Matéo 6:1 - Ñandeyara Ñe'ẽ

¹ ‘Aníke pejapo pene rembiapo porã yvypóra kuéra renondépe pejechauka haguã ichupe kuéra. Upéicha pejapo ramo pende Ru oĩva yvágape nombuekoviái chéne peẽme mba'evépe.

Tûpâ Ñandeyára 1913

¹ Pemaêteke ani moa peyapo pene rembiapo jecopegua caraí cuera resápe peyejechauca potávo ichupecuera. Upeicharamo, nda pejupityichene pende reco cue repŷ pende Ru yvagape oivagui.

Ñandejára Ñe’ẽ

¹ Pejapóvo oimeraẽ mba'e Tupãme pemomba'e guasu haguã ani pejapo opavave rovake pejechauka haguã. Upéicha pejapo ramo pende Ru oĩva yvágape nomyengoviái chéne peẽme mba'evépe.

Ñandejara Ñe’ẽ ✟

¹ Pejapóvo oimeraẽ mba'e Tupãme pemomba'e guasu haguã ani pejapo opavave rovake pejechauka haguã. Upéicha pejapo ramo pende Ru oĩva yvágape nomyengoviái chéne peẽme mba'evépe.

Ñanderuete Ñe’ẽ Porã 2015

¹ Peñeñangarekóke ani hag̃ua pejapo pene rembiapo porã pende rapichakuéra renondépe, pejehechauka hag̃uánte ichupekuéra, péicha avei ani peme’ẽ pirapire imboriahúvape pejehechauka hag̃uánte, péicha ramo Ñanderuete yvágape oĩva ndohepyme’ẽmo’ãvéima peẽme pene rembiapo porã repykue.

Matéo 6:1 Referencias Cruzadas

Matéo 16:27

Pe kuimba'éicha ou va'ekue yvy ári ou vaerã Túva gloria reheve ha hi'ángel kuéra ndive, ha upérõ ombyekovia vaerã peteĩ teĩme hembiapokue rehe.

Matéo 16:6

Upérõ Jesús he'i ichupe kuéra: --Pema'ẽke ha peñeñangareko umi fariseo ha saduceo kuéra levadúragui.

Matéo 23:13

‘¡Angái peẽ mbo'ehára ha fariseo kuéra rova mokõi! Pembotýva pe reino yvága pegua rokẽ ani haguã ambue kuéra oike, ha peẽ voi ndapeikéiri ha ndapehejái oike umi oikesévape.

Matéo 23:5

Ha opa umi mba'e ojapóva tembiecharãnte ojapo. Omoĩ isyva ha ijyva kuéra rehe vakapi ipyporãvévape Tupã Ñandejára ñe'ẽ mbykymi, ha ombopukuve ijao jeguaha.

Matéo 25:40

Ha pe Rey he'i vaerã ichupe kuéra: “Añetehápe ha'e peẽme, upe pejapo va'ekue peteĩva ko'ã che ryvy kuéra michĩvéva rehe, che rehe voi pejapo.”

Matéo 5:16

Upéicha avei tapehesape peẽ yvypóra renondépe, ohecha haguã pe pene rembiapo porãngue, ha tomomba'eguasu pende Rúpe oĩva yvágape.

Matéo 5:46

Peẽ pehayhu ramo umi pende rayhúvapente, ¿piko mba'e oñembuekoviáta peẽme upéva rehe? ¿Ndojapói piko upéicha avei umi impuesto cobraha kuéra?

Matéo 5:48

Peẽ pende py'aporãiteve vaerã, pe pende Ru yvága pegua ipy'aporã háicha avei.

Matéo 6:16

‘Ha peayuna jave, ani peñembohovasy umi hova mokõivaicha; ha'e kuéra niko ojapo upéicha ojehechauka haguã oayunaha. Añete ha'e peẽme, upéichape oñembyekoviamaha ichupe kuéra.

Matéo 6:9

Upéva rehe peñembo'e peẽ kóicha: Ore Ru reiméva yvágape, toñemomarangatu nde réra.

Márcos 8:15

Ha Jesús he'i ichupe kuéra: --Pema'ẽke, ha peñeñangareko fariseo kuéra ha Herodes levadúragui.

Lúcas 11:35

Ema'ẽke, upéicharamo, anítei tesapeha rangue oĩ nde pype pytũ uvei.

Lúcas 12:1

Upe aja oñembyaty umi gente heta eterei, ha opyrũmba ojuehe. Ha oñepyrũ Jesús he'i hemimbo'e kuérape raẽ: --Peñeñangarekóke fariseo kuéra levadúragui, upéva ko tovamokõi.

Lúcas 12:15

He'i avei ichupe kuéra: --Pema'ẽke ha peñeñangarekóke opaichagua mba'e pota potavégui; pe kuimba'e rekovekue ko noĩri umi imba'erereko heta rehe.

Lúcas 16:15

Ha Jesús he'i ichupe kuéra: --Peẽ peñemboheko marangatu pende jupe yvypóra kuéra resápe; opáichavo Tupã Ñandejára oikuaa pende py'apy; ha kuimba'e kuéra apytépe ojererekóva mba'e guasu ramo, mba'e tayasu Tupã Ñandejára resa renondépe.

Juan 12:43

Ohayhuvégui pe ñemomba'eguasu yvypóragui oúva, pe ñemomba'eguasu Tupã Ñandejára gui oúvagui.

Juan 5:44

¿Mba'éicha piko ikatúta perovia peẽ peñomomba'eguasu ramo peẽ oñondive, ha napemomba'éi pe ñemomba'eguasu oúva pe Tupã Ñandejára ha'eñoiténte añetévagui?

Apostolkuéra 3:12

Ohechávo upéa Pedro, he'i pe tetãygua kuérape: --Kuimba'e kuéra Israel pegua, ¿mba'e rehe piko pehecharamo kóva? Terã ¿mba'e rehe pejesareko ore rehe ore romboguatárõ guáicha kóvape ore pu'akakue terã ore reko marangatu rupi?

Galaciayguakuérape 6:12

Umi oñemoĩporãséva yvypóra rekópe, umíva pende circuncidaukase katuete, ani haguã ha'e kuéra ojepersegui pe ñe'ẽ Cristo kurusu rehegua rehe.

hebreoyguakuerape 11:26

omomba'eguasuvégui pe ñembohory ojehasáva Cristo rayhupápe, oguerekopa rangue umi riquezaita Egipto pegua, oikuaágui Tupã Ñandejára ombyekovia va'erãha ichupe.

hebreoyguakuerape 2:1

Upéva rehe, tekotevẽ jajepy'amongeta porã umi mba'e ñahendu va'ekue rehe ani haguã ñasẽ pe tapégui.

hebreoyguakuerape 6:10

Tupã Ñandejára ojapóva opa mba'e hekopete, nda hesarái chéne umi mba'e peẽ pejapo va'ekuégui ha pe mborayhu ichupe guarã pehechauka va'ekuégui peipytyvõ pype ñane hermano kuérape, upe pejapo haguéicha ha pejapo háicha gueteri.

2 Juan 1:8

Peñeñangarekóke ichugui kuéra ani haguã oñehundi pe pene rembiapokue repy, ta pehupity uvei pe hepykue hekopete.