Matéo 9:6 - Ñandeyara Ñe'ẽ

⁶ Ahechaukáta peẽme, che kuimba'éicha aju va'ekue yvy ári arekoha autoridad ko yvy ári aperdona haguã pecado kuéra. Ha upévo he'i pe ijapávape: --Epu'ã, ehupi nde rupa ha tereho nde rógape.

Tûpâ Ñandeyára 1913

⁶ Ja ánga peicuaa jaguâ peê ipuacajá co Caraí Raŷ co ybyari yepe oipea jaguâ angaipa -- upevove jei pe iyapávape: Epuânte, ejupi nde rupá, ja terejó nde rogape.

Ñandejára Ñe’ẽ

⁶ Néi, ahechaukáta peẽme ko'ágã che, yvypóraicha aju vaekue, ikatuha aheja reívo iñangaipa oimeraẽvape ko yvy ári. Ha upévo he'i pe ijapávape: —Epu'ã. Ehupi nde rupa ha tereho nde rógape.

Ñandejara Ñe’ẽ ✟

⁶ Néi, ahechaukáta peẽme ko'ágã che, yvypóraicha aju vaekue, ikatuha aheja reívo iñangaipa oimeraẽvape ko yvy ári. Ha upévo he'i pe ijapávape: —Epu'ã. Ehupi nde rupa ha tereho nde rógape.

Ñanderuete Ñe’ẽ Porã 2015

⁶ Peikuaa hag̃ua yvyarigua Ra’y oguerekoha pu’aka ko yvy ári operdona hag̃ua angaipa, he’i avei pe hete kuruchĩmbávape: Epu’ã, ejapyhy nde rupa, ha tereho nde rógape.

Matéo 9:6 Referencias Cruzadas

Matéo 4:24

Ha herakuã opa rupi Síriape, ha ojereru ichupe opaichagua hasýva, ha oguerekóva opaichagua mba'asy ha tasy, ha umi mba'epochy poguýpe oikóva ha itarováva ha ijapáva. Ha Jesús omonguerapa.

Matéo 8:20

Jesús katu he'i ichupe: --Aguara kuéra oguereko ikeha, ha guyra kuéra oguereko hupa, che kuimba'éicha aju va'ekue yvy ári katu ndarekói mamópa amombytu'u haguã che akã.

Matéo 9:2

Upépe ojereru ichupe tupápe peteĩ ijapáva. Ha ohechávo Jesús ha'e kuéra ojeroviaha hese he'i pe hasývape: --Evy'áke che ra'y, nde pecado kuéra oñeperdonáma.

Matéo 9:5

¿Mba'épa nda hasyive ja'e ko kuimba'épe: “Nde pecado kuéra oñeperdonáma”, terãpa ja'e: “Epu'ã ha eguata”?

Matéo 9:7

Upérõ pe ijapa va'ekue opu'ã ha oho hógape.

Márcos 2:10

Peikuaa haguã che, kuimba'éicha aju va'ekue, arekoha autoridad yvy ári aperdona haguã pecado, he'i pe ijapávape:

Márcos 2:7

“¿Mba'érehe piko kóva péicha oñe'ẽ? He'i'ỹ vaerã niko he'i. ¿Máva piko ikatu operdona ñande pecado? Peteĩ añó mante, Tupã Ñandejára.”

Lúcas 5:21

Umi Ñandejára ley rehe oporombo'éva ha fariseo kuéra katu he'i ipy'apýpe kuéra: “¿Máva piko ko kuimba'e he'íva he'i'ỹ vaerã? Avave ndaikatúi operdona pecado kuéra, Tupã Ñandejára añoite mante.”

Juan 10:28

Che ame'ẽ ichupe kuéra tekove tapia guarã, ha noñehundi chéne maramove, ha avave ndoipe'ái chéne che pógui.

Juan 17:2

Nde niko reme'ẽ va'ekue pu'aka nde Ra'ýpe opa yvypóra kuéra rehe, ome'ẽ haguã tekove tapia guarã opa umi ichupe reme'ẽ va'ekuépe.

Juan 5:27

ha ome'ẽ ichupe autoridad oporojuzga haguã, ha'e Kuimba'e Ra'ýicha yvy ári ou hague rehe.

Juan 5:8

Jesús he'i ichupe: --Epu'ã, ehupi nde rupa ha tereho.

Apostolkuéra 5:31

Upévape Tupã Ñandejára omoĩ yvate, ijakatúa koty, Príncipe ha Salvador ramo, ija haguã Israel retãme oñearrepenti ohupity haguã perdón ipecádo kuéragui.

Apostolkuéra 9:34

Ha Pedro he'i ichupe: --Eneas, Jesucristo ne monguera. Epu'ã ha emyatyrõ nde rupa. Ha upévove opu'ã,

2 Corintoyguakuérape 2:10

Ha upe peẽ peperdonávape, che avei aperdona; ha pe che aperdonáva, oime ramo mba'e aperdona va'ekue, pende rayhupápe aperdona Cristo renondépe,

2 Corintoyguakuérape 5:20

Upéva rehe rojejokuái Cristo rérape, Tupã Ñandejára ete voi ojerure ramo guáicha ore rupi; rojerure peẽme Cristo rérape: peiko porã jevy haguã Tupã Ñandejára ndive.

Efesoyguakuérape 4:32

Ta pende py'aporã uvei oñondive, ha pejoporiahuvereko ha peñoperdona, pe Tupã Ñandejára pene perdona haguéicha Cristo rupi.

Colosayguakuérape 3:13

Pene paciencia kena ojuehe kuéra ha peñoperdona, oime ramo ipochýva ambue ndive. Pe Cristo pene perdona haguéicha, peperdona avei peẽ.