1 Pédro 3:21 - Tûpâ Ñandeyára 1913

²¹ Upéva voi pe ñande caraíjá yoguajá upe ñañe momarangatúucájá coanga, na oñemboíjá rejéi ñande rete kyacue, ñande pyapy pôtí apyte pôrâ guinte ñande ajôjá reje Tûpâ Ñandeyára reje. Upeicha co ñande caraíjá ñane momarangatúucá Jesu Cristo oicove yeby jague reje,

Ñandejára Ñe’ẽ

²¹ Ha upe y upéva niko ohechauka vaekue upérõ pe y ñañemongaraiha ñande pe'áva jejopy vaígui. Pe ñemongarai ndaha'éi ipotĩ haguã ñande rete, upéva hína jajerure haguã Tupãme taipotĩ ñande py'apy Jesucristo oikove jey rupi,

Ñandeyara Ñe'ẽ

²¹ Ha upe ý opyta pe bautismo pegua ý ra'anga ramo, pe ý rupi niko jajesalva ko'ãga. Pe bautismo ndaha'éi oipe'a haguã ky'a ñande retégui, he'ise uvei tekopotĩ Ñandejára renondepegúava. Ogueru ñandéve salvación Jesucristo oikove jevy rupi omanóva apytégui;

Ñandejara Ñe’ẽ ✟

²¹ Ha upe y upéva niko ohechauka vaekue upérõ pe y ñañemongaraiha ñande pe'áva jejopy vaígui. Pe ñemongarai ndaha'éi ipotĩ haguã ñande rete, upéva hína jajerure haguã Tupãme taipotĩ ñande py'apy Jesucristo oikove jey rupi,

Ñanderuete Ñe’ẽ Porã 2015

²¹ Upe y upéva ko’ág̃a ku ta’ãngáicha ñandesalva bautísmo rupi. Pe bautísmo voi ndaikatúi ñanemopotĩ ñande rete rembiapo vaígui, upévare jajerureva’erã Ñanderuetépe tome’ẽ ñandéve pe py’apyñe’ẽ porãva Hesu Crísto ñemano rupi.

1 Pédro 3:21 Referencias Cruzadas

Matéo 28:19

Upeicharamo, tapejó peê ja pemoingó Che remimboé ramo opa ybypóra opa tetâmeguápe, pemongaraí ichupecuera pe Túva, pe Taŷra ja pe Espiritu Santo rérape,

Márcos 16:16

Oimeraêva ogueroviáva ja oñemongaraíva opyta pôrâ vaerâ Tûpâ Ñandeyára ndive. Oimeraêva ogueroviaŷva oñemoî vaí vaerâ.

Juan 13:9

Upei catu Simon Pedro jei Ichupe: Aiporamo, che Yara, eyojei catu nda che py añoi, che po ja che âcâ avei.

Apostolkuéra 16:33

Uperire oipyjy ichupecuera upe pyjarepe yepe ja oyojei ichupecuera pe oñenûpâ jague. Ja upei jae oñemongarai ja opa jesegua cuera.

Apostolkuéra 2:38

Ja jei ichupecuera Pedro: Peñembojeco pyaju mbyasŷjápe peñemongaraíucá jaguâ peteî teî peêcuérava Jesú Cristo rérape pene pôtí jaguâ pene angaipa gui ja oñemeê reí jaguâ peême pe Espiritu Santo.

Apostolkuéra 22:16

Ja coanga ¿maerâpa repyta rei? Epuânte ja eñemongaraíucá ja eñemopôtí ne angaipagui rejenoî pype Jéra.

Apostolkuéra 8:36

Ja ojo oguatávo pe tapéreje ja oguajê peteî ŷ oijape ja jei pe Eunuco: Coápe oime ŷ. ¿Ndicatuichenepa che carai?

Apostolkuéra 8:37

Ja jei Felipe: Rerovia ramo nde pyaite guive, icatu. Ja oñeê jae ja jei: Che arovia Jesú Cristo Tûpâ Ñandeyára Raŷjá.

Romayguakuérape 5:14

Opaichavévo oñembo puacá pe ñemanojá Adan guive Moises peve, umi iñangaipa ŷ vaecue yepe pe Adan oyeyaby jagueichagua reje. Upéva voí pe ou vaerâ vaecue yoguajá.

1 Corintoyguakuérape 12:13

Peteî Espiritu rupinte opavave ñande caraí, ñaime jaguâ peteî teté ramonte, Judio terâ Griego, tembiguai yoguapyre, terâ jaeaénteva, ja opavavé ñandeve oyeúucá upe Espiritu peteî rejegua gui.

1 Corintoyguakuérape 4:6

Coambae, che reŷicuera, ajechaucase voí peême che ja Apollos recocue rupi pende rayjupápe icatu jaguâ ore reco cue rupi peicuaa mbaépa jeise co ñeê: Nda iyái mbaeve pe Santa Escritura rejegua-ŷ-va, anichene jaguâ peteî rejejápente peñembobú peñemoîvo pe ambuecue reje.

2 Corintoyguakuérape 1:12

Pe ore roñemombeu guasújá, upéva ore pyapype voínte roñandúcuaá ore marangatújá ja orepôtíjá Ñandeyára ypype guârâicha, ja na cuimbae aranducue rupiri, upegui Tûpâ Ñandeyára pyapôrâ rupínte, roico jague jecópe ybyari ja jetaiteve upeicha roico jague penendive guârâ.

2 Corintoyguakuérape 7:1

Upeicharamo, che rayjupára cuera yarecojá reje coa mbae icuameêmbyré, ñañemopôtí opambae kya ñande roorejegua ja ñande pyarejegua gui, ja ñañe momarangatu icatu jagueicha yakyjŷyéjápe Tûpâ Ñandeyáragui.

Galaciayguakuérape 3:27

Opa pende carai vaecue Cristo rejeguarâ, oñembo Cristo recoma vaecue,

Efesoyguakuérape 5:26

omomarangatúpá jaguâ ichupecuera ja omopôti jaguâ jemimboecue rupi ŷ caraipeicha,

Colosayguakuérape 2:12

Peñeñoty vaecue Jendive peñe mongarai jaguepe, ja upeagui peicove yeby avei Jendive peyerovia jaguereje, pene atôi jague gui Tûpâ Ñandeyára pe omoingove yeby vaecue Ichupe umi omano vaecue paûgui.

1 Timotéope 1:5

Co vaerâ voi ore romomandua oico vaerâjá mborayju ipya pôtí rejeve ja ipyapy pôrâ rejeve ja oyoyerovia oyueje guauŷjápe.

1 Timotéope 6:12

Eñejaâ icatu jagueicha co ñoraŷrô pôrâme yayeroviaja rejejápe, eyapocói pe tecove iyapyra-ŷ-vareje pe reñejenôi jaguepe reñemombeu pôrâ yave guare co teco marangatu rejeguajá jeta nde rechajaré renondepe.

hebreoyguakuerape 10:22

ñañemboya Jendápe ñande pya apyteguive, ja yayeroviaitéjápe catuetei ñande pya ipôtímbyre ñande pyapy vaí gui ja ñande reté iyojeipyre ŷ etépe.

hebreoyguakuerape 11:19

Jae voi oimoâ Tûpâ Ñandeyára ipuacajá omoingove yeby jaguâ yepe umi omano vaecue apytegui, ja umiva apyteguivo voi guaujápe oguerojory yeby tayrape.

hebreoyguakuerape 13:18

Peñemboe orereje, roguerovia añetété ore pya pôtí pôrâ, ja roicose opambae jecoitepe ja iyojeipyre ramo.

hebreoyguakuerape 9:14

upeicharamo ¿na ipôrâ vei chepane Cristo ruguy pe oñecuameê vaecue oyupe voi imârâ ŷ reje Tûpâ Ñandeyárape pe Espiritu iyapyra-ŷ-va rupi, naipôrâvei chepane omopôtí jaguâ pende pyapy tembiapo reongue gui, icatu jaguâ peñemboe jecópe Tûpâ Ñandeyára oicovevape.

hebreoyguakuerape 9:24

Ndajaei pe tûpâo imarangatújápe oñemopuâmbyre ybypóra po rupi, pe jaetéva yoguajánte vaecue, oike vaecue Cristo, Jae oike vaecue yvaetépe vointe, oyejecha jaguâ coaguirire Tûpâ Ñandeyára ypype ñande rejejápe.

1 Pédro 1:3

Ta imombeu guasupyrâ ete Tûpâ Ñandeyára Jesu Cristo Ñandeyára Ru tuvichajá reje ñande poriajuvereco ñanemoñemoña pyajú yeby vaecue, icatu jaguâ ñajaarô catuetei guârâ oicove yeby jague rupi Jesu Cristo umi omano vaecue apytegui.

1 Pédro 3:16

Ta pende pyapy pôrânte, ja iyojeipyre, peñemoi vaí rei ramo guârâ icatu jaguâ umi penemombóiva jicuai oñemotî jaguâ pende reco pôrângue Cristo rejegua jáguigua rupi.