Lúcas 3:11 - Ñandeyara Ñe'ẽ

¹¹ Ha Juan he'i ichupe kuéra: --Pe icamisa mokõiva tome'ẽ peteĩ pe oguereko'ỹvape; ha pe oguerekóva ho'u vaerã tojapo upéicha avei.

Tûpâ Ñandeyára 1913

¹¹ Ja jae jei ichupecuera: Oime ramo oguerecova mocoî ao tomeê peteî pe oguerecoŷvape, ja oime ramo oguerecova joú vaerâ toyapo upeicha avei.

Ñandejára Ñe’ẽ

¹¹ Ha Juan he'i chupe kuéra: ijao mokõiva, tome'ẽ peteĩ pe oguereko'ỹvape. Ha pe hembi'úva, toñomboja'o hapicha oguereko'ỹva ndive.

Ñandejara Ñe’ẽ ✟

¹¹ Ha Juan he'i chupe kuéra: ijao mokõiva, tome'ẽ peteĩ pe oguereko'ỹvape. Ha pe hembi'úva, toñomboja'o hapicha oguereko'ỹva ndive.

Ñanderuete Ñe’ẽ Porã 2015

¹¹ Juan ombohovái ichupekuéra ha he’i: Upe icamisa mokõiva tome’ẽ oguereko’ỹvape, ha upe hembi’úva, tome’ẽ upe oguereko’ỹvape.

Lúcas 3:11 Referencias Cruzadas

Matéo 25:40

Ha pe Rey he'i vaerã ichupe kuéra: “Añetehápe ha'e peẽme, upe pejapo va'ekue peteĩva ko'ã che ryvy kuéra michĩvéva rehe, che rehe voi pejapo.”

Lúcas 11:41

Upéva rehe peme'ẽ tupãmba'e pe ipype oĩvagui, ha upéicharamo ipotĩmba vaerã opa mba'e peẽme.

Lúcas 18:22

Jesús ohendúvo upéva, he'i ichupe: --Ofalta gueteri ndéve peteĩ mba'e; eñemumba rerekóva rehe ha eme'ẽ hepykue mboriahu kuérape, ha upéicharamo rerekóta mba'eta yvágape, ha eju che moirũ.

Lúcas 19:8

Zaqueo katu opu'ã oñembo'y ha he'i Ñandejára Jesucrístope: --Péina ápe, Che Jára, amboja'óta mbyte rupi arekóva guive ha ame'ẽta mboriahu kuérape, ha oime ramo mávagui aipe'a rei va'ekue, ambuekoviáta ichupe irundy jevyve.

Juan 13:29

Judas niko oñangareko pe vosa plata ryru rehe, upéicha rupi oime oimo'ã va'ekue Jesús he'i hague ichupe ojogua haguã pe oikotevẽtava pe areterã, terã ome'ẽ haguã tupãmba'e mboriahu kuérape.

Apostolkuéra 10:2

Ha'e ha hogaygua kuéra omomba'eguasúva ha ombojeroviáva Tupã Ñandejárape, ome'ẽva avei heta tupãmba'e ha oñembo'e tapiáva Tupã Ñandejárape.

Apostolkuéra 10:31

ha he'i chéve: “Cornelio, Ñandejára ohendu ne ñembo'e ha imandu'a umi mba'e rejapo va'ekue rehe reipytyvõ haguã umi oikotevẽvape.

Apostolkuéra 10:4

Ha Cornelio opyta ojesareko pe ángel rehe kyhyje pópe ha oporandu ichupe, he'ívo: --¿Mba'e piko, Karai? Ha pe ángel he'i ichupe: --Ne ñembo'e ha ne tupãmba'e kuéra oguahẽ Tupã Ñandejára rendápe mandu'arã nde rehe.

Efesoyguakuérape 4:28

Pe imonda va'ekue, anive omonda ha toñemoĩ tomba'apo, tojapo tembiapo porã ipo rupi ikatu haguã oguereko ome'ẽ vaerã umi oikotevẽvape.

1 Timotéope 6:17

Umi oguerekóvape mba'eta ko yvy ári ere ani haguã ojejapo terã ojerovia imba'eta rehe, ndaha'éi rehe jeroviaha umíva. Tojerovia uvei pe Tupã Ñandejára oikovéva rehe, upe ome'ẽmbáva ñandéve opa mba'eta javy'a haguã.

1 Timotéope 6:18

Ere ichupe kuéra tojapo pe iporãva, ta imba'eta tembiapo porãme, tome'ẽ ha tomboja'o pe oguerekóva.

hebreoyguakuerape 6:10

Tupã Ñandejára ojapóva opa mba'e hekopete, nda hesarái chéne umi mba'e peẽ pejapo va'ekuégui ha pe mborayhu ichupe guarã pehechauka va'ekuégui peipytyvõ pype ñane hermano kuérape, upe pejapo haguéicha ha pejapo háicha gueteri.

Tiágo 1:27

Pe religión añetetéva ha potĩva Tupã Ñandejára ñande Ru renondépe, niko kóva: jajehu umi ityre'ỹvape ha umi viúdape ohasa asy jave, ha ñañeñangareko mba'e vai ko mundo peguágui.

Tiágo 2:14

Che ryvy kuéra, ¿maerã piko iporã oime ramo he'íva ojeroviaha ha ndojapói mba'eve iporãva? ¿Ikatu piko upe jerovia upéva osalva ichupe?

1 Juan 3:17

Pe oguerekóva upe hekotevẽrã ha ohecháva pe iñehermano ndoguerekoiha, ha ndoiporiahuverekóiri ichupe, ¿mba'éichapa ikatúne he'i pe Tupã Ñandejára mborayhu oiha ipype?

1 Juan 4:20

Oime ramo he'íva: “Che ahayhu Tupã Ñandejárape”, ha ndaija'éi ave iñehermano rehe, ijapu. Pe ohayhu'ỹva iñehermano ohechávape, ¿piko mba'éicha ohayhúta Tupã Ñandejára ha'e ohecha'ỹvape?