1 Pédro 2:24 - Tûpâ Ñandeyára 1913

²⁴ Jae jetepe voi ojupi curusu reje ñane angaipa icatu jaguâ ñande yayepea pype angaipavora reco gui ñamano vaecueicha ramo, yaicove teco marangatupe. Umi jeté yeyocá jague rupi peêcuera pene rasâimba marae.

Ñandejára Ñe’ẽ

²⁴ Cristo, ha'ete voi ogueraha hetepýpe kurusúre ñane angaipa, ñande ñamano haguã angaipápe guarã ha jaikove teko jojápe. Cristo ojekutupa vaekue, peẽ pekuera haguã.

Ñandeyara Ñe'ẽ

²⁴ Cristo ete voi ogueraha va'ekue ñande pecado kuéra hetépe kurusu rehe, ndajaikovevéima haguã pecádope, jaiko haguã teko marangatúpe uvei. Ha'e ojekutu va'ekue peẽ pekuera haguã.

Ñandejara Ñe’ẽ ✟

²⁴ Cristo, ha'ete voi ogueraha hetepýpe kurusúre ñane angaipa, ñande ñamano haguã angaipápe guarã ha jaikove teko jojápe. Cristo ojekutupa vaekue, peẽ pekuera haguã.

Ñanderuete Ñe’ẽ Porã 2015

²⁴ Hesu Crísto oguerahava’ekue hetére ñane rembiapo vai kurusúre, ñande ñamano hag̃ua tembiapo vaípe g̃uarã ha jaiko justíciape g̃uarã. Ijekutukue rupi ningo peẽ pekuera.

1 Pédro 2:24 Referencias Cruzadas

Matéo 27:26

Upei catu opoí ichupecuera Barabbás gui ja Jesúspe oinûpâucá ja omeê Ichupe ipopecuera oyuca jaguâ Ichupe curusu reje.

Matéo 5:20

Che jae peême peê pende yojeipyrévé ŷ ramo pende recópe umi escriba iñarandú reíva ja umi fariseo jaecueranteséva gui, nda peikeichene pe tetâ yvapeguape.

Matéo 8:17

Upeicha oico jecópe oyee jagueicha pe Isaías ñemoñeêjaré yurú rupi: Jae voínte oñembo pítuá ñande pítuá jaicha, ja oyaŷby oicovo ñane mbaasŷ pojyi gui.

Márcos 15:15

Upei catu Pilato ombuayésegui umi tecové atŷrape opoí ichupecuera Barabbás gui ja oinûpâucá rire Jesúspe omeê Ichupe ipope cuera oyeyucá jaguâ curusú reje.

Lúcas 4:18

Oime Ñandeyára Espiritu oico Che reje, Jae Che mongaraí amojerâcuâ jaguâ mbae ipôrâva ipyajúva umi mboriajupe, Che mbou avei amoangapyjŷ jaguâ umi ipyambyasŷvape, ja aicuaauca jaguâ umi oñeñapytîmbŷrépe oyepoí jaguâ, ja amomaê jaguâ umi ojechaŷvape, ajeŷa reíucá jaguâ umi oyeyopŷvape,

Juan 1:29

Uperire pe ára ambuepe oime Juan ojecha Jesúspe ou ramo Jendápe ja jei: Pemaêke! Upéva Tûpâ Ñandeyára Ovecha Ray umi ybypóra angaipa mboíjarâ!

Juan 19:1

Upei catu Pilato oipyjŷucá Jesúspe ja oinûpâucá Ichupe,

Apostolkuéra 10:35

ja opa tetâme oime ramo okyjŷyéva Ichugui ja jembiapóva jecópe, upéva oguerojorŷva já Ichupe.

Apostolkuéra 10:39

Ja orecuera voí jechajaré rojecha vaecue opa umimbae Jae oyapo vaecue pe Judea retâme ja Jerusalempe ja umiva oyuca Ichupe omosaingovo Ichupe ybyra yoasá reje.

Apostolkuéra 13:29

Ja oyeyapopá ma ramo opa umimbae pe Santa Escriturape oyee vaecue Ichugui, ombogueyŷ Ichupe pe ybyrágui ja omoî Ichupé pe itacuápe.

Apostolkuéra 5:30

Upe ñanderu ypycue Tûpâ Ñandeyára omopuâ Jesúspe pe peyuca vaecue peê pemosaingo pype ybyra yoasá reje.

Romayguakuérape 6:11

Upeicha avei peê peyerereco añete pemano vaecueicha angaipa gui ja peyerereco peicovéva ramo Tûpâ Ñandeyárape, Cristo Jesúrejegua járeje peê.

Romayguakuérape 6:13

Upeicha avei ani peiporucá pende rete pe angaipápe pe tecovaí rembiporu ramo, upea rangue peyeporucá Tûpâ Ñandeyárape peicove yeby vaicha omano vaecue apytegui, ja peiporucá pende rete Tûpâ Ñandeyárape pe teco pôrâ rembiporu ramo.

Romayguakuérape 6:16

¿Nda peicuaaipa oime ramo peteîva peyeporucajá jembiguai ramo, peê pene ñeê rendu jaguâ ichupe, upéva pene ñeêrendújá, upeva rembiguai peê, pe angaipa rembiguai peê pemano jaguâ, terâ pe neê jecopegua rembiguai peê peico jaguâ jecópe.

Romayguakuérape 6:2

Mbaevéicharamo! Ñande ñañemo manova pe angaipa gui, ¿maichapa icatune yaicove ipype yepe gueteri?

Romayguakuérape 6:22

Coanga peñerenojêma ramo pe angaipa guŷgui ja peyeyapoma ramo Tûpâ Ñandeyára rembiguai ramo, coanga penojê umimbae gui peñemomarangatu jaguâ ja umimbae pajá ramo oimene pejupity pe tecove iyapyraŷva.

Romayguakuérape 6:7

Upe omano vaecue voi ipôtíma pe angaipa gui.

Romayguakuérape 7:6

Coanga ñasêma pe Moises ñeêngue gui ñande yaicojá reje ñamanovaicha upe ñandeyocójaré gui, icatu jaguâ yayeyocuáiucá jecope co ñande reco pyajúvape ñande pyaite guive ja yaicoveŷ pe ñeêngue ymaguare rupi.

1 Corintoyguakuérape 15:3

Yma che ambojasama vaecue peême pe iñypyrumbŷ guare cheve voínte oñemeê vaecue, Cristo omano jague ñane angaipa reje, umi Santa Escriturape oyee jaicha,

2 Corintoyguakuérape 6:17

Upévareje pesê catu iyapytepegui cuera ja peyepea, jei Ñandeyára, ja ani pepoco mbae kyá reje, ja che porerojoryne.

Galaciayguakuérape 3:13

Cristo voi ñande repŷ vaecue pe Moises ñeêngue ñane moîvaí vaerâ guy gui, oñemoî vaí pype oyeje ñande rejejápe. Oyee voí Santa Escriturape: Imombeuvaípyrâ oimeraêva oñemosaingo vaecue ybyrá reje.

Efesoyguakuérape 5:9

pe ojesapéva gui voi oico opa mbae pôrâ ja mbae jecopegua ja ñeê añetegua.

Filipoyguakuérape 1:11

ja pende reco pôrâite jaguâ peico jaguâ yvá jiá jetavaicha Jesu Cristo rupi oyererojory ja oñemombeu guasu jaguâ Tûpâ Ñandeyára.

Colosayguakuérape 2:14

Jae voi omboguépá pe cuatia iñeê imoîmbyre ñane mombeujaré ja ñanemoî vaíjaré rejeve, ja omboípaité, ja oyatyca icurusu reje.

Colosayguakuérape 2:20

Peêcuera pemano rire añete Cristo ndive, ja peñerenojê rire, umi jeco tabŷ raí reíva co ybyarigua gui, ¿mbaerépa pende reco co ybyari guaicha gueteriva ramo, mbaerépa peñemoí umi ñeênga reí guype:

Colosayguakuérape 3:3

Peê pemanovaicha voí, ja pende recovéeté oñemí jina Cristo ndive Tûpâ Ñandeyára pype.

hebreoyguakuerape 10:10

Upéva rembipota rupi voi ñañembo jeco marangatuma vaecue Jesu Cristo oicuameê jague reje jetété voi peteî yebynte iya jaguâ ñane angaipa repŷ ramo.

hebreoyguakuerape 10:5

Upea reje voi ou jaguepe ybyari Jae jei: Iyucapyrâ ja tûpâmbae moñyrôjarâ Nde nde reipotai, peteî teténte Nde rembosacoíucá Cheveguârâ.

hebreoyguakuerape 12:13

ja peicârêó umi tape pepyru jaguâ, icatu ŷ jaguâ pe icarêva oyabypáite oñemyatyrô jaguânte pe ipârîjá.

hebreoyguakuerape 7:26

Coaichagua voi paí guasúeté iya pôrâ etereiva ñandéve imarangatúva, ipyavaí cuaaŷva, jecocuevaí ŷ va, oyejeacuaa ŷ va iñangaipáva ndive, oñembo tuvicha vichaitévéva yvatétéguagui.

hebreoyguakuerape 9:28

upeicha avei Cristo oñecuameê vaecue oyupe peteî yebynte ogueropuaca jaguâ angaipa repy umi ambue jeta rendaguepe, ja oyejecha yebyne mocoîjápe angaipa ŷ rejema umi omañavape Jese ojaârôjápe jecoitepe oñemomarangatúeté jaguâ.

Tiágo 5:16

Upeicharamo, peñomombeu pene angaipagui oyupe ja peñomboe oyueje pene resâi jaguâ. Ipuaca voí pe cuimbae jecopegua ñemboe oñeñatôima guive ipya apyte guive.

1 Juan 2:29

Peê peicuaa jaicha voí Jae jecoitepeguajá, peicuaa vaerâ avei pe cuimbae jeco pôrâiteva upéva iñemoñaré Jesegua voi-já.

1 Juan 3:7

Che raŷ cueramimi, ani avave penemombia. Upe oyapóva jecópe, upéva jecopegua upe Jae jecopeguaite jaicha.

Apocalípsis 22:2

Oime mocoîve Jendápe pe ŷ rembey reje oyovai, ja pe ŷ ja pe tetâ mbytete paûme oi pe ybyra râcâ omoingovéva. Upéva jiá doceve oyopará jiáva yepi yasy jenyjê yave catuetei, ja pe ybyra rogue oporomojesaîva umi tetaŷguape.