Matéo 11:10 - Ñandeyara Ñe'ẽ

¹⁰ Juan rehe niko pe Tupã Ñandejára Kuatiañe'ẽ he'i: Che amondo che rembijokuái ne renonderã, ombosako'i haguã nde raperã.

Tûpâ Ñandeyára 1913

¹⁰ Cova voí pe oyee jague Santa Escriturape: Maéke! Che ambou Che remimboupe Ne renondepe omyatyrô vaerâ Nde raperâ Ne renonde.

Ñandejára Ñe’ẽ

¹⁰ Juan rehe niko Ñandejára Ñe'ẽme he'i: “Che amondo che ñe'ẽ rerahaha ne renonderã, ombosako'i haguã ndéve nde raperã.”

Ñandejara Ñe’ẽ ✟

¹⁰ Juan rehe niko Ñandejára Ñe'ẽme he'i: “Che amondo che ñe'ẽ rerahaha ne renonderã, ombosako'i haguã ndéve nde raperã.”

Ñanderuete Ñe’ẽ Porã 2015

¹⁰ Hese ojehai kuatiañe’ẽme: Péina, amondo che ñe’ẽ rerahahára ne renonderãme ombosako’i hag̃ua ne raperã, (Malaquías 3,1).

Matéo 11:10 Referencias Cruzadas

Matéo 11:11

Añetehápe ha'e peẽme, yvypóra kuéra apytépe, máramo ndaipóri hague mba'eguasuvéva Juan Bautístagui, opáichavo, pe michĩvéva pe reino yvága peguápe mba'eguasuve ichugui.

Matéo 11:3

oporandu haguã ichupe: --¿Nde piko ha'e hína pe Cristo ou vaerã ra'e, terãpa oime ambue roha'arõ vaerã?

Matéo 3:3

Ko Juan rehe niko ñemoñe'ẽhára Isaías oñe'ẽ va'ekue omoĩ ramo kuatia rehe kóicha: Oñehendu peteĩ osapukáiva desiértope: “Pemyatyrõ pe Ñandejára raperã, pejapo ichupe guarã tape ikarẽ'ỹva.”

Márcos 1:2

He'i háicha ñemoñe'ẽhára Isaías kuatiañe'ẽme: Péinako amondo che rembijokuái ne renonderã, Ombosako'i haguã nde raperã;

Lúcas 1:76

Ha nde, che ra'y, reñembohérata pe Yvatetegua ñemoñe'ẽhára; rehótagui Ñandejára renonderã, rembosako'i haguã ichupe haperã;

Juan 1:23

Juan he'i ichupe kuéra: --Che ha'e peteĩ osapukáiva desiértope ñe'ẽ: “Pejapo tape ikarẽ'ỹva Ñandejára peguarã”, he'i haguéicha ñemoñe'ẽhára Isaías.