Matéo 5:16 - Ñandeyara Ñe'ẽ

¹⁶ Upéicha avei tapehesape peẽ yvypóra renondépe, ohecha haguã pe pene rembiapo porãngue, ha tomomba'eguasu pende Rúpe oĩva yvágape.

Tûpâ Ñandeyára 1913

¹⁶ Upeicha avei tojesâcâ co pende reco endŷ umi ybypóra renondepe, icatu jaguâ ojecha pene rembiapó pôrâ, ja icatu jaguâ upeagui ombueté pende Ru yvape oivape.

Ñandejára Ñe’ẽ

¹⁶ Péicha aveíke, peñeha'ã peẽ pehesape opavave renondépe. Ha ha'e kuéra ohechávo pene rembiapo porãngue, omomba'e guasúta pende Ru, yvágape oĩvape.

Ñandejara Ñe’ẽ ✟

¹⁶ Péicha aveíke, peñeha'ã peẽ pehesape opavave renondépe. Ha ha'e kuéra ohechávo pene rembiapo porãngue, omomba'e guasúta pende Ru, yvágape oĩvape.

Ñanderuete Ñe’ẽ Porã 2015

¹⁶ Péicha tohesape avei pende resape pende rapichakuéra apytépe, ohecha hag̃ua hikuái pene rembiapo porã ha omomba’eguasu hag̃ua pende Ruetépe oĩva yvagakuérape.

Matéo 5:16 Referencias Cruzadas

Matéo 23:5

Ha opa umi mba'e ojapóva tembiecharãnte ojapo. Omoĩ isyva ha ijyva kuéra rehe vakapi ipyporãvévape Tupã Ñandejára ñe'ẽ mbykymi, ha ombopukuve ijao jeguaha.

Matéo 23:9

Ha ani pembohéra pende ru avavépe ko yvy ári, peteĩ añóntegui pende Ru upe yvágape oĩva.

Matéo 5:45

peiko haguã pende Ru yvágape oĩva ra'y ramo: ha'e niko omosẽ ikuarahy iñañáva ha imarangatúva peguarã, ha omongy imarangatúva ha imarangatu'ỹva peguarã.

Matéo 6:16

‘Ha peayuna jave, ani peñembohovasy umi hova mokõivaicha; ha'e kuéra niko ojapo upéicha ojehechauka haguã oayunaha. Añete ha'e peẽme, upéichape oñembyekoviamaha ichupe kuéra.

Matéo 6:9

Upéva rehe peñembo'e peẽ kóicha: Ore Ru reiméva yvágape, toñemomarangatu nde réra.

Matéo 9:8

Umi gente ohechávo upéva okyhyje, ha omomba'eguasu Tupã Ñandejárape ome'ẽ haguére pu'aka tuichaitéva yvypóra kuérape.

Lúcas 11:2

Ha Jesús he'i ichupe kuéra: --Peñembo'e jave peje: Ore Ru reiméva yvágape, toñemomarangatu nde réra. Tou ne reino. Tojejapo ne rembipota, yvága peguáicha yvy ári avei.

Juan 15:8

Pe ombohéra guasúva che Rúpe niko pe peẽ ta pende'a heta ha upéicha tapeiko añetehápe che remimbo'e ramo.

Apostolkuéra 9:36

Oĩ va'ekue upérõ Jópepe peteĩ Jesús remimbo'e hérava Tabita, Dorcas griego ñe'ẽme. Upéva kuñatai imba'eporãva ha oipytyvõva oikotevẽvape.

1 Corintoyguakuérape 14:25

Ha upéicha umi mba'e ipy'apýpe oñemíva, hesakãta ha ha'e oñesũta omomba'eguasu Tupã Ñandejárape ha he'íta Tupã Ñandejára oiha añete pende apytépe.

2 Corintoyguakuérape 9:13

Ko pejapóva rupi ha'e kuéra omomba'eguasúta Tupã Ñandejárape, ohecha rehe pene ñe'ẽrenduha pe Cristo evangéliope, ha na pene rakate'ỹi rehe pe colecta pejapóvape ichupe kuéra ha opavavépe guarã.

Galaciayguakuérape 1:24

Ha omomba'eguasu Tupã Ñandejárape che rehe.

Efesoyguakuérape 2:10

Tupã Ñandejára niko ñande apohare; ha ñande apo va'ekue ñane mopeteĩvo Cristo Jesús ndive ñañemohembiapo haguã tembiapo porãme ha'e voi ombosako'íma ja'ekue jajapo haguã.

Efesoyguakuérape 5:8

Yma peẽ peiko va'ekue pytũnguýpe, ko'ãga katu. Ñandejára ndive peikóma tesapehápe; peiko aipóramo tesapehápe guáicha,

1 Tesalonicayguakuérape 2:12

rojerure va'ekue peẽme peiko haguã oiko vaerã háicha umi Tupã Ñandejára reheguáva, upe Tupã Ñandejára pene renóĩva iréino tee ha iglóriape.

1 Timotéope 2:10

toñembojegua uvei tembiapo porãme, iporã háicha oiko kuña kuéra Tupã Ñandejára rembijokuáiva.

1 Timotéope 5:10

Tojekuaa hembiapo porãngue rehe, omongakuaápa raka'e imemby kuéra, omoguahẽpa raka'e mbohupa hógape, ombojepyheipa raka'e umi Jesús rehe ojeroviáva kuérape, oipytyvõpa raka'e umi ohasa asývape, terã ojapópa raka'e oimeraẽva ambue tembiapo porã.

1 Timotéope 5:25

Upéicha avei pe tembiapo porã ojekuaa, ha oime ramo ojekuaa'ỹva, ndaikatúi opyta tapia ñemiháme.

1 Timotéope 6:18

Ere ichupe kuéra tojapo pe iporãva, ta imba'eta tembiapo porãme, tome'ẽ ha tomboja'o pe oguerekóva.

Títope 2:14

Ha'e ome'ẽ va'ekue hekove ñande rayhupápe, ñande pe'a haguã opa mba'e ivaívagui ha ñane mopotĩ haguã imba'e teerã, hakate'ỹva tembiapo porã rehe.

Títope 2:7

ha nde voi eiko ichupe kuéra techaukaha ramo opa mba'épe. Pe reporombo'évape tekotevẽ ne añete ha reme'ẽkuaa ne renda nde jupe,

Títope 3:14

Ha umi ñande rehegua kuéra toñemohembiapokuaa iporãvarãme ha toporopytyvõ tekotevẽhápe hembiapokue jekuaa haguã.

Títope 3:4

Tupã Ñandejára ñande Salvador ohechaukáma ramo ñandéve ipy'aporã ha imborayhuha yvypóra kuéra peguarã katu,

hebreoyguakuerape 10:24

Ha ñañopytyvõ vaerã jajoayhu ha jajapo haguã pe iporãva.

1 Pédro 2:12

Peikokuaákena umi Tupã Ñandejárape oikuaa'ỹva apytépe. Upéicharamo ha'e kuéra, ko'ãga oñe'ẽ ramo jepe pende rehe mba'e vai apoha rehe ramo guáicha, ohechakuaa vaerã pe pene rembiapo porãngue ha omomba'eguasu vaerã Tupã Ñandejárape ha'e ou ha'ára.

1 Pédro 2:9

Peẽ katu ñemoñare poravo pyre, yvága pegua Rey pa'i kuéra, tetã marangatu, Tupã Ñandejára mba'e kuéra. Ha upéva pemoherakuã haguã pe Tupã Ñandejára rembiapo kuéra porãita, pe pene renói va'ekue pesẽ haguã pytũnguýgui ha peike haguã pe ha'e oporohesapeha porãite asýpe.

1 Pédro 3:1

Upéicha avei, peẽ tembireko, peñemoĩ pene ména ñe'ẽme, oiméramo oguerovia'ỹva pe Ñandejára ñe'ẽ, ikatu haguã oguerovia ñe'ẽ'ỹ rehe pe hembireko reko porã rupi,

1 Pédro 3:16

Peikókena pereko haguãicha py'apypotĩ otĩ haguã umi oñe'ẽ vaíva pende reko porãngue rehe pejerovia rehe Cristo rehe.

1 Pédro 4:11

Oiméramo oñe'ẽva, pe iñe'ẽ taha'e Tupã Ñandejára ñe'ẽicha. Oiméramo oporopytyvõva tojapo pe Tupã Ñandejára ojapoukakuaa haguéicha ichupe. Ha opa mba'e ojejapóva, taha'e oñemomba'eguasu haguã Tupã Ñandejárape Jesucristo rupi. Imba'e niko pe ñemomba'eguasu ha pu'akapa tapia guarã. Amén.

1 Pédro 4:14

Pejeja'o ramo Cristo réra rehe pevy'a vaerã, pe Tupã Ñandejára gloria ha Ijespíritu oĩgui penendive. Ha'e kuéra oñe'ẽ vai hese, peẽ katu pemomba'eguasu ichupe.