Lúcas 12:5 - Ñandeyara Ñe'ẽ

⁵ Pombo'éta mávaguipa pekyhyje vaerã: Pekyhyje upe ikatúvagui oipe'a pende rekove, ha uperire ipu'akáva oporoity haguã Aña retãme; hẽe, che ha'e peẽme, upévagui katu ke pekyhyje.

Tûpâ Ñandeyára 1913

⁵ Tamombeumi peême aváguipa peê pekyjŷyé vaerâ. Pekyjŷyéke upe oguerecóva ipópe gui pende yucá jaguâ peême ja uperire avei pende reitŷ jaguâ añaretâme. Añete Che jae peême, upeva catu pe pekyjŷyé jaguâ.

Ñandejára Ñe’ẽ

⁵ Che ha'éta peẽme mávaguipa pekyhyje vaerã: Pekyhyje oporojuka rire ipokatúva oporomondo haguã aña retãme. Upévagui pekyhyje vaerã.

Ñandejara Ñe’ẽ ✟

⁵ Che ha'éta peẽme mávaguipa pekyhyje vaerã: Pekyhyje oporojuka rire ipokatúva oporomondo haguã aña retãme. Upévagui pekyhyje vaerã.

Ñanderuete Ñe’ẽ Porã 2015

⁵ Che katu ahechaukáta peẽme mávaguipa pekyhyjeva’erã: Pekyhyjeva’erã pe oporojuka rire ikatúva oporoity avei aña retãme. Ha añetehápe Che ha’e peẽme pévagui pekyhyje (pekyhyjeva’erã Ñanderuetégui).

Lúcas 12:5 Referencias Cruzadas

Matéo 10:28

Ani pekyhyje umi tete ojukávagui, ha ikatu'ỹva ojuka pene ánga; pekyhyje uvei upe ikatúvagui ohundi pene ánga ha pende rete Aña retãme.

Matéo 25:41

‘Upéi katu pe Rey he'i vaerã umi ijasu peguápe: “Pejei che ypýgui, peẽ peiméva Ñandejára maldición guýpe; tapeho pe tata opave'ỹvape oñembosako'i va'ekue Aña ha hi'ángel kuéra peguarã.

Matéo 25:46

Ha ko'ãva oho vaerã pe castigo opa'ỹ va'erãme, ha umi imba'e porãva katu oho vaerã pe tekove tapia guarãme.

Matéo 5:22

Che katu ha'e peẽme, oimeraẽva ipochy vaíva jepe hapicha ndive ojejuzga vaerã. Oime ramo he'íva ñe'ẽ vai hapichápe ojejuzga vaerã concilio renondépe, ha he'i ramo ichupe, “Nde výro” oĩma ho'a haguãicha Aña retã ratápe.

Márcos 13:23

Pema'ẽke peẽ, pomomarandúma oiko mboyve.

1 Tesalonicayguakuérape 4:6

Aníke avave omongy'a terã ombotavy iñehermánope ko'ã mba'épe, Ñandejára oporonupãgui opa ko'ã mba'e rehe, ro'éma haguéicha peẽme ha pomomarandúma haguéicha.

hebreoyguakuerape 10:31

¡Mba'e kyhyjeha vaerã ja'a ramo pe Tupã Ñandejára oikovéva pópe!

2 Pédro 2:4

Ángel kuéra opeca ramo Tupã Ñandejára noperdonái va'ekue ichupe kuéra, oity va'ekue uvei ichupe kuéra Aña retãme ha oheja pytũnguýpe, ñeñapytĩháme cadénape oha'arõ haguã juicio ára.

Apocalípsis 14:7

Ha hatã he'i: --Pekyhyjéke Tupã Ñandejára gui ha pemomba'eguasúke ichupe, oguahẽmagui pe oporojuzga haguã ára; ha pemomba'eguasu pe ojapo va'ekuépe yvága ha yvy, pe mar ha umi yvu kuéra.

Apocalípsis 15:4

¿Mávapa ndokyhyjéi chéne nde hegui Ñandejára? ¿mávapa na ne momba'eguasúi chéne? Nde añoite niko ne marangatu, ha ou vaerã opa tetã nguéra ha ne momba'eguasu vaerã, ojehecha hague rehe ne rembiapo kuéra hekopeteha.

Apocalípsis 20:14

Ha pe mano voi, ha umi omanóva oiha, ojeity pe lago tataguiguápe. Upe lago tataguigua ha'e pe mano mokõi jevyha,