1 Pédro 5:12 - Tûpâ Ñandeyára 1913

¹² Oime pe Silvano rupi voi, ñande reŷi yeroviaitejá, che yepeve aimoâ jaicha, jaéucá peême mbykymínte co cuatia ñeême penemokyreŷvo peême ja oicuaáucávo peême cóvajá Tûpâ Ñandeyára pyapôrâ jaeteva. Covape pepyta jâtâ peêcuera.

Ñandejára Ñe’ẽ

¹² Silvano rupi, arekóva che pehẽngue ajeroviaha ramo, ajapo peẽme ko kuatia mbykymi, añemoñe'ẽ ha aikuaauka haguã peẽme, umi jehovasa pehupyty vaekue ohechaukaha Tupã pende rayhu añeteha. Aníke márõ pejei upe mborayhu upévagui.

Ñandeyara Ñe'ẽ

¹² Arahauka peẽme ko kuatiañe'ẽ mbykymi Silvano po rupi, ñande ryvy jeroviahaite chéve ramo guarã, chete voi ha'e haguã peẽme peimeha pe Tupã Ñandejára gracia añeteguávape. Pepyta hatãkena ipype.

Ñandejara Ñe’ẽ ✟

¹² Silvano rupi, arekóva che pehẽngue ajeroviaha ramo, ajapo peẽme ko kuatia mbykymi, añemoñe'ẽ ha aikuaauka haguã peẽme, umi jehovasa pehupyty vaekue ohechaukaha Tupã pende rayhu añeteha. Aníke márõ pejei upe mborayhu upévagui.

Ñanderuete Ñe’ẽ Porã 2015

¹² Silváno rupi, ñane hermáno hekoite peguáva, chéverõ g̃uarã, ahaiuka ko kuatiañe’ẽ mbykymi pomokyre’ỹ hag̃ua ha pepyta hatã hag̃ua Ñanderuete mborayhu añeteguáva ha ipu’aka poguýpe.

1 Pédro 5:12 Referencias Cruzadas

Juan 21:21

Upeicharamo ojechama ramo ichupe, Pedro jei Jesúspe: Che Yára, ¿cóvapa mbaepa?

Apostolkuéra 11:23

Ja upeva oguajê ramo ja ojecha ramo pe Tûpâ Ñandeyára rembiapo pôrângue tuvichaite jory, ja ombopya guasú opávape opyta jâtâ jagua oyeroviajápe ipyaite guive Ñandeyára reje.

Apostolkuéra 15:22

Uperamo oyuju pôrâ upeicha umi Apostol cuera ja umi carai ituyáva opa pe Iglesia Cristorejeguava ndive oiporavó jaguâ iyapytegui cuera cuimbae cuera omondo vaerâ Antioquiape Pablo ja Bernabe ndive, upe Judas jéra yoáva avei Barsabbas, ja Siláspe, carai cuera tuvichaitévéva jeŷícuera rejegua guive.

Apostolkuéra 20:24

Opaichavévo mbaeve umimbae na che monguyjŷyéi ja na che râcâteŷi che recové reje, iya mante guive cheve amombá che rembiapo torŷpápe ja ayapopá jecópe Ñandeyára Jesús rembiapóucápŷ cheve aicuaauca jaguâ pe Evangelio gui ja Tûpâ Ñandeyára pya pôrâ gui.

Romayguakuérape 5:2

Jaerupi avei iya rae ñandeve yaike jaguâ yayerovia rupi co teco ory Ñandeyára pyapôrâ guiguape co ñaimejápe voí ja ñañe mombeu guasu ñajaârô járeje yajecha jaguâ Tûpâ Ñandeyára oñembotuvichajápe.

1 Corintoyguakuérape 15:1

Upeicha avei taicuaáucá peême, che reŷicuera, co Evangeliogui, che amojerâcuâ vaecue peême, pe perovia vaecue avei, pe pepyta jâtâ jápe avei,

2 Corintoyguakuérape 1:19

Pe Tûpâ Ñandeyára Raŷ Jesú Cristo voi oñemo jerâcuâ vaecue ore rupi pende apytepe, che rupi ja Silvano rupi ja Timoteo rupi, upéva reco voí ndajaei pe jei ramovaicha amóme Neí, amóme Tové.

2 Corintoyguakuérape 1:24

Che ndaei pomoî jaguâ peême ore poguŷpe poyopŷeté jaguâicha peême pende yeroviájá guivo, roicosénte pene îrû ramo pene pytyvôvo pende pya rorŷjápe: peyeroviájáreje voí peñemboŷ jâtâ peina.

Efesoyguakuérape 3:3

ja oyajoyaó jague ja oyecuaáucá jague cheve pe mbae ñemingue, yma voi che cuatia ñeême jaéucá jagueicha mbykymi pe cuatia ñeê ymaguarepe.

Efesoyguakuérape 6:21

Ja peêcuera avei peicuaa jaguâ che mbaerâ gui mbaépa ayapo aina, opa âmbae oicuaáucáne peême pe Tichico ñande reŷi yajayjúva, tembiyocuai yeroviajá jae Ñandeyára rejeguava.

Colosayguakuérape 1:7

Upeicha voi peicuaane rae avei Epafras ñaneîrû yajaŷjúva gui Cristo rembiyocuai yeroviajá peême ore recovia.

Colosayguakuérape 4:7

Pe Tichico, ñande reŷiva oyejaŷjúetéva, ore pytyvôjára yeroviajá, ore îrû Ñandeyára rembiapoucapŷ reje, penemomarandúne peême opa cheve oyejúva gui.

Colosayguakuérape 4:9

ja jendive avei ojo Onesimo ñande reŷiva yeroviajá, ja oyejaŷjujá, upéva pende rejegua voínte, ja jaecuera pene momarandúne peême opa oyejuva reje coápe.

1 Tesalonicayguakuérape 1:1

Che Pablo, ja Silvano, ja Timoteo, pomo maitéiucá peême Tesalónicaŷgua Tûpâ Ñandeyára Iglesia Ñandeyára Jesu Cristo rejeguava. Ñandeyára ta penembopyapôrâ ja tapenembopyaguapŷ.

2 Tesalonicayguakuérape 1:1

Che Pablo, ja Silvano, ja Timoteo, romomaitéiucá peême Iglesia rejegua Tesalónicaŷguape Tûpâ Ñande Rú ja Ñandeyára Jesu Cristo rejeguavape.

hebreoyguakuerape 13:22

Che ayerure peême, che reŷicuera, pejendu ja perokîrîrî jaguâ co ñeê che ayerurejá peême. Cova ñeê cuatia mbykyminte arajaucáva peême.

1 Pédro 1:13

Upevareje peteî oyecúayopŷ vaicha peñembosacoi pene âcâ pôrâ jaguâ pende pyaguapy jecope ja pemaña pejaârôjápe pe Ñandeyára pyapôrângue oyererú vaerâ peême reje oyejechauca yeby jápe Jesu Cristo.

1 Pédro 4:10

Opavave pejupitŷ jagueicha Ñandeyára pya pôrâ guivo, peñopytyvô oñondive Tûpâ Ñandeyára pyapôrâ rerecua ramo peñomboyaova umi jetambae ipôrâva gui.

2 Pédro 1:12

Upevareje añejaâne tapia pomomandua jaguâ peême umi mbae gui, peicuaa pôrâ voi ramo yepe, ja peêcuera pepyta jâtâ ramo yepe pe Ñandeyára Ñeê añetegua perecóvape voi.

2 Pédro 2:15

Jaecuera ojeya pe tape icareŷva, ja upeichape opia oipyjy pype pe Balaam pe Beor raŷ rapycuere upe ojupityse iterei vaecue pe mbae vaíapó repŷ.

3 Juan 1:12

Oime pe Demetrio oñemojerâcuâ pôrâva opavave rupi ja upeicha avei pe ñeê jecopegua guivo, ja ñande avei ñamo jerâcuâ pôrâ ichupe ja nde reicuaa ñande ñamojerâcuâ pôrâjá upe jeco peguapente.

Júdas 1:3

Che rayjupára cuera añejaâ pype icatu jaguâicha aina ayapo jaguâ jecópe co cuatia ñeê peême ñañemongueta jaguâ co ñande reco ñañemomarangatu jaguâ opavave ñande, tecôtevê cheve jaéucá peême co cuatia ñeême pomomanduávo peñejaâ jâtâ jaguâ co ñande yaroviajá rejejápe pe oñemboéucá vaecue yma voi umi imarangatúva cuerape.