Matéo 8:2 - Ñandeyara Ñe'ẽ

² Ha oñemboja hendápe peteĩ kuimba'e iléprava, ha oñesũ henondépe ha he'i ichupe: --Karai, che monguerase ramo niko ikatu che monguera.

Tûpâ Ñandeyára 1913

² Uperamo sapya ou avei peteî leproso iyaípáva, ja oñesû Ichupe jeivo: Che carai, Nde reipota ramo, Nde puacá che mopôtimba jaguâ.

Ñandejára Ñe’ẽ

² Oñemboja hendápe peteĩ kuimba'e ijaipáva, ha oñesũ henondépe ha he'i chupe: —Che Jára, nde reipotárõ che mongueráne che mba'asýgui.

Ñandejara Ñe’ẽ ✟

² Oñemboja hendápe peteĩ kuimba'e ijaipáva, ha oñesũ henondépe ha he'i chupe: —Che Jára, nde reipotárõ che mongueráne che mba'asýgui.

Ñanderuete Ñe’ẽ Porã 2015

² ha oñemboja hendápe peteĩ iléprava, ha oñesũvo henondépe he’i ichupe: Che Jára, nde reipota ramo, chemopotĩmína.

Matéo 8:2 Referencias Cruzadas

Matéo 10:8

Pemonguera umi ilépravape ha umi hasývape, pemoingove jevy umi omanóvape, pemosẽ mba'epochy. Oñeme'ẽ va'ekue peẽme rei ko pu'aka, peme'ẽ reíke peẽ avei.

Matéo 13:58

Ha Jesús ndojapói upépe heta techapyrã ha'e kuéra ndojeroviáigui hese.

Matéo 14:33

Ha umi oĩ va'ekue pe bárcope upévo oñesũ Jesús renondépe ha he'i ichupe: --Añetete nde ha'e Tupã Ñandejára Ra'y.

Matéo 15:25

Pe kuña katu oguahẽ ha oñesũ henondépe, ha he'i: --¡Karai, che pytyvõmína!

Matéo 18:26

Upémaramo pe tembiguái oñesũ henondépe ha ojerure asy ichupe he'ívo: “Karai, che ra'arõmína, ha ame'ẽmbáta ndéve.”

Matéo 2:11

ha oikévo pe ógape ohecha hikuái pe mitãme isy María ndive. Ha oñesũ ha omomba'eguasu pe mitãme, ha upéi oipe'a ikarameguã ha ome'ẽ ichupe óro, incienso, ha mirra.

Matéo 20:20

Upérõ oñemboja Jesús rendápe Zebedeo ra'y kuéra Jacobo ha Juan sy, imemby kuéra ndive. Ha oñesũ ha'e Jesús renondépe ojerure haguã ichupe peteĩ mba'e.

Matéo 26:6

Jesús oĩ jave Betániape, Simón upe ilépra va'ekue rógape;

Matéo 28:17

Ha ohechávo ichupe ha'e kuéra oñesũ henondépe, oime ramo jepe ogueroviapa'ỹ va'ekue.

Matéo 28:9

Upévo Jesús osẽ ohuvaitĩ ichupe kuéra ha he'i: --Maiteípa. Ha ha'e kuéra oñemboja Jesús rendápe, oñesũ henondépe ha oñañuã ipy,

Matéo 4:9

ha he'i ichupe: --Che ame'ẽmbáta ndéve opa ko'ã mba'e, reñesũ ramo che renondépe ha che momba'eguasu.

Matéo 8:1

Jesús oguejy rire pe cérrogui, heta gente oho hapykuéri.

Matéo 8:25

Upérõ hemimbo'e kuéra omombáy ichupe ha he'i: --¡Ore Jára, ore salvamína! ¡Ja'yguy niko ñaína!

Matéo 9:18

Jesús he'i aja ichupe kuéra ko'ã mba'e, oguahẽ peteĩ sinagoga pegua mburuvicha ha oñesũ henondépe, ha he'i ichupe: --Omano ramoite niko che rajy; ejúna emoĩmi nde po hi'ári toikove jevy.

Lúcas 4:27

Oĩ va'ekue avei heta iléprava Israélpe ñemoñe'ẽhára Eliseo rekovépe, opáichavo, mavavéva ha'e kuérava noñemonguerái va'ekue, Naamán Siriaygua añoite mante.

Juan 9:38

Upéramo pe kuimba'e oñesũ Jesús renondépe ha he'i ichupe: --Ajerovia, che Jára.

Apostolkuéra 10:14

Pedro katu ombohovái ha he'i: --Mba'evéicharamo, che Jára, araka'eve che nda'úvai mba'eve iky'áva terã ipotĩ'ỹva.

Apostolkuéra 10:25

Ha oguahẽvo Pedro osẽ Cornelio ohuvaitĩvo ichupe ha oñesũ henondépe omomba'eguasu haguã ichupe.

1 Corintoyguakuérape 14:25

Ha upéicha umi mba'e ipy'apýpe oñemíva, hesakãta ha ha'e oñesũta omomba'eguasu Tupã Ñandejárape ha he'íta Tupã Ñandejára oiha añete pende apytépe.

Apocalípsis 19:10

Ha che añesũ pe ángel renondépe aadora haguã ichupe, ha'e katu he'i chéve: --Aníke rejapo upéicha, che niko Tupã Ñandejára rembiguáinte avei nde ha ne hermano kuéra Jesús ñe'ẽ rehe ojeroviáva ndive. Eadora Tupã Ñandejárape. Umi Tupã Ñandejára rérape oñemoñe'ẽva niko oikuaauka pe Jesús ñe'ẽ.