Lúcas 3:8 - Ñandeyara Ñe'ẽ

⁸ Peñemboheko porãke, tojekuaa peñearrepentiha, ha ani peje pende py'apýpe: “Ore Abraham ra'y kuéra”; che ha'e peẽme Tupã Ñandejára ikatuha ko'ã itágui jepe omopu'ã Abrahámpe ta'ýra kuerarã.

Tûpâ Ñandeyára 1913

⁸ Peñe mbojecopôrâ catu, upeicharamo, iyájaicha umi oñembyasŷ pôrâva rejeguápe, ja ani peñypyrú peye pende pyápe voínte: Oime yareco ñande ru ypycue ramo pe Abraampe. Che voí jae peême Tûpâ Ñandeyára icatujá omoñemoña coa itá gui yepe taŷra cuera Abraam peguârâ.

Ñandejára Ñe’ẽ

⁸ Peikóke ojehecha porã haguã pende rehe pejevyha Ñandejára gotyo, ha ani peiko peje: ‘Ore niko Abraham ñemoñare’, ha peimo'ã ndojehu mo'ãiha peẽme mba'eve. Cháke ha'e peẽme, Tupã ikatuha ko'ã itágui jepe ojapo Abrahámpe iñemoñarerã.

Ñandejara Ñe’ẽ ✟

⁸ Peikóke ojehecha porã haguã pende rehe pejevyha Ñandejára gotyo, ha ani peiko peje: ‘Ore niko Abraham ñemoñare’, ha peimo'ã ndojehu mo'ãiha peẽme mba'eve. Cháke ha'e peẽme, Tupã ikatuha ko'ã itágui jepe ojapo Abrahámpe iñemoñarerã.

Ñanderuete Ñe’ẽ Porã 2015

⁸ Pehechauka pende a (rembiapo porã) porã rupi, peñembyasyha añetehápe peiko vai haguére, ha anítei peñepyrũ peje pendejupe: Ore ru ningo Abraham. Che ningo ha’e voi peẽme Ñanderuete ikatuha omoingo ko’ã itágui jepe Abraham ra’yrãnguéra.

Lúcas 3:8 Referencias Cruzadas

Matéo 21:43

Upéva rehe che ha'e peẽme, Tupã Ñandejára oipe'ataha pe iréino pende hegui ha ome'ẽtaha umi ome'ẽ va'erãme ichupe pe mba'e mono'õmbyre imba'erãva.

Matéo 3:8

Peikóke ojehechakuaa haguãicha pende rehe peñearrepenti hague añetehápe,

Matéo 3:9

ha ani peje pende py'apýpe: “Oréko Abraham ra'y kuéra”; che ha'e peẽme, Tupã Ñandejára ikatuha ko'ã itágui jepe omopu'ã Abrahámpe ta'yrarã.

Lúcas 13:25

Pe óga jára opu'ã rire omboty pe okẽ, peẽ okápe peiméva, pembota vaerã pe okẽ ha peje vaerã: “Karai, eipe'ána oréve”, ha'e katu he'i vaerã peẽme: “Ndapoikuaái ha ndaikuaái mamoguápa peẽ.”

Lúcas 13:26

Upépe peñepyrũ vaerã peje: “Nendive niko rokaru ha roy'u va'ekue, ha ore cállepe niko reporombo'e va'ekue.”

Lúcas 14:9

ha oúvo pe pene convida va'ekue, he'i ndéve: “Eme'ẽ nde guapyha kóvape,” ha ñemotĩ reheve reho reguapy pe guapyha ipaha peguápe.

Lúcas 19:40

Ha Jesús he'i ichupe kuéra: --Ha'e peẽme ko'ãva okirirĩ ramo, ita kuéra jepe osapukái va'erãha.

Lúcas 19:9

Jesús he'i ichupe: --Ko árape oguahẽ pe salvación ko ógape; ko kuimba'e Abraham ra'y hague rehe avei.

Lúcas 5:21

Umi Ñandejára ley rehe oporombo'éva ha fariseo kuéra katu he'i ipy'apýpe kuéra: “¿Máva piko ko kuimba'e he'íva he'i'ỹ vaerã? Avave ndaikatúi operdona pecado kuéra, Tupã Ñandejára añoite mante.”

Juan 8:33

Ha'e kuéra ombohovái ichupe ha he'i: --Ore Abraham ñemoñare, ha araka'eve ndoroikói va'ekue avave rembiguái ramo. ¿Mba'éicha katu piko nde ere rosẽtaha tembiguái rekógui?

Juan 8:39

Ha'e kuéra ombohovái ha he'i Jesúspe: --Abraham ha'e ore ru. Jesús katu he'i ichupe kuéra: --Peẽ Abraham ñemoñare rire añete, pejapo vaerã mo'ã pe ha'e ojapo haguéicha.

Apostolkuéra 26:20

ha aikuaauka uvei pe ñe'ẽ umi oĩ va'ekue Damáscope raẽvetépe, upéi katu Jerusalén pegua kuérape ha opárupi Judéape ha umi Israelita'ỹvape avei, ha'évo ichupe kuéra oñearrepenti ha ojevy haguã Tupã Ñandejára rendápe, ha hembiapo kuéra rupi tohechauka oñearrepenti hague.

Romayguakuérape 4:16

Upéva rehe jerovia rupínte, pe promesa iñañete haguã opa Abraham ra'y kuérape, Tupã Ñandejára remime'ẽ reínte haguã imborayhu rupi. Upéicharamo, pe promesa ndaha'éi umi iñe'ẽrendúva peguarã añó pe léype, umi ojeroviáva Abraham ojerovia haguéicha peguarã avei. Ha'e niko opavave ñande kuéra ru,

Romayguakuérape 9:7

Nda opa Abraham ñemoñare Abraham ra'y, Tupã Ñandejára he'i va'ekue Abrahámpe: “Isaac rupi ne ñemoñare vaerã.”

Filipoyguakuérape 1:11

ta pene renyhẽ Jesucristo rupi pe teko marangatu rehegua mba'e porãitágui omomba'eguasu vaerã Tupã Ñandejárape.