Lúcas 11:41 - Ñandeyara Ñe'ẽ

⁴¹ Upéva rehe peme'ẽ tupãmba'e pe ipype oĩvagui, ha upéicharamo ipotĩmba vaerã opa mba'e peẽme.

Tûpâ Ñandeyára 1913

⁴¹ Upeicharamo yepe, pemeê ramo tûpâmbaerâ pe pendepype oiva, ipôtímba vaerâ opambae peême.

Ñandejára Ñe’ẽ

⁴¹ Peme'ẽ pene tupãmba'e pende py'aite guive, ha upéicharõ opa mba'e ipotĩta.

Ñandejara Ñe’ẽ ✟

⁴¹ Peme'ẽ pene tupãmba'e pende py'aite guive, ha upéicharõ opa mba'e ipotĩta.

Ñanderuete Ñe’ẽ Porã 2015

⁴¹ Peme’ẽ katu pende pirapire mboriahukuérape py’aporã reheve, ha pende py’apy iporã ramo opaite pene rembiapo pejapóva guive pende rete rupi iporãmbáta avei.

Lúcas 11:41 Referencias Cruzadas

Matéo 26:11

Mboriahu kuérape niko pereko tapia pende apytépe, chéve katu nda che rereko tapia mo'ãi penendive.

Matéo 5:42

Pe ojeruréva ndévepe eme'ẽ, ha ani reme'ẽ nde atukupe pe oiporuséva nde heguípe.

Márcos 7:19

Ndoikéigui ipy'apýpe, hyépente oikégui, ha ojeity ñemiháme. Upéicha he'i opaichagua tembi'u ipotĩha.

Lúcas 12:33

Peñemu umi mba'e perekóva rehe, ha peme'ẽ tupãmba'e; pejapo pende jupe guarã vosa ituja'ỹva, mba'eta opa'ỹ vaerã ñongatupy yvágape, mondaha ikatu'ỹháme oike, ha ao raso ikatu'ỹháme ombyai.

Lúcas 16:9

‘Ha che ha'e peẽme: Pejapo pene amigorã umi mba'erepyeta ko yvy arigua vai rupi, opa ramo guarã pende hegui, pereko haguã pende rerohory vaerã pe óga tapia guarãme.

Lúcas 18:22

Jesús ohendúvo upéva, he'i ichupe: --Ofalta gueteri ndéve peteĩ mba'e; eñemumba rerekóva rehe ha eme'ẽ hepykue mboriahu kuérape, ha upéicharamo rerekóta mba'eta yvágape, ha eju che moirũ.

Lúcas 19:8

Zaqueo katu opu'ã oñembo'y ha he'i Ñandejára Jesucrístope: --Péina ápe, Che Jára, amboja'óta mbyte rupi arekóva guive ha ame'ẽta mboriahu kuérape, ha oime ramo mávagui aipe'a rei va'ekue, ambuekoviáta ichupe irundy jevyve.

Apostolkuéra 10:15

Ha ohendu jevy pe ñe'ẽ he'íva ichupe: --Pe Tupã Ñandejára omopotĩ va'ekue ani nde ere hese iky'aha.

Apostolkuéra 11:29

Upéva rehe umi Antioquiaygua Jesús rehe ojeroviáva, oguerahauka oguerekomívagui, ikatumi háicha, oipytyvõ haguã umi Judeayguápe.

Apostolkuéra 24:17

‘Are aiko rire ambue henda rupi, aju jevy che retãme ame'ẽ haguã tupãmba'e ha aru haguã che remikuave'ẽ.

2 Corintoyguakuérape 8:12

Pe máva añetete ome'ẽséma guive, Tupã Ñandejára oguerohory ome'ẽ ramo pe oguerekomívante, ha'e ndojeruréi pe jareko'ỹva.

Efesoyguakuérape 4:28

Pe imonda va'ekue, anive omonda ha toñemoĩ tomba'apo, tojapo tembiapo porã ipo rupi ikatu haguã oguereko ome'ẽ vaerã umi oikotevẽvape.

Títope 1:15

Umi icorazõ potĩvape opa mba'e ipotĩ; umi oguerovia'ỹva ha ipy'apy ky'áva peguarã katu ndaipóri mba'eve ipotĩva, pe ipy'amongeta ha ipy'apy kuéra iky'águi.

hebreoyguakuerape 13:16

Ha ani pende resarái pejapo haguã pe iporãva ha pemboja'o oñondive kuéra upe perekóvape, umichagua sacrificio ombohorýgui Tupã Ñandejárape.

hebreoyguakuerape 6:10

Tupã Ñandejára ojapóva opa mba'e hekopete, nda hesarái chéne umi mba'e peẽ pejapo va'ekuégui ha pe mborayhu ichupe guarã pehechauka va'ekuégui peipytyvõ pype ñane hermano kuérape, upe pejapo haguéicha ha pejapo háicha gueteri.

Tiágo 1:27

Pe religión añetetéva ha potĩva Tupã Ñandejára ñande Ru renondépe, niko kóva: jajehu umi ityre'ỹvape ha umi viúdape ohasa asy jave, ha ñañeñangareko mba'e vai ko mundo peguágui.