1 Juan 5:6 - Tûpâ Ñandeyára 1913

⁶ Jesu Cristo voi jae pe ou vaecue ŷ ja tuguŷ rejeve, nda ŷ rejeve añói, pe ŷ ja tuguŷ rejeve avei:

Ñandejára Ñe’ẽ

⁶ Jesucristo jeju ko yvy ári ojechauka vaekue y ha tuguýpe. Ndaha'éi ýpente, y ha tuguýpe uvei. Pe Espíritu voi oikuaauka kóva ha Espíritu hína añete.

Ñandeyara Ñe'ẽ

⁶ Jesucristo niko upe ojebautiza va'ekue ýpe, ha oñohẽ va'ekue huguy kurusu rehe, ou ramo guare ndojehechaukái va'ekue ý rupi añónte, pe ý ha pe tuguy rupi avei. Ha pe Espíritu voi niko pe oikuaaukáva ko'ã mba'e ha pe Espíritu ha'e hína pe añete.

Ñandejara Ñe’ẽ ✟

⁶ Jesucristo jeju ko yvy ári ojechauka vaekue y ha tuguýpe. Ndaha'éi ýpente, y ha tuguýpe uvei. Pe Espíritu voi oikuaauka kóva ha Espíritu hína añete.

Ñanderuete Ñe’ẽ Porã 2015

⁶ Hesu Crísto ningo ouva’ekue y ha tuguy rupi, nda’y añói rupi, y ha tuguy rupi uvei. Ha pe Pytu Porãmbáva ningo oikuaauka péva, pe Pytu Porãmbáva ha’égui pe añetegua.

1 Juan 5:6 Referencias Cruzadas

Matéo 26:28

Peúnte ichugui opavavé peêcuera. Cóva voí Che ruguŷ pe Ñandeyára remicuameê ypycue pende repŷrâ, oñejê vaerâ jeta rejejape, oyepeapá jaguâ iñangaipa.

Matéo 3:16

Ja upeicha Jesús icaraí, ja upevove osênguévo pe ŷgui, sapyaite oyepea pe yvaga rôkê Ichupe, ja Jae ojecha pe Tûpâ Ñandeyára Espiritu ogueyŷ ramo oúvo pycasuróicha, ja opyta jiari,

Márcos 14:24

ja Jae jei ichupecuera: Cóva Che ruguy oñejê vaerâ jeta rejejápe omoî jâtâ jaguâ pe Tûpâ Ñandeyára remicuameêmbyré.

Lúcas 22:20

Upeicha avei omeê ichupecuera pe mbayru ocarúpá rire ja jei ichupe cuera: Cóva co mbayrú pe Ñandeyára oicuameê jague ja coanga oico pyajújá Che ruguy rupi oñejê vaerâ pende rejejape.

Juan 14:17

pe Espiritu marangatu jecopegua. Nda iyainte umi ybypóra cuerape oguerojory Ichupe ndo jechacuaai gui ja ndoicuaai gui Ichupe. Peê voí peicuaa Ichupe opyta járeje pende ŷképe ja oijáreje pende pyápe.

Juan 14:6

Ja Jesús jei ichupe: Che catu pe Tapé, ja Che pe Añete, ja Che pe Tecovété. Ndipori ou vaerâ pe Tuva rendape, Che rupi año mante.

Juan 15:26

Anga ou ramo pe pene Pytyvôjarâ, ambou vaerâ Che Ru gui, pe Espiritu marangatu jecopegua, pe osê vaerâ pe Túva gui, upéva catu oicuaaucane jecope Chejegui.

Juan 16:13

Anga ouma ramo Jae, pe Espiritu marangatu jecopegua, Jae catu tapecuaajá ramo pene mojenonde vaerâ peême pe tapé jecopeguajápe. Jae noñeêichene oyejegui, pe ojendu vaecue gui nte oñeêne ja oicuaaucáne peême mbae oicótava jina.

Juan 3:5

Upei catu Jesús oñeê yeby: Añeteté Che jae ndeve catuetei oime ramo oñemoña ŷ vaecue ŷ gui ja Espiritu Santo gui, ndicatui oiké Tûpâ Ñandeyára reco marangatúpe.

Juan 4:10

Ja Jesús oñeê ja jei ichupe: Reicuaa rire Tûpâ Ñandeyára remimeêmbyrâ ja reicuaa rire avápa pe jeiva ndeve Chemboŷúmi mo reyerure Ichupe ja Jae mo omeê raé ndeve ŷ oicoveva.

Juan 4:14

Oimeraêva joŷúva co ŷ Che amboŷú vaerâ gui máramové nda iyŷujéi véi vaerâ. Co ŷ Che amboŷú vaerâ ichupe oi vaerâ pype peteî ŷbu opupu vaerâ pe Tecové iyapyra ŷ vaerâ meguâra.

Juan 6:55

Che roo nico tembiúeté ja Che ruguy pe peŷú vaerâ jaéetéva.

Apostolkuéra 8:36

Ja ojo oguatávo pe tapéreje ja oguajê peteî ŷ oijape ja jei pe Eunuco: Coápe oime ŷ. ¿Ndicatuichenepa che carai?

Romayguakuérape 3:25

Upévape voi Tûpâ Ñandeyára omoingo oporomoñyrôjarâ ramo umi oyeroviávape juguy reje, ojechauca jaguâ jeco marangatújá ja oguero kîrîrîjape ojeya rei pype ñane angaipa ymaguare ojechaguívo.

Efesoyguakuérape 1:7

Ñande Jeseguáva guive yareco ñande repŷjara juguŷ reje, ja ñandepeá jára ñane angaipa gui tuvichaite gui ipyapôrâ.

Colosayguakuérape 1:4

rojendujague reje peyeroviajá Cristo Jesu reje, ja peêcuera pejayjújá opa imarangatúvape,

1 Timotéope 3:16

Ndipori oyuaby vaerâ yae ramo mbae ñemingue ñongatúpyréetévajá co ñambuetéjá Ñandeyárape: Jae oyejechauca jague cuimbaeicha, ja iñeê oñemoañetété pe Espiritu rupi, Jae oyejecha umi yvapegua rupi, ja jerâcuângue oñemombeu umi tetâ ambue rupiguape, oyererovia co ybyari ja uperire oyererojory oñembo tuvichajápe yvape.

Títope 3:5

Jae ñanembojeco marangatu na tembiapo jecopegua ñande yayapo vaecue rejei, ñande poro poriajuverecojá rupinte Jae ñanemopôtí yayajú jaguepe upe ñañemoña ambue jaguepe upe Espiritu Santo ñanembo jeco pyaju yeby jague reje.

hebreoyguakuerape 10:29

¿Na jiâipa peême ipojyive vaerâjá pe iya vaerâ oyepy jaguâ pe opyrû vaecue pe Tûpâ Ñandeyára Rayete reje voi, ja oguereco vaecue mbae tayasu ramo pe tuguy pe teco pyaju omeê jague iñeê rejegua, pe oñemo marangatu jague, ja ogueroŷrô vaecue pe Espiritupe pe ñanembo pyapôrâjarâme.

hebreoyguakuerape 12:24

ja peyúma voi Jesu rendape pe oipaûndyjára pe teco pyaju oñomoñyrôjápepe, ja pe tuguy oñejê vaecuepe, oñeêva mbae ipôrâvéva gui Abel ruguy gui.

hebreoyguakuerape 13:20

Pe Tûpâ Ñandeyára ñanembo pya guapŷjára, Upe omoingove yeby vaecue umi omano vaecue apytegui Ñandeyára Jesús pe,

hebreoyguakuerape 9:14

upeicharamo ¿na ipôrâ vei chepane Cristo ruguy pe oñecuameê vaecue oyupe voi imârâ ŷ reje Tûpâ Ñandeyárape pe Espiritu iyapyra-ŷ-va rupi, naipôrâvei chepane omopôtí jaguâ pende pyapy tembiapo reongue gui, icatu jaguâ peñemboe jecópe Tûpâ Ñandeyára oicovevape.

hebreoyguakuerape 9:7

oikéva opa árape pe tûpâo aoguigua coty tenondévape: pe mocoî cotŷjápe pe pai guasúetéva oiké jaeño peteî yeby peteî roŷpe, ja máramo ndoikei tuguy ŷ reje oicuameê vaerâ oyeje vointe, ja umi ambuecue reje avei, oyeyaby jague reje oicuaa ŷ reje.

1 Pédro 1:2

umi oyeporavo voi vaecue oicuaa jague reje ichupecuera yma voi Tûpâ Ñandeyára pe Tuva ja pe Espiritu omomarangatu jague reje ichupecuera ojenducuaaucá jaguâ iñeê oyejŷpŷi jaguâ Jesu Cristo ruguŷpe. Ta pende pyapôrâ ja ta pende pyaguapy yoa yoa.

1 Pédro 3:21

Upéva voi pe ñande caraíjá yoguajá upe ñañe momarangatúucájá coanga, na oñemboíjá rejéi ñande rete kyacue, ñande pyapy pôtí apyte pôrâ guinte ñande ajôjá reje Tûpâ Ñandeyára reje. Upeicha co ñande caraíjá ñane momarangatúucá Jesu Cristo oicove yeby jague reje,

1 Juan 1:7

Ñande yaico ramo yaicovo ojesapéjápe, Jae oi jaicha ojesapéjápe, ñande yayejeá ñaina oyueje, ja Tayra Jesu Ruguy ñane mopôtí opaichagua angaipa gui.

1 Juan 4:10

Cova pe poraŷju jaetéva ñande yajaŷjú-ŷ-ramo yepe Tûpâ Ñandeyárape, upeicharamo yepe, Jae ñande rayju ñandeve ja ombou Tayrape omoñyrôjarârâ ñane angaipa reje.

Apocalípsis 1:5

ja Jesu Cristo pe yeroviajá pe añetegua oicuaáucájára upeva omano vaecue apytegui oicove yeby ypy vaecue. Jae voi umi mburuvicha guasu ybyarigua Ruvicha guasueteeteveva. Upe ñande rayjúva ñande repy vaecue ñane angaipa gui juguŷteépe voi,

Apocalípsis 5:9

Ja opurajei peteî purajeimi ipyajúva jeivo: Iya Ndeve reipyjŷvo pe cuatia ñeê apacuapyré, ja reipeávo iñapytîjá nde reyeyucá jague reje, ja reyogua jague reje Tûpâ Ñandeyára peguârâ Nde ruguŷetéetépe opaichagua jeŷicuerava, ja opaichagua ñeê rejeveguape, ja opa ybypóra cuérava ja opa tetâ-ŷ-gua rejeguape,

Apocalípsis 7:14

Ja che jae ichupe: Che carai, nde reicuaa pôrâ. Ja jae jei cheve: Coâva umi osê ramôva pe oyejasa asy eté jague gui, ja oyojei vaecue iyaocuera ja omomorôtî vaecue pe Ovecha Raŷ ruguŷpe.