Matéo 5:9 - Ñandeyara Ñe'ẽ

⁹ ‘Ovy'a vaerã umi oporomoingo porãva, oñembohéra vaerã rehe ichupe kuéra Tupã Ñandejára ra'y.

Tûpâ Ñandeyára 1913

⁹ Jeco marangatu vaerâ umi oporomoñyrôva, jéra vaerâ ichupecuera: Tûpâ Ñandeyára ray cuera.

Ñandejára Ñe’ẽ

⁹ Ovy'a vaerã umi oporomoingo porãva, Tupã oguerekóta chupe kuéra ita'ýra ha itajýra ramo.

Ñandejara Ñe’ẽ ✟

⁹ Ovy'a vaerã umi oporomoingo porãva, Tupã oguerekóta chupe kuéra ita'ýra ha itajýra ramo.

Ñanderuete Ñe’ẽ Porã 2015

⁹ Ipy’a rory umi ombopy’aguapýva umi oñorãirõvape, ha’ekuéra oñemboherava’erã Ñanderuete ra’ykuéra.

Matéo 5:9 Referencias Cruzadas

Matéo 5:45

peiko haguã pende Ru yvágape oĩva ra'y ramo: ha'e niko omosẽ ikuarahy iñañáva ha imarangatúva peguarã, ha omongy imarangatúva ha imarangatu'ỹva peguarã.

Matéo 5:48

Peẽ pende py'aporãiteve vaerã, pe pende Ru yvága pegua ipy'aporã háicha avei.

Lúcas 20:36

ndaikatuvéiguima omano, ha'e kuéra ángel kuéraichama, ha Tupã Ñandejára ra'y kuéra, oikove jevy hague rehe.

Lúcas 6:35

Peẽ katu pehayhu vaerã umi pende rehe ija'e'ỹvape, ha pejapo vaerã iporãva, ha peiporuka peha'arõ'ỹ rehe ichugui kuéra mba'eve. Ha hetavépe hekovia vaerã peẽme, ha pejerereko vaerã Tupã Yvatetegua ra'y ramo; ha'e niko ipy'aporã umi ohechakuaa'ỹva ha iñañáva ndive.

Apostolkuéra 7:26

Upeha ára ambuépe Moisés ojuhu mokõi Israelítape oñorairõ hikuái oñondive, ha omoingo porãségui he'i ichupe kuéra: “Peẽ niko ojoryvy, ¿mba'ére piko peñorairõ oñondive?”

Romayguakuérape 12:18

Peñeha'ãmbaite ikatuha peve peiko porã haguã opavave ndive.

Romayguakuérape 8:14

Opa umi oisambyhývape Tupã Ñandejára Espíritu umíva Tupã Ñandejára ra'y.

Romayguakuérape 8:16

Ha pe Espíritu ete voi niko ñande py'apýpe oikuaauka ñandéve Tupã Ñandejára ra'yha ñande.

Romayguakuérape 8:19

Ko mundo Tupã Ñandejára rembiapokue oha'arõ asy umi Tupã Ñandejára ra'y ojekuaauka va'erãha ára.

1 Corintoyguakuérape 6:6

¿Tekotevẽ piko hermano kuéra oñodemanda umi juez Jesús rehe ojerovia'ỹva renondépe?

2 Corintoyguakuérape 13:11

Ha ipaharã, che ryvy kuéra, ta pevy'aite mante, ta pene marangatuete, ta peñombopy'a pytu'u, ta peiko peteĩ py'ápe, ta pende py'aguapy ha pe Tupã mborayhu ha py'aguapy Jára oĩ vaerã penendive.

2 Corintoyguakuérape 5:20

Upéva rehe rojejokuái Cristo rérape, Tupã Ñandejára ete voi ojerure ramo guáicha ore rupi; rojerure peẽme Cristo rérape: peiko porã jevy haguã Tupã Ñandejára ndive.

Galaciayguakuérape 5:22

Pe Espíritugui katu ou mborayhu, vy'a, py'aguapy, paciencia, py'aporã, mba'eporã, jeroviaha,

Efesoyguakuérape 4:1

Upéva rehe, che aiméva aína preso Ñandejára rayhupápe, ajerure peẽme ta peiko peiko vaerã háicha peẽ Tupã Ñandejára ohenói va'ekue.

Filipoyguakuérape 4:2

Ajerure Evódiape, ha Síntiquepe avei, toñembopy'apeteĩ oñondive Ñandejára rérape.

Colosayguakuérape 3:13

Pene paciencia kena ojuehe kuéra ha peñoperdona, oime ramo ipochýva ambue ndive. Pe Cristo pene perdona haguéicha, peperdona avei peẽ.

hebreoyguakuerape 12:14

Peñeha'ã peiko porã opavave ndive ha peñemboheko marangatu, pe teko marangatu'ỹ rehe avave ndohecha va'erãi Ñandejárape.