1 Pédro 2:5 - Tûpâ Ñandeyára 1913

⁵ Ja peê avei ta peico itá oicovévaicha peñemojendava peina peteî oga yvapegua rejeguaicha peñemoingo jaguâ pai imarangatuva ramo, peicuameê jaguâ pene remicuameêmbyrâ umi yvapegua rejeguaicha oguerojory vaerâ Tûpâ Ñandeyárape Jesu Cristo rupi.

Ñandejára Ñe’ẽ

⁵ Ha péicha, Tupã ojapóta pende hegui, ita oikovéva ramo guáicha, peteĩ tupao espíritu reheguáva, ha pa'i reko marangatu, Jesucristo rupi oikuave'ẽva espíritu guiguáva kuave'ẽmby, Tupãme ombohorýva.

Ñandeyara Ñe'ẽ

⁵ Upéicha avei peẽ, ita oikovévaicha pejuaju Cristo rehe peñemohenda haguã pe tupao espíritu reko rehegua opu'ãva ohóvope, ha oiko haguã pende hegui pa'i kuéra imarangatúva Tupã Ñandejára peguarã Jesucristo rupi oikuave'ẽva kuave'ẽmby espíritu reko rehegua Tupã Ñandejára ikatu vaerã oguerohory.

Ñandejara Ñe’ẽ ✟

⁵ Ha péicha, Tupã ojapóta pende hegui, ita oikovéva ramo guáicha, peteĩ tupao espíritu reheguáva, ha pa'i reko marangatu, Jesucristo rupi oikuave'ẽva espíritu guiguáva kuave'ẽmby, Tupãme ombohorýva.

Ñanderuete Ñe’ẽ Porã 2015

⁵ Ha peẽ avei peheja Ñanderuete toiporu pende rekove, ku ita oikovévaicha, oñemopu’ã hag̃ua ohóvo ijiglésia, Hesu Crísto pe itaguasu oikovéva ári, peẽ peiko hag̃ua ipa’i heko potĩva ramo peikuave’ẽ hag̃ua kuave’ẽmby pytu porã reheguáva Ñanderuetépe g̃uarã ita’ýra Hesu Crísto rupi.

1 Pédro 2:5 Referencias Cruzadas

Romayguakuérape 12:1

Upevareje, che reyi cuera, ayerure peême, Tûpâ Ñandeyára ñande poriajuverecojá reje, peicuameê jaguâ Ichupe pende rete mbae icuameêmbyré oicovéva ja imarangatúva, pembojory jaguâ Tûpâ Ñandeyárape. Upeichavo peê peñemboecatúva jecópe.

Romayguakuérape 15:16

aico jaguâ Jesu Cristo rembiyocuai ramo umi pytagua paûme añemoñeêvo co tembiapo caraí Tûpâ Ñandeyára Evangeliopeguare icatu jaguâ umi pytagua mbae caraícha oyererojorŷ avei imomarangatúpyré Espiritu Santo rupi.

1 Corintoyguakuérape 3:16

¿Nda peicuaaipa peêcuera Tûpâo jaetévajá, ja pe Tûpâ Ñandeyára Espiritu oicojá pendepype?

1 Corintoyguakuérape 3:9

Ore catu Tûpâ Ñandeyára îrû voi jembiapope. Peêcuera Tûpâ Ñandeyára cocue vointe. Ja peê Tûpâ Ñandeyára roga.

1 Corintoyguakuérape 6:19

¿Terâpa nda peicuaai penderete tûpâojá oijape Espiritu Santo pe oiva pende pype, upe perecóva voi Tûpâ Ñandeyára gui. Ja peê na penembaei peê.

2 Corintoyguakuérape 6:16

¿Ja mbaeichapa oñemoîne oñondive pe Tûpâ Ñandeyára tûpâó ja umi taângá reígua? Ñandecuera voi Tûpâ Ñandeyára oicovéva Tûpâo Tûpâ Ñandeyára jei jagueicha: Arecone che rendâguâ ipypecuera, ja ipypecuera Che aicone aguataja rupi iyerecuevo ja che iÑandeyára cuerane, ja jaecuera Che rejeguane.

Galaciayguakuérape 6:10

Upeicharamo iya yaveve ñandeve ta yayapo pôrâ opavape ja umi oyeroviava rejeguape catueteieté.

Filipoyguakuérape 1:11

ja pende reco pôrâite jaguâ peico jaguâ yvá jiá jetavaicha Jesu Cristo rupi oyererojory ja oñemombeu guasu jaguâ Tûpâ Ñandeyára.

Filipoyguakuérape 2:17

Ja uperire che recové oñeñojê ramo yepe pe peê peicuameêva, ja peiporúcáva reje peyeroviágui, upeicharamo yepe, che che rory, ja abyá opavave pende pyri.

Filipoyguakuérape 4:18

Oime arecopáma jeta ja jembŷ vaerâ cheve, Che renyjêmbáma. Arecoma Epafrodito porupi pe perúrucá vaecue cheve, peteî mbae jyâcuâ pôrâitevaicha peteî icuameêmbyréichagua joá pôrâva cheve oguerojorŷeté vaerâ Tûpâ Ñandeyárape avei.

Colosayguakuérape 3:17

Ja opambae peyapóva pene ñeême terâ pene rembiapope, peyapópá Ñandeyára Jesu rérape, ja Jaerupi avei perojory Tûpâ Ñandeyára pe Túvape.

1 Timotéope 3:15

Sapya che are eterei ramo aja jaguâ, taeucánte ndeve co cuatia ñeême reicuaa jaguâ nde mbaeichapa reyerereco vaerâ Tûpâ Ñandeyára rogaygua apytepe. Cova voi jae Tûpâ Ñandeyára oicovéva Iglesia, Tûpâ Ñandeyára añetegua iyocojarâ ja japo upéva avei.

hebreoyguakuerape 3:6

pe Cristo catu yeroviajá voínte Taŷra ramo mburuvichaicha Ñandeyára roga rejeve, ñande voí upe joga Jeseguáva, ñande yapyta jâtâ ramo ipajápeve, co ñande pyaguasujá ja ñajaârôjá co ñañemombeú guasújápe voí.

1 Pédro 2:9

Peêcuera voi ñemoñaré yeporavópyré, peê pai cuera mburuvicha guasu rejeguava, peê tetâ marangatu rejeguava, peê cuera imbaéteétérâ, peêcuera pemojerâcuâ jaguâ iyetéetévéjá upe penerenoîjaré pytûnguŷjá gui co ojesapé poraitejápe.

1 Pédro 4:11

Oime ramo oñemoñeêva, toico Tûpâ Ñandeyára Ñeê gui oicuaáucávaicha. Oime ramo oipytyvôva umi ambuecuepe, toico pe ipuacacue Tûpâ Ñandeyára omombaraetéjá gui icatu jaguâ Tûpâ Ñandeyára oñembuete opambaepe Jesu Cristo rupi. Toñembuete Jae ja toñembotuvicha tapia guârâ. Amen.

1 Pédro 4:17

Oguajêma voi jiára oñypyrú jaguâ pe opavavepe oñembojecoviájá ára, ja oñypyrú raê vaerâ Tûpâ Ñandeyára roga guive yepe. ¿Ja oñypyrú ramo ñandejegui, mbaeichapa oñemojendane ipajápe umi iñeêrendú-ŷ-vaecue pe Tûpâ Ñandeyára Evangeliope?

Apocalípsis 1:6

Jae ñane moingo vaecue mburuvicha guasu rejegua ramo ja pai râ ñambuete vaerâ Tûpâ Ñandeyára pe Túvape, toñembuete Ichupe ja toñembotuvicha tapia guârâ. Amen.

Apocalípsis 20:6

Jeco orŷeté ja imarangatu vaerâ umi ojupity vaerâ oico jaguâ co iñypyrumbŷ oñemoingové yeby jápe. Ndaipuacaichene jesecuera pe oñemano mocoîjá, ja jaecuera oicone paí guasu vaicha Tûpâ Ñandeyárape ja Cristope ja oicone mburuvicha ramo Cristo ndive mil años peve.

Apocalípsis 3:12

Upe ogueropuacávape amoingóne iyocojarâ ramo Che Tûpâ Ñandeyára tûpâópeguarâ ja jae nosêvéi chene upegui máramo. Ja Che amoîne jese pe Che Tûpâ Ñandeyára réra ja pe Che Tûpâ Ñandeyára retâ réra, co Jerusalem ipyajúva ogueyŷtava oúva yva guive Che Tûpâ Ñandeyára guivo, ja amoîne avei jese Che réra pyajú.

Apocalípsis 5:10

ja remoingo jague reje ichupecuera mburuvicha guasu rejegua ramo, ja paí râmo ombuete vaerâ Tûpâ Ñandeyárape, ja jaecuera oicone mburuvicha guasu ramo co ybyari yepe.