1 Pédro 1:2 - Tûpâ Ñandeyára 1913

² umi oyeporavo voi vaecue oicuaa jague reje ichupecuera yma voi Tûpâ Ñandeyára pe Tuva ja pe Espiritu omomarangatu jague reje ichupecuera ojenducuaaucá jaguâ iñeê oyejŷpŷi jaguâ Jesu Cristo ruguŷpe. Ta pende pyapôrâ ja ta pende pyaguapy yoa yoa.

Ñandejára Ñe’ẽ

² Peẽ niko hína Tupã, ñande Ru voi oiporavo vaekue ko'ágã mboyve. Espíritu Santo rupi peñemboyke vaekue Tupãme guarã, pene ñe'ẽ rendu ha peñemopotĩ haguã Jesucristo ruguy rehe ae. Toguahẽ peẽme heta vy'a ha py'a guapy.

Ñandeyara Ñe'ẽ

² Tupã Ñandejára, pe Túva, pende poravo va'ekue peẽme oikuaapágui pe tenonderãgua, ha pe Espíritu rupi pene momarangatu va'ekue pene ñe'ẽrendu haguã ichupe ha pene mopotĩ haguã Jesucristo ruguýpe. Imborayhu ha py'aguapýgui ta pene renyhẽte.

Ñandejara Ñe’ẽ ✟

² Peẽ niko hína Tupã, ñande Ru voi oiporavo vaekue ko'ágã mboyve. Espíritu Santo rupi peñemboyke vaekue Tupãme guarã, pene ñe'ẽ rendu ha peñemopotĩ haguã Jesucristo ruguy rehe ae. Toguahẽ peẽme heta vy'a ha py'a guapy.

Ñanderuete Ñe’ẽ Porã 2015

² Ñandejára Ñanderuete pendeporavo yma guivéma, pe Pytu Porãmbáva tapenemboheko porã, Hesu Crísto ruguy rupi, peẽ peneñe’ẽrendu hag̃ua; imborayhu ha ipy’aguapy tapenemyenyhẽve pehóvo.

1 Pédro 1:2 Referencias Cruzadas

Matéo 24:22

Ja umi ára oñemo mbykyucá ŷ rire voí, avavé ybypóra ndopyta mo raei. Upeicharamo yepe, umi Ñandeyára iporavópyré rejejápente, umi ára oñemo mbykŷucáne.

Matéo 24:24

Opuâne voí cristo guaúva ja oñemoñeêjára guaúva, ja umiva ojechaucáne peême mbae guasu tuvicha ja jechapyrâ, ja upeicha cuévo mo omombia umi Ñandeyára iporavópyré yepe, icatu varâ rire.

Matéo 24:31

Ja Jae omboune jembiyocuai yvapeguape ombopú jaguâ oúvo pe turú guasu, ja ombyatŷne umi iporavópyré jeseguávape umi irundŷvé ybytú cotŷ guivó pe cuarajŷ oico oyovaivé coty guivó pe árape.

Márcos 13:20

Ja Ñandeyára omombykŷucá ŷ rire umi ára vaí mo ndipori chene osê vaerâ imârâ ŷ reje. Upeicharamo yepe umi ojenoî vaecue rejejape umi oiporavó vaecue voí, Jae omombykŷmane raé voí umi ára vaí.

Márcos 13:22

Opuâne voí Cristo guaúva, ja oporo mombeujára yapuva, ja ojechaucáne mbae jechapyrâ ja mbaeguasu imombeupyrâ omombia jaguâicha icatu ramo umi iporavópyrépe yepe.

Márcos 13:27

Uperamo omboune jembiyocuai yvapeguape ja ombyatŷne umi iporavópyrépe umi irundy ybytú cotŷ guivó co yby ŷva guive pe ára ŷva peve.

Lúcas 18:7

¿Ja ndo yapoichepane mbaeve Tûpâ Ñandeyára ojepŷ jaguâ umi iporavópyrépe oyerureruréva Ichupe ára ja pyjarepe, oguero kîrîrî aré ramo yepe vaicha jesejape cuera.

Apostolkuéra 15:18

Upeicha jei Ñandeyára pe oyapóva opa mbae Jae oicuaá vaecue voi iñypyrumbŷ guive voí.

Apostolkuéra 2:23

Upéva catu oyeyapyjŷucá vaecue, Tûpâ Ñandeyára oipota voí jague reje oyeyapo ja oicuaa voí jaguereje upeichante oyeyapo vaerâ jague, ja peê peyucáucá Ichupe umi iñañáva po rupi curusu reje.

Apostolkuéra 20:32

Ja coanga, che reŷi cuera, pojeya peême Ñandeyárape ja pe iñeê ipya pôrâ rejeguávape, upéva ipuaca voí penemboe pôrâ jaguâ ja omeê jaguâ peême peico jaguâ oyoerecua ramo umi imarangatuva ndive.

Romayguakuérape 1:5

ja Jaerupi rojupity ore pya pôrâ jaguâ ja ore rendâguâ Apostol recóperâ, orepá opa tetâmegua oreñeêrendú ja roguerovia jaguâ Jéra rejejápe.

Romayguakuérape 1:7

Opa peê peiva Romape Tûpâ Ñandeyára penderaŷjúva peñejenoî vaecue pene marangatuvarâ, tápene mbopyapôrâ ja ta pene mbopyáguapŷ peême Tûpâ Ñandeyára ñande Rú ja Ñandeyára Jesu Cristo.

Romayguakuérape 11:2

Tûpâ Ñandeyára nomomboi jesegua cuerape yma guive oicuaa vaecue. ¿Terâpa nda peicuaai pe Santa Escriturape oyee vaecue Elias gui pe omombeu ramo guare jina Tûpâ Ñandeyárape Israel coty coty,

Romayguakuérape 11:28

Pe Evangelio guivo voi Tûpâ Ñandeyára oñamotareŷ ichupecuera pende rejejápe, upegui umi oyeporavó vaecue guivo, jaecuera oyejayjúetê ituva ypycue rejejápe.

Romayguakuérape 15:16

aico jaguâ Jesu Cristo rembiyocuai ramo umi pytagua paûme añemoñeêvo co tembiapo caraí Tûpâ Ñandeyára Evangeliopeguare icatu jaguâ umi pytagua mbae caraícha oyererojorŷ avei imomarangatúpyré Espiritu Santo rupi.

Romayguakuérape 16:19

Oicuaapáma opavave pembuayéjá peê jecópe, upévareje che rory penendive, upeicharamo yepe, aipota pene arandu mbae pôrârâme ja pende tabyvaicha mbae ivai râme.

Romayguakuérape 16:26

Tûpâ Ñandeyára Jaeño iñarandúva jaetéva, toñembuetéucá Jesu Cristo rupi tapiaguârâ. Amen.

Romayguakuérape 8:13

peicove ramo voi pe ybypora reco rupi nda jiarei chene pemano jaguâ. Upeicha ŷ ramo peicove ramo pe Espiritu reco rupi ja pemomba ramo peicovo pe ybypóra reco peico jague, peicovéeténe.

Romayguakuérape 8:33

¿Avápa oñeê vaíne umi Tûpâ Ñandeyára oiporavó vaecuepe? Tûpâ Ñandeyára voi ombo jecomarangatu ichupecuera.

1 Corintoyguakuérape 1:30

Ichuguigua voí peêcuera Cristo Jesús rejeguava, upéva oyeyapo Tûpâ Ñandeyára rupi ñanemo arandú jarâ ja ñanembo jecopôrâ jarâ, ja ñanemo mârângatújárâ ja ñande repŷjarâ,

1 Corintoyguakuérape 6:11

Oime vaecue pendeva pende apytepe upeichaguare. Coanga voi peê peñemopôtíma, peê peñemomarangatúma, ja peyepoíma Ñandeyára Jesu Cristo rerape ja ñane Tûpâ Ñandeyára Espiritu rupi.

2 Corintoyguakuérape 10:5

ja romocañy jaguâ voi umi oyuabyvape oñondive, ja roitŷ jaguâ opa oñembotuvichávape, ja opa opuâvape Tûpâ Ñandeyára remimbaecuaaucá reje, ja royapyjy jaguâ opa jiâva oreve ore pyapype, ore ñeêrendú jaguâ Cristope,

2 Corintoyguakuérape 13:14

Ñandeyára Jesú Cristo pya pôrângue ja Tûpâ Ñandeyára poraŷjú ja pe Espiritu Santope oyorerecuajá toico opavave penendive. Amen.

Colosayguakuérape 3:12

Tecôtevê, upeicharamo, peñe mondénte peê, Tûpâ Ñandeyára pende poravó vaecue peê pene marangatuva voi, ja peyejaŷjúva, peñemondente pe teco pôrâ poriajuverecope, ja pe teco pya pôrâme, ja pe teco pendesénteŷjápe, ja pe teco pochycuaaŷme, ja pe teco rokîrîrîme,

2 Tesalonicayguakuérape 2:13

Ore tapia rojechacuaa vaerâ Tûpâ Ñandeyára pende rejejápe peê ore reŷicuera, Ñandeyára raŷjupara cuera Tûpâ Ñandeyára iñypyrumbŷ guive voi pende poravó jague reje pene mârâ-ŷ-jaguâ pene mbojeco marangatu rupi pe Espiritu, ja peê perovia jague reje iñeê.

2 Timotéope 2:10

Co vaerâ voi che arokîrîrî opambae umi Ñandeyára oiporavópyré rejejápe icatu jaguâ jaecuera avei ojupity oñembo jecomarangatu jaguâ Cristo Jesu rupi, ja oyererojory jaguâ yvape tapiaguârâ.

Títope 1:1

Che Pablo, Tûpâ Ñandeyára rembiguai, ja Jesu Cristo Apostol, jemimbou aroviáucá jâtâve jaguâ umi Tûpâ Ñandeyára oiporavópyrévape ja aicuaauca jaguâ jecópe pe Ñeê ipôrâva teco marangatúrâ.

hebreoyguakuerape 10:22

ñañemboya Jendápe ñande pya apyteguive, ja yayeroviaitéjápe catuetei ñande pya ipôtímbyre ñande pyapy vaí gui ja ñande reté iyojeipyre ŷ etépe.

hebreoyguakuerape 11:28

Oyerovia jague reje avei jae omoingo ypy arete guasu Pascua yaejá, ja omonáucá ypy pe tuguy gui, icatu ŷ jaguâ pe oyucajára jiconi umi mitâ ypycue oyabyky avave jesecueravape.

hebreoyguakuerape 12:24

ja peyúma voi Jesu rendape pe oipaûndyjára pe teco pyaju oñomoñyrôjápepe, ja pe tuguy oñejê vaecuepe, oñeêva mbae ipôrâvéva gui Abel ruguy gui.

hebreoyguakuerape 5:9

Ja upeicha Jae oñembo jecomarangatúitéma ramo Jae oñemoingo jerecua ramo umi iñeêrendúvape Ichupe imârâŷjaguâ tapia.

1 Pédro 1:14

Mitâ iñeêrendu vaicha ani peê peñembojeco jiâ vaí jagueicha peême yma voi pende tabyete ramo guare.

1 Pédro 1:19

pe pende repycue voi pe Cristo ruguyetejá jepŷetéetevéva peteî ovecha raŷ oimbáva ja imârâŷvaicha.

1 Pédro 1:20

Covaerâ voi Jae oñemoingo vaecue co yby oyeyapo mboŷve voi, ja coanga oyecuaauca pôrâmarae co âva ára pajápe pende rejejápe,

1 Pédro 1:22

Coanga pene ñeêrendu jague reje pe ñeê aneteguápe, ja pemopôtíucá jague reje pene anga peyojaŷjú jaguâ oñondive tova mocoîŷreje, peê peyojaŷju vaerâ pende pya apyte guive icatu jagueicha peñejaâ.

1 Pédro 2:9

Peêcuera voi ñemoñaré yeporavópyré, peê pai cuera mburuvicha guasu rejeguava, peê tetâ marangatu rejeguava, peê cuera imbaéteétérâ, peêcuera pemojerâcuâ jaguâ iyetéetévéjá upe penerenoîjaré pytûnguŷjá gui co ojesapé poraitejápe.

2 Pédro 1:2

Ta pende pyapôrâ ja pende pyaguapy yoa yoa peicuaa pôrâvo jecope Tûpâ Ñandeyárape ja Jesu Ñandeyárape.

2 Juan 1:1

Che che presbitero che tuyáva ayapo aina co cuatia ñeê ndeve, cuña carai iporavópyréva, ja nememby cuerape che pojaŷjúva añeteté, ja na che añói, opavave umi oicuaava Ñandeyára Ñeê añetegua pende raŷju avei.

2 Juan 1:13

Umi nereindy poravópyre memby nemomaitéiucá ndeve.

Júdas 1:2

Ta peyeporiajuvereco peê, ja ta pende pya guapŷ, ja ta peyejayjú yoa yoa yeby yeby.