Lúcas 14:13 - Ñandeyara Ñe'ẽ

¹³ Upéva rangue, rejapo ramo karu guasu, econvida uvei mboriahu kuérape, umi ijyva'ỹvape, ikarẽvape, ohecha'ỹvape;

Tûpâ Ñandeyára 1913

¹³ Upea rângue nde reyapo ramo caru guasu ejenôiucá umi mboriajupe cuera ja umi ipo ŷ vape ja umi ipy carêvape ja umi jesapyso ŷ vape cuera.

Ñandejára Ñe’ẽ

¹³ Rejapo ramo karu guasu, ejerure uvei oho haguã upe karuhápe umi imboriahúvape, umi oĩmba'ỹva ha iñepãvape, umi ohecha'ỹvape,

Ñandejara Ñe’ẽ ✟

¹³ Rejapo ramo karu guasu, ejerure uvei oho haguã upe karuhápe umi imboriahúvape, umi oĩmba'ỹva ha iñepãvape, umi ohecha'ỹvape,

Ñanderuete Ñe’ẽ Porã 2015

¹³ Rejapo ramo karuguasu, ehenoiuka uvei mboriahukuérape, ijyva’ỹvape, ikarẽvape, hesatũvape.

Lúcas 14:13 Referencias Cruzadas

Matéo 15:30

Ha heta gente oguahẽ hendápe, ha ogueru ondive kuéra umi ikarẽva, ohecha'ỹva, iñe'ẽngúva, oĩmba'ỹva ha heta ambue kuéra hasývape, ha omoĩ joa hikuái Jesús renondépe, ha ha'e omonguerapa.

Matéo 22:10

Umi tembiguái osẽ umi tape rupi ha ombyatypa opa ojuhúvape, ivaíva ha imarangatúvape; ha upéicha pe ogapy henyhẽmba géntegui pe mendarã.

Lúcas 11:41

Upéva rehe peme'ẽ tupãmba'e pe ipype oĩvagui, ha upéicharamo ipotĩmba vaerã opa mba'e peẽme.

Lúcas 14:12

He'i avei pe iconvidaharépe: --Rejapo ramo karu guasu, árape terã pyhare, ani reconvida nde rayhupára kuérape, terã nde ryvy kuérape, terã nde rehegua kuérape, terã nde róga ypy pegua kuéra imba'e rerekohetávape; ani ha'e kuéra ne convida avei, ha oñembyekovia ndéve.

Lúcas 14:14

ha revy'a eterei vaerã, umíva ndoguerekói ombyekovia haguã ndéve; opáichavo, oñembyekovia vaerã ndéve umi imarangatúva oikove jevyha árape omano va'ekue apytégui.

Lúcas 14:21

Ha ou jevývo pe tembijokuái, oikuaauka ko'ã mba'e pe óga járape. Ha ipochy pe óga jára ha he'i pe hembijokuáipe: “Pya'e tereho ko ciudad pegua calle ha tape po'i rupi, ha eru ko'ápe umi mboriahu, ha ijyva'ỹva, ikarẽva ha ohecha'ỹva.”

Apostolkuéra 9:39

Ha opu'ã Pedro ha oho hendive kuéra. Ha oguahẽ rire ogueraha hikuái ichupe pe koty pe tetekue oĩháme, ha umi viuda oupa Pedro rendápe, ha jahe'ohápe ohechauka ichupe umi ao ha ahoja Dorcas ojapo va'ekue hekovépe.

1 Timotéope 3:2

Upéva rehe, pe obispo tekotevẽ oiko oñeñe'ẽ vai'ỹ haguãicha hese. Peteĩnte vaerã hembireko, oñeñangarekokuaa vaerã, tojererekokuaa, ta ikaraiguasu, ta imbohupakuaa ha toporombo'ekuaa.

1 Timotéope 5:10

Tojekuaa hembiapo porãngue rehe, omongakuaápa raka'e imemby kuéra, omoguahẽpa raka'e mbohupa hógape, ombojepyheipa raka'e umi Jesús rehe ojeroviáva kuérape, oipytyvõpa raka'e umi ohasa asývape, terã ojapópa raka'e oimeraẽva ambue tembiapo porã.

Títope 1:8

Umíva rangue, ikyre'ỹ tapia vaerã omoguahẽ haguã hógape umi okarayguápe, imba'eporã vaerã, iñakãporã vaerã, hekopotĩ vaerã, imarangatu ha ojererekokuaa vaerã.

Filemónpe 1:7

Rovy'a eterei ha ore kyre'ỹ ne mborayhu rupi, che ryvy, nde rupi niko umi Jesús rehe ojeroviáva ipy'apytu'u.

hebreoyguakuerape 13:2

Ani pende resarái pemoguahẽ va'erãha mbohupa pende rógape, upéicha ojapóvo oime omoguahẽ va'ekue ángel kuérape oikuaa'ỹ rehe.