Lúcas 24:44 - Ñandeyara Ñe'ẽ

⁴⁴ Ha upéi he'i ichupe kuéra: --Ko'ãva ha'e hína umi mba'e ha'e va'ekue peẽme aime ramo gueteri penendive, tekotevẽ hague oikopa hekoitépe umi mba'e he'íva che rehe pe Moisés ha ñemoñe'ẽhára kuéra kuatiañe'ẽme ha salmo kuérape.

Tûpâ Ñandeyára 1913

⁴⁴ Ja Jae jei ichupecuera: Cóva voí umi ñeêngue Che jae vaecue peême aime pype gueteri pene ndive tecôtevêjá oyeyapopá jecópe umi mbae oyee vaecue Chejegui Moises cuatiápe ja umi oñemoñeêjara ymaguare cuatiápe ja umi Salmope pe Santa Escritura peguape.

Ñandejára Ñe’ẽ

⁴⁴ Upéi katu he'i: --Pe ojehu vaekue chéve niko, pe ha'e vaekue peẽme aimérõ gueteri pene ndive: oiko vaerãha che rehe pe oĩva Moisés rembiapoukapýpe, umi maranduhára kuatiápe ha Salmo kuérape.

Ñandejara Ñe’ẽ ✟

⁴⁴ Upéi katu he'i: --Pe ojehu vaekue chéve niko, pe ha'e vaekue peẽme aimérõ gueteri pene ndive: oiko vaerãha che rehe pe oĩva Moisés rembiapoukapýpe, umi maranduhára kuatiápe ha Salmo kuérape.

Ñanderuete Ñe’ẽ Porã 2015

⁴⁴ Ha Hesu he’i ichupekuéra: Ko’ãva ningo umi ñe’ẽ Che ha’eva’ekue peẽme, aime ramo gueteri penendive, oikopava’erã hekópe opaite umi mba’e ojehaiva’ekue guive cherehe Ñanderuete kuatiañe’ẽme, taha’e Moises rembiapoukapykuérape, profetakuérape térã Salmokuérape.

Lúcas 24:44 Referencias Cruzadas

Matéo 1:22

Opa ko'ã mba'e ojehu va'ekue oiko haguã hekoitépe pe Ñandejára he'i va'ekue ñemoñe'ẽhára rupi;

Matéo 16:21

Upe ára guive Jesucristo oñepyrũ oikuaauka hemimbo'e kuérape ha'e oho va'erãha Jerusalénpe ha ohasa asy heta va'erãha umi karai kuéra, pa'i ruvicha kuéra ha Moisés ley rehe oporombo'éva pópe kuéra. He'i ichupe kuéra ha'e ojejuka va'erãha ha oikove jevy va'erãha mbohapy arahápe.

Matéo 26:54

Ha upéicharamo, ¿piko mba'éicha oikóta pe Tupã Ñandejára Kuatiañe'ẽme he'íva tekotevẽha oiko kóicha?

Matéo 26:56

Ha opa ko'ã mba'e oiko, oikopa haguã umi ñemoñe'ẽhára he'i va'ekue Tupã Ñandejára ñe'ẽme. Upévo hemimbo'e kuéra ohejapa Jesúspe ha'eño ha opoi pýgui hikuái.

Márcos 9:31

Ombo'égui hikóni hemimbo'e kuérape, ha he'i ichupe kuéra: Pe kuimba'éicha ou va'ekue yvy ári oñeme'ẽta kuimba'e kuéra pópe, ha ojukáta hikuái ichupe; ha ojuka rire, mbohapy arahápe oikove jevýta.

Lúcas 21:22

Castigo ára vaerã umíva, oiko haguã hekoitépe pe Tupã Ñandejára Kuatiañe'ẽ Marangatúpe he'íva.

Lúcas 22:37

Ha'éko peẽme tekotevẽha oikopa hekoitépe che rehe pe Tupã Ñandejára Kuatiañe'ẽ Marangatúpe he'íva: “Ojerereko ichupe umi tekove vai peteĩva ramo.” Pe che rehe oje'e va'ekue oikopa vaerã katuetei.

Lúcas 24:46

ha he'i ichupe kuéra: --Upéicha niko he'i pe Cristo omano ha oikove jevy va'erãha omanóva apytégui mbohapy arahápe,

Lúcas 9:22

Ha he'i ichupe kuéra: --Ko kuimba'éicha ou va'ekue yvy ári ohasa asy heta vaerã, ha omomarã vaerã ichupe umi karai kuéra, ha umi pa'i ruvicha ha umi Ñandejára ley rehe oporombo'éva. Ha ojejuka ha oikove jevy vaerã mbohapy arahápe.

Lúcas 9:44

--Pehendu porãke kóva ha ani pende resarái ichugui: che, kuimba'éicha aju va'ekue yvy ári, añeme'ẽta kuimba'e kuéra pópe.

Juan 3:14

Ha Moisés omopu'ã haguéicha yvate pe mbói ra'anga desiértope, upéicha avei pe kuimba'éicha ou va'ekue yvy ári oñemopu'ã vaerã yvate,

Juan 5:39

Peẽ niko peñembo'euka porã pe Tupã Ñandejára Kuatiañe'ẽ rehe, peimo'ãgui ipype pejuhutaha pe tekove tapia guarãva; opáichavo, pe Tupã Ñandejára Kuatiañe'ẽ oñe'ẽ ramo jepe che rehe,

Juan 5:46

Peẽ perovia rire pe Moisés omoĩ va'ekue kuatia rehe, pejerovia vaerã mo'ã avei che rehe, Moisés omoĩgui che rehegua kuatia rehe.

Apostolkuéra 13:33

Ñande iñemoñare kuéra peguarã Tupã Ñandejára ojapo he'i haguéicha omoingove jevýpype Jesúspe, he'i háicha pe Salmo mokõihápe: “Nde ha'e che Ra'y, ko árape che romoñemoña va'ekue.”

Apostolkuéra 13:40

Peñeñangarekókena, aipóramo, anítei ou pende ári umi ñemoñe'ẽhára kuéra omoĩ va'ekue kuatia rehe, he'i ramo guare:

Apostolkuéra 2:27

nderehejái chénegui che ánga umi omano va'ekue oĩháme, ha nderehejái chéne pe ne marangatu retekue oñembyai.

Apostolkuéra 3:18

Opáichavo, pe Tupã Ñandejára omoherakuã va'ekue ymaite guive umi ñemoñe'ẽhára kuéra juru rupi, pe Hemimbou, Cristo, ohasa asy vaerã hague, upéicha ojapo.

Apostolkuéra 7:37

Upe Moisés ete voi he'i va'ekue umi Israel pegua kuérape: “Tupã Ñandejára omopu'ã vaerã peẽme peteĩ ñemoñe'ẽhára pende ryvy kuéra apytégui che mopu'ã haguéicha chéve. Pehendúke iñe'ẽ.”

hebreoyguakuerape 10:1

Pe Moisés ley niko umi mba'e porãita ou vaerã va'ekue joguahánte, ha ndaha'éi pe ha'etéva voi. Upéva rehe, pe ley máramo ndaikatúi omomarangatu hekopete umi oguahẽ va'ekuépe Tupã Ñandejára rendápe animal jukapyre reheve jevy jevy cada añó.

hebreoyguakuerape 3:5

Moisés niko, ojapopa va'ekue hekópe hembiapo Tupã Ñandejára rogaygua kuéra apytépe tembijokuáicha, oikuauka haguã umi mba'e Tupã Ñandejára he'íta va'ekue uperire.

hebreoyguakuerape 7:1

Upe Melquisedec Salem pegua rey va'ekue ha Tupã Ñandejára yvatetegua pa'i. Abraham ou jevy ramo guare oñorairõ ha omosarambipa rire umi rey kuérape, Melquisedec osẽ va'ekue ohuvaitĩ ha ohovasa ichupe,

hebreoyguakuerape 9:8

Ha umi mba'e rupi pe Espíritu Santo ñane mbo'e ndaikatúi gueteri hague ñaguahẽ pe Tenda Imarangatuvévape oĩ aja pe Tenda Marangatu tenonderã guare.

1 Pédro 1:11

Pe Cristo Espíritu oĩ va'ekue umi ñemoñe'ẽhárape, oikuaauka tenonderã va'ekue ichupe kuéra pe Cristo jehasa asyrã ha pe vy'a tuichaitéva uperire guarã; ha ha'e kuéra oñeha'ã va'ekue oikuaa haguã mávanepa pe Cristo ha araka'épa oúta.

Apocalípsis 19:10

Ha che añesũ pe ángel renondépe aadora haguã ichupe, ha'e katu he'i chéve: --Aníke rejapo upéicha, che niko Tupã Ñandejára rembiguáinte avei nde ha ne hermano kuéra Jesús ñe'ẽ rehe ojeroviáva ndive. Eadora Tupã Ñandejárape. Umi Tupã Ñandejára rérape oñemoñe'ẽva niko oikuaauka pe Jesús ñe'ẽ.