1 Pédro 1:20 - Tûpâ Ñandeyára 1913

²⁰ Covaerâ voi Jae oñemoingo vaecue co yby oyeyapo mboŷve voi, ja coanga oyecuaauca pôrâmarae co âva ára pajápe pende rejejápe,

Ñandejára Ñe’ẽ

²⁰ Cristo niko upevarã voi oñemoĩ vaekue opa mba'e ojejapo ypy mboyve, ha ko'ã ára pahápe katu ojechauka peẽme ou porã haguã.

Ñandeyara Ñe'ẽ

²⁰ Cristo oñembosako'i va'ekue upevarã Tupã Ñandejára ojapo mboyve guive ko mundo, ha ko'ã ára pahávo katu ojehechauka pende rayhupápe.

Ñandejara Ñe’ẽ ✟

²⁰ Cristo niko upevarã voi oñemoĩ vaekue opa mba'e ojejapo ypy mboyve, ha ko'ã ára pahápe katu ojechauka peẽme ou porã haguã.

Ñanderuete Ñe’ẽ Porã 2015

²⁰ Hesu Crístope ojeporavóma voi ojejapo mboyve ko múndo (univérso), ojehechauka hag̃ua ko’ã ára pahápe penderayhupápe.

1 Pédro 1:20 Referencias Cruzadas

Matéo 25:34

Upei catu pe mburuvicha guasu jeine umi iyacatua coty oîvape: Peyúna peê, Che Ru rejegua marangatúva! Peyapyjŷ mbaeyárarâ co tetâ yvapegua oñembosacoí voí vaecue peêmeguârâ oyeyapó ypy guive co yby.

Apostolkuéra 2:23

Upéva catu oyeyapyjŷucá vaecue, Tûpâ Ñandeyára oipota voí jague reje oyeyapo ja oicuaa voí jaguereje upeichante oyeyapo vaerâ jague, ja peê peyucáucá Ichupe umi iñañáva po rupi curusu reje.

Romayguakuérape 3:25

Upévape voi Tûpâ Ñandeyára omoingo oporomoñyrôjarâ ramo umi oyeroviávape juguy reje, ojechauca jaguâ jeco marangatújá ja oguero kîrîrîjape ojeya rei pype ñane angaipa ymaguare ojechaguívo.

Romayguakuérape 8:29

Umi yma oicuaa vaecuepe oiporavó vaecue avei oyoyogua jaguâ Itayrape, Jae oico jaguâ iñypyrumbŷ ramo jeŷícuéraetá paûme.

Galaciayguakuérape 4:4

Uperire ôguajêma ramo jiára, Tûpâ Ñandeyára ombou Tayrape, peteî cuña oñemoña jague, ja oñemoî vaecue Moises ñeêngue guype,

Efesoyguakuérape 1:10

iya ramo guârâ, ja ombosacoi jagueicha ipyapype voi ombyatypa jaguâ opambae Cristo rejeguârâ jaguâ, umimbae yvagape oiva, ja umimbae ybyarigua upeicha avei, oico jaguâ Cristo opambae âcâ ramo.

Efesoyguakuérape 1:4

Jae ñande poravó jague reje Jeseguarâ co yby oyeyapo mboyve, yaico jaguâ ñane marangatúva ramo, ja ñane mârâŷva ramo iyŷpype, ñande rayjúeté jague reje.

Efesoyguakuérape 3:11

Jae ombosacoi jagueicha ymaite guive voi omeê pype iñeê Cristo Jesus Ñandeyára rupi.

Efesoyguakuérape 3:9

ja ajechauca jaguâ jesâcâjápe opavavépe co mbae ñemingue rerecuájá, co mbae ñongatupyré oñemi vaecue iñypyrumby guive Tûpâ Ñandeyára pyape pe omoñemoñajaré opambae.

Colosayguakuérape 1:26

aicuaauca jaguâ pe mbae ñemingue, iñongatupyre ñemijáme, iñypyrumby mboyve, ja oime mboyve oñemoñava, ja coangama icuaaucápyré imarangatúva cuerape.

1 Timotéope 3:16

Ndipori oyuaby vaerâ yae ramo mbae ñemingue ñongatúpyréetévajá co ñambuetéjá Ñandeyárape: Jae oyejechauca jague cuimbaeicha, ja iñeê oñemoañetété pe Espiritu rupi, Jae oyejecha umi yvapegua rupi, ja jerâcuângue oñemombeu umi tetâ ambue rupiguape, oyererovia co ybyari ja uperire oyererojory oñembo tuvichajápe yvape.

hebreoyguakuerape 1:2

ja ipajávo coâva árape Jae oñeê ñandeve Tayra yuruete rupi. Upevape omoîngo vaecue opambae Yárarâ ja Jaérupi voi Jae oyapo vaecue opa oimeva.

hebreoyguakuerape 2:14

Upeicharamo, umi oyeéva Che raŷcuerajá opavave ñande ruguŷ, ja ñande roó peteîvajáreje, Jae voi upeicha avei oñembo jeté peteîcha ñande ruguŷ ja ñande roóva, icatu jaguâ imano rupi oipuacáó upe ipuacávape omomano jaguâ, yaévo pe mbaepochy voi,

hebreoyguakuerape 9:26

Upeicharamo, Cristo ojasa asy yeby yeby vaerâ moa co yby oyeyapo ypy jague guivo coangapeve, ja yaicuaa voi coanga Jae oyejecha jague peteî yebynte ipajaite ôguajêjápe jiara oipea jaguâ angaipa oyeyucá pype Jae voi angaipa repyrâ.

1 Pédro 1:2

umi oyeporavo voi vaecue oicuaa jague reje ichupecuera yma voi Tûpâ Ñandeyára pe Tuva ja pe Espiritu omomarangatu jague reje ichupecuera ojenducuaaucá jaguâ iñeê oyejŷpŷi jaguâ Jesu Cristo ruguŷpe. Ta pende pyapôrâ ja ta pende pyaguapy yoa yoa.

1 Juan 1:2

pe tecové voí ñane moingovéva oyecuaáucá vaecue, ja ore rojecha vaecue Ichupe, ja coanga romombeu jecópe ja romojerâcuâ peême, pe tecové ñane moingovéva iyapyra-ŷ-va, yma voi oi vaecue pe Túva ndive, ja oyecuaauca vaecue oreve,

1 Juan 3:5

Pe angaipa voi jecoŷmegua, ja peêcuera peicuaa Jae oyecuaauca jague oipea jaguâ angaipa, ja ipype voi ndipóri angaipa.

1 Juan 3:8

Pe oñemo angaipáva, upéva mbaepochy rejegua. Pe mbaepochy iñypyrumbŷ guive voi oñemo angaipa vaecue. Coarâ voi oyecuaaucá Tûpâ Ñandeyára Raŷ ombuaipa jaguâ mbaepochy rembiapo.

Apocalípsis 13:8

ja opa jicuaiva ybyari oicone ombuetéjápe ichupe, yaévo opa umi jéracuera oi-ŷ-va pe cuatia Tecové iyapyra-ŷ-va peguape, pe Ovecha Raŷ cuatia ñeême pe oyeyucapyre oñypyrú mboyve voi co yby.