Lúcas 21:7 - Ñandeyara Ñe'ẽ

⁷ Ha oporandu hikuái ichupe: --Mbo'ehára, ¿araka'éta piko ko'ã mba'e? ¿Ha mba'e señal piko oĩta ko'ã mba'e ojehútama ramo?

Tûpâ Ñandeyára 1913

⁷ Ja jaecuera oporandu Ichupe jeivo: Ore poromboejára ¿aracae vaerâpa cova? ¿ja mbaépa oime vaerâ jechapyrâ oico ramo guârâ âmbae?

Ñandejára Ñe’ẽ

⁷ Aipórõ oporandu chupe hikuái: --Mbo'ehára, mba'éicha piko rohecha kuaáta oguahẽmaha ára oiko potaha umi eréva?

Ñandejara Ñe’ẽ ✟

⁷ Aipórõ oporandu chupe hikuái: --Mbo'ehára, mba'éicha piko rohecha kuaáta oguahẽmaha ára oiko potaha umi eréva?

Ñanderuete Ñe’ẽ Porã 2015

⁷ Upémaramo oporandu hikuái Hesúpe: Araka’épa ko’ã mba’e oikóta, ha mba’eichagua señálpa ojehúta oiko hag̃ua ko’ã mba’e.

Lúcas 21:7 Referencias Cruzadas

Matéo 24:3

Upérõ oho hikuái pe cerro Olivoty héravape, ha oguapy jave hína Jesús upépe, hemimbo'e kuéra oho he'i ichupe ñemiháme: --Roipota niko ere oréve araka'épa ojehúta ko'ã mba'e. ¿Mba'erupípa roikuaáta reju aguĩmaha ha opatamaha ko mundo?

Márcos 13:14

‘Pehecha vove pe ñemotie'ỹ tuicháva he'i haguéicha profeta Daniel, oĩtava pe oĩ'ỹ haguãme, --pe oleéva toikuaa--, umi oĩva Judéape tokañy cerro rupi;

Lúcas 21:32

‘Añetehápe ha'e peẽme, ndohasái chéne haguã ko ñemoñare kóva oikopa mboyve ko'ã mba'e.

Lúcas 21:6

--Ko'ã mba'e pejesarekoha, ha'e peẽme, oguahẽ va'erãha ára ha ndopytái vaerã ita ojo'ári, ojeitypa'ỹ vaerã.

Lúcas 21:8

Ha Jesús he'i ichupe kuéra: --Pema'ẽke, ha ani peñembotavyka. Heta ou vaerã che rérape he'íva: “Che ko pe Cristo”; ha, “Ko'ãga pe ára.” Aníke peho hapykuéri kuéra.