape, umi oñemombae guasuva umi ikepe ojecha vaecue gui, ja oñembobu reíva jemimoa ybypóra rei reco rejeguáva gui.

2 Timotéope 3:13

Umi cuimbae iñañáva, ja umi porombotabŷjára, oñembo jecovaí yoa yoavéne, ombotabyvo umi ambuecuepe, ja jaecuera voi oñembotaby oyupe.

2 Timotéope 4:4

oñemboyerénte ojendu ŷ jaguâ Tûpâ Ñandeyára Ñeê añetegua gui, ja oyebyne oyeroviavo mbae guaujapegua reje.

Tiágo 3:15

Ndajaei cova pe arandu ogueyŷva yvaga gui, cova ybyariguante, maymba rejeguáichante, ja mbaepochy rejeguaicha.

1 Pédro 1:20

Covaerâ voi Jae oñemoingo vaecue co yby oyeyapo mboŷve voi, ja coanga oyecuaauca pôrâmarae co âva ára pajápe pende rejejápe,

2 Pédro 2:1

Ja oico jagueicha oñemoñeê rei vaecue avei ombotaby vaecue umi ybypora cuerape, oimene pende apytepe avei oporomboeva yapújápe icatu vaerâ oñejaâ pichyguyjápe omboe omombia jaguâ umi ambuecue oñembuaipá jaguâ meve, omomârâvo upe Iyára pe ojepymeêjarépe yepe, ja upeicha omboyejúvo iyupe cuera voi oñembuai voi jaguâ.

2 Pédro 3:3

Peê peicuaa vaerâ catuetei umi ára pajape ou vaerâjá tecové oñererecômegua vaerâ opa mbae reje oñembojoryjápe, tecové jecoŷva oicovo jiâ jaichante ichupe cuera,

1 Juan 2:18

Che raŷcueramimi, jiára pajáma ja pejendu jagueicha ou jaguâ iyaé-ŷ-va rejegua Cristo reje, coanga yepeve oñemoingoma jeta umi Cristo reje iyaé-ŷ-va, ja upea gui ore roicuaa jiára pajámajá, Jaecuera osê ramo yepe ore apytegui, ndajaei orerejegua yepe.

1 Juan 4:6

Ñande voí Tûpâ Ñandeyára rejegua voi, ja pe oicuaava Tûpâ Ñandeyára oyapysaca ñandereje: upe Tûpâ Ñandeyára rejegua-ŷ ndo yapysacai ñandereje. Upeicha icatu yajechacuaa pe ángarejegua jecopegua rejeguava, ja pe ânga rejegua oyabŷva rejeguavape.

Júdas 1:18

Jaecuera voi jei vaecue peême: Umi ára pajavo oimene cuimbae oñembo jorŷ vaerâ, ja oporo guerecomêgua vaerâ, oico vaerâ oñemboe-ŷ-jape voi jeco vaí rupi jiâ jaicha ichupecuerante.

Júdas 1:4

Oime voi cuimbae cuera oiké vaecue kîrîrîjáme pene paûme, umia voi yma guive oyeporavó vaecue oñemojendá jaguâ coicha, cuimbae oñemboe-ŷ-va ombuete-ŷ-va Ñandeyárape, umiva oguerová Tûpâ Ñandeyára pyapôrâ oguereco jaguâ oñemotieŷ jaguâ ja omomârâ Ñandeyára Jesu Cristope ñande Ruvicha peteînteva.

Apocalípsis 13:14

Ja omombia avei umi ybyariguape umi jechapyrâ rupi iyáva ichupe oyapo jaguâ upe maymba renondepe. Ja jei umi ybyari cuera jicuaivape omopuâ jaguâ peteî taângá pe maymba yoguajarâ upe oñekytîmbyre pe kyse pucupe, ja upeicha rejeve yepe oicove vaecue.

Apocalípsis 16:14

Coâva mbae pochy anga voi oyapova jechapyrâ osêva umi mburuvicha guasu opa ybyariguape ombyaty jaguâ ichupecuera pe oñoraŷrô jaguâme pe Tûpâ Ñandeyára ipuacaitéva ára guasupe.

Apocalípsis 18:2

Joáma, joáma, pe Babilonia guasuete, ja oyeyapóma umi mbaepochy oñemombojupá renda ramo, ja opaichagua mbaepochy itieŷva cuára ramo, ja opaichagua guyra tayasujá ñamotareŷpyrâ.

Apocalípsis 18:23

ja marove ndojesapévéichene peteî tataendy rendycue ndepype ja marove noñejenduvéichene ndepype iñeê pe imenarâ terâ jembirecorâ gui. Umi ne ñemûjára cuera voi umi caraíetá tuvichava co ybyarigua, ja nde paye cuera rupi oñembotabŷpá vaecue opa tetâ-ŷ-gua.

Apocalípsis 19:20

Ja oyeyopyjy pe maymba ja jendive pe oñemoñeêva guaujápe avei, upe oyapo vaecue jechapyrâ jenondepe omombia jague umi oguereco vaecue isyvápe oyejechacuaaucá jaguâ pe maymba rejeguajá, ja ombuete vaecuepe jaângápe. Â mocoive oyeity jecove rejeve pe tata guasu rendape jendŷva itáycú rejeve.

Apocalípsis 2:11

Pe iyapysáva tojendu pe Espiritu jeiucáva umi Iglesia rejeguape cuera. Pe ogueropuacáva opambae na imârâichene pe oñemano mocoîjá gui.

Apocalípsis 2:17

Pe iyapysáva tojendu pe Espiritu jeiucáva umi Iglesia reje gua cuerape. Pe oguero puacavape opambae ameêne ichupe jou jaguâ pe maná ñemijáme oiva gui, ja ameêne ichupe peteî itá morôtíva, ja oimene oyejaíjá pe itá reje peteî jéra ipyajúvarâ avave oicuaa vaerâ, upe jaéeté mante iyopyjŷjare.

Apocalípsis 2:29

Pe iyapysáva tojendu pe Espiritu jeiucáva umi Iglesia rejegua cuerape.

Apocalípsis 2:7

Pe iyapysáva tojendúke pe Espiritu jeiucáva umi Iglesia rejegua cuerape. Pe oñembo puacávape ameêne jou jaguâ jiacue pe ybyra râcâ pene moingovéva gui oiva pe Tûpâ Ñandeyára Paraiso apytepe.

Apocalípsis 20:10

Ja pe mbaepochy pe omombia jaré oñemombo avei pe tata guasú ja itáycú rendape, oi jaguepe voima pe maymba vaí ja pe oñemoñeê guau vaecue, ja oyepyapy ja oyejasa asyne ára ja pyjare tapia ja tapiaguârâ.

Apocalípsis 20:8

ja osêne omombia jaguâ opa umi tetaŷguape opa irundŷve yby yke rupiguape pe Gog ja Magog pe, ja ombyatypá jaguâ pe oñorayrô jaguâme ja jaecuera ŷ guasu ybycuicha jetacue.

Apocalípsis 3:13

Pe iyapysáva tojendu pe Espiritu jeiucáva umi Iglesia rejeguapecuera.

Apocalípsis 3:22

Pe iyapysáva tojendu pe jeiva pe Espiritu umi Iglesia rejeguape.

Apocalípsis 3:6

Pe iyapysáva tojendu pe jeiucáva pe Espiritu umi Iglesia rejegua cuerape.

Apocalípsis 9:20

Umi cuimbae rembyré oyeyuca-ŷ-vaecue umi mbae vaí rupi, upeicharamo yepe ndoyepyapyiri oyere jaguâ jembiapo ipo rupi guare gui, ja oyejeya jaguâ ombuete jaguâ umi mbaepochŷpe ja umi taângá oro ja plata ja bronce ja itá ja ybyráguiguáva, umiva ndicatuiva ojecha terâ ojendu terâ oguata.