Matéo 8:4 - Ñandeyara Ñe'ẽ

⁴ Ha Jesús he'i ichupe: --Ma'ẽ, aníke remombe'u avavépe; tereho uvei ejehechauka pa'ípe, ha eme'ẽ Ñandejárape pe Moisés he'i va'ekue oñeme'ẽ va'erãha, ojehecha haguã rekueramaha.

Tûpâ Ñandeyára 1913

⁴ Upei catu jei ichupe Jesús: Maêke! Anike remombeu avavépe! Terejónte, eyejechauca pe paípe, ja eicuameê pe Moises oguerúrucá vaecue, oyecuaáucá jaguâ opávape co ne resâimbámajá.

Ñandejára Ñe’ẽ

⁴ Ha Jesús he'i chupe: —Aníke emombe'u avavépe. Tereho uvei ejehechauka pa'ípe, ha eikuave'ẽ Ñandejárape umi mba'e Moisés he'i vaekue oñekuave'ẽ vaerãha, ojehecha haguã rekueramaha.

Ñandejara Ñe’ẽ ✟

⁴ Ha Jesús he'i chupe: —Aníke emombe'u avavépe. Tereho uvei ejehechauka pa'ípe, ha eikuave'ẽ Ñandejárape umi mba'e Moisés he'i vaekue oñekuave'ẽ vaerãha, ojehecha haguã rekueramaha.

Ñanderuete Ñe’ẽ Porã 2015

⁴ Ha Hesu he’i ichupe: Ema’ẽ, aníke remombe’u avavépe, terehónte ha ejehechauka pa’ípe, ha eme’ẽ pe kuave’ẽmby Moises he’iva’ekue oñeme’ẽva’erãha, ojekuaa hag̃ua rekueramaha.

Matéo 8:4 Referencias Cruzadas

Matéo 10:18

ha pende reraha vaerã avei gobernador ha mburuvicha guasu kuéra renondépe che réra rehe, che kuaauka haguã peẽ ichupe kuéra ha umi Israelita'ỹvape.

Matéo 16:20

Upérõ Jesús he'i hemimbo'e kuérape ani haguã omombe'u avavépe ha'eha pe Cristo.

Matéo 17:9

Oguejývo hikuái pe cérrogui Jesús he'i ichupe kuéra: --Ani pemombe'u avavépe ko pehecha va'ekue oikove jevy peve umi omano va'ekue apytégui che kuimba'éicha aju va'ekue yvy ári.

Matéo 3:15

Jesús katu he'i ichupe: --Marave ndoikói; iporãko jajapopa hekópe Tupã Ñandejára rembiapoukapy. Upémaramo Juan ojapo upéicha.

Matéo 5:17

‘Aníke peimo'ã che aju hague amboyke haguã pe Moisés ley terã umi ñemoñe'ẽhára ombo'e va'ekue; che ndajúi amboykévo, ajapopa haguã hekópente uvei.

Matéo 6:1

‘Aníke pejapo pene rembiapo porã yvypóra kuéra renondépe pejechauka haguã ichupe kuéra. Upéicha pejapo ramo pende Ru oĩva yvágape nombuekoviái chéne peẽme mba'evépe.

Matéo 9:30

Ha okuera hesa kuéra ha ohecha porã. Ha Jesús he'i jevy jevy ichupe kuéra: --Aníke avave oikuaa kóva.

Márcos 13:9

‘Peẽ katu pema'ẽ pende jehe. Pejereraha vaerã concilio rupi, ha sinagoga rupi peñenupã vaerã, ha peñehenói vaerã presidente ha rey kuéra rovake che rehehápe mombe'upyrã ichupe kuéra.

Márcos 3:12

Jesús katu he'i pohýi jevy jevy ichupe kuéra ani haguã oikuaauka mávapa ha'e.

Márcos 5:43

Jesús katu he'i ichupe kuéra ani haguã avavetépe oikuaauka, ha omongarúntema haguã pe mitãkuñáme.

Márcos 6:11

Ha oime ramo pene moguahẽse'ỹva hógape, terã pene renduse'ỹva, pesẽvo upégui peityvyro pe yvytĩmbo pende py rehegua techaukarã ichupe kuéra. Añetehápe ha'e peẽme, pe juicio árape pe castigo ivevuive va'erãha Sodoma ha Gomorrayguápe ichupe kuéragui.

Márcos 7:36

Ha he'i ichupe kuéra ani haguã omombe'u avavépe ha he'ive ramo jepe, upépe katu ha'e kuéra omoherakuãve.

Márcos 8:30

Ha he'i jevy jevy ichupe kuéra ani haguã he'i avavépe upéva hese.

Márcos 9:9

Ha oguejývo ha'e kuéra pe cérrogui, ha'e he'i ichupe kuéra ani haguã omombe'u avavépe pe ohecha va'ekue, pe kuimba'éicha ou va'ekue yvy ári oikove jevy peve umi omano va'ekue apytégui.

Lúcas 17:14

Ha Jesús ohechávo, he'i ichupe kuéra: --Tapeho pejehechauka pa'i kuérape. Ha oho aja okuera hikuái.

Lúcas 21:13

Ha ko'ã mba'e rupi peikuaauka vaerã ichupe kuéra che réra.

Lúcas 4:41

Hetágui osẽ avei mba'epochy osapukaihápe he'íva: --Nde ha'e Tupã Ñandejára Ra'y. Jesús katu okorói umi mba'epochýpe ha ndohejái oñe'ẽ, oikuaágui ha'e kuéra ichupe ha'eha pe Cristo.

Lúcas 5:14

Ha Jesús he'i ichupe ani haguã omombe'u upéva avavépe. Tereho uvei, he'i ichupe, ejechauka pa'ípe ha eme'ẽ ne potĩmbyre rehe Moisés ome'ẽuka va'ekue, tohecha umi gente rekueramaha.

Lúcas 8:56

Túva kuéra katu ohecharamo eterei hikuái; Jesús katu he'i ichupe kuéra ani haguã he'i avavépe upe oiko va'ekue.

Lúcas 9:21

Jesús katu he'i jevy jevy ichupe kuéra ani haguã he'i upéva avavépe.

Juan 5:41

‘Che ndaipotái pe ñemomba'eguasu oúva yvypóragui.

Juan 7:18

Pe ojeheguínte oñe'ẽva oheka ñemomba'eguasu ojupe guarã; pe imbouharépe oñeha'ãva oñemomba'eguasu haguã katu upéva he'i añetegua ha nde'íri japu.

Juan 8:50

Che ndahekái añemomba'eguasu haguã che jupe, oime upéva ohekáva ha ha'e oĩ chendive.