Lúcas 6:35 - Ñandeyara Ñe'ẽ

³⁵ Peẽ katu pehayhu vaerã umi pende rehe ija'e'ỹvape, ha pejapo vaerã iporãva, ha peiporuka peha'arõ'ỹ rehe ichugui kuéra mba'eve. Ha hetavépe hekovia vaerã peẽme, ha pejerereko vaerã Tupã Yvatetegua ra'y ramo; ha'e niko ipy'aporã umi ohechakuaa'ỹva ha iñañáva ndive.

Tûpâ Ñandeyára 1913

³⁵ Pejayjúnte, upeicharamo, umi pene ñamotareŷvape, ja peyapo pôrâ ja peiporuca ichupecuera máramo pepoívo pende yerovíajague gui, ja oimene oñembo jecovia vaerâ tuvicha peême, ja peê peñemoingo vaerâ upe Yvateitevéva ray cuera ramo. Upéva voí imbae pôrâva umi tecove otîŷvape yepe ja umi jeco vaívape yepe.

Ñandejára Ñe’ẽ

³⁵ Pehayhu vaerã pende rayhu'ỹvape, ha pejapo iporãva ha peiporuka peha'arõ'ỹre mba'eve hekovia. Upéicharõ, tuicha mba'épe oñemyengoviáne peẽme, ha peẽ Tupã Yvatetegua ra'ýne, ipy'a porãva avei umi ohecha kuaáva ha heko añáva ndive.

Ñandejara Ñe’ẽ ✟

³⁵ Pehayhu vaerã pende rayhu'ỹvape, ha pejapo iporãva ha peiporuka peha'arõ'ỹre mba'eve hekovia. Upéicharõ, tuicha mba'épe oñemyengoviáne peẽme, ha peẽ Tupã Yvatetegua ra'ýne, ipy'a porãva avei umi ohecha kuaáva ha heko añáva ndive.

Ñanderuete Ñe’ẽ Porã 2015

³⁵ Pehayhu katu penderehe ija’e’ỹvape, ha pejapo mba’eporã ichupekuéra g̃uarã, ha peiporuka ichupekuéra peha’ãrõ jevy’ỹre mba’eve, ha pehupityva’erã mba’e tuicháva ha oikóta pendehegui Yvatevéva ra’ykuéra, Ha’e voi ipy’a porã avei umi oagradece’ỹva ha umi iñañáva ndive.

Lúcas 6:35 Referencias Cruzadas

Matéo 5:9

‘Ovy'a vaerã umi oporomoingo porãva, oñembohéra vaerã rehe ichupe kuéra Tupã Ñandejára ra'y.

Márcos 5:7

Ha osapukái hatã he'ívo: --Jesús, Tupã Ñandejára pe Yvatetegua Ra'y, ¿mba'épa rereko chendive? Ajerure ndéve Tupã Ñandejára rérape anínatei che moangekói.

Lúcas 1:32

Ha'e mba'e guasúta; ha oñembohérata pe Yvatetegua Ra'y; ha Tupã Ñandejára omboguapýta ichupe rey ramo túva ypykue Davídpeicha;

Lúcas 6:36

Pende py'aporiahuverekókena peẽ, pe pende Ru yvága pegua ipy'aporiahuvereko háicha avei.

Juan 13:35

Pejuayhu ramo, opavave ohechakuaa vaerã peẽ che remimbo'eha.

Juan 15:8

Pe ombohéra guasúva che Rúpe niko pe peẽ ta pende'a heta ha upéicha tapeiko añetehápe che remimbo'e ramo.

Apostolkuéra 14:17

ohechauka tapia ramo jepe ichupe kuéra mávapa ha'e, hembiapo porãme ichupe kuéra. Ha'e ombou ñandéve ama, omoheñói ñandéve ñande kóga, ha ome'ẽ ñandéve mba'eta ja'u vaerã ha ñane mbovy'a vaerã.

2 Corintoyguakuérape 8:9

Peikuaáma niko peẽ pe Ñandejára Jesucristo mborayhu: pende rayhupápe, mba'eta rerekoha ramo jepe ha'e, oñemomboriahu hague pe imboriahukue rupi pene mba'eta haguã peẽ.

2 Timotéope 3:2

Yvypóra kuéra ojupe kuéra guarã añónte vaerã, ha iplata rayhu vaerã, ojejapo ha ijuruguasu vaerã. Oñe'ẽ ky'a vaerã Tupã Ñandejára rehe, na iñe'ẽrendúi vaerã túva kuérape, ha idesagradecido ndoroapói vaerã mba'eve ramo.