Lúcas 11:13 - Ñandeyara Ñe'ẽ

¹³ Ha peẽ pene ñañáva peme'ẽkuaa ramo mba'e iporãva pende ra'y kuérape, pende Ru yvága peguáma katu ome'ẽ vaerã Espíritu Santo umi ichupe ojerurévape.

Tûpâ Ñandeyára 1913

¹³ Upeicharamo peê pende roco vaíva voí pemeêcuaa ramo pene remimeêmbyré pôrâ pende raŷ cuerape ¿pico ndicatui voívé pende Ru oiva yvape omeê Espiritu Santo umi oyerurévape Ichupe?

Ñandejára Ñe’ẽ

¹³ Peẽ, pene rembiapo vaíva Tupã renondépe, peme'ẽ kuaa ramo iporãva pende ra'y kuérape, ko'yteve pende Ru yvágape oĩva ome'ẽta Espíritu Santo umi chupe ojerurévape.

Ñandejara Ñe’ẽ ✟

¹³ Peẽ, pene rembiapo vaíva Tupã renondépe, peme'ẽ kuaa ramo iporãva pende ra'y kuérape, ko'yteve pende Ru yvágape oĩva ome'ẽta Espíritu Santo umi chupe ojerurévape.

Ñanderuete Ñe’ẽ Porã 2015

¹³ Ha peẽ peneñañáva, peme’ẽkuaa ramo mba’eporãva pende ra’y ha pende rajykuérape, ko’yteve Ñanderuete ome’ẽva’erã katuete pe Pytu Porãva umi ojerurévape ichupe.

Lúcas 11:13 Referencias Cruzadas

Matéo 5:16

Upéicha avei tapehesape peẽ yvypóra renondépe, ohecha haguã pe pene rembiapo porãngue, ha tomomba'eguasu pende Rúpe oĩva yvágape.

Matéo 5:45

peiko haguã pende Ru yvágape oĩva ra'y ramo: ha'e niko omosẽ ikuarahy iñañáva ha imarangatúva peguarã, ha omongy imarangatúva ha imarangatu'ỹva peguarã.

Matéo 6:14

‘Peẽ peperdona ramo umi ojapo vaívape pende rehe, pende Ru oĩva yvágape pene perdona vaerã avei,

Matéo 6:30

Ha Tupã Ñandejára upéicha omonde ramo pe ka'avo ko'ãga oĩva ñúme ha ko'ẽramo ojehapýva tatakuápe, ¡peẽmema katu pene monde vaerã kuimba'e jerovia'i!

Matéo 6:32

Ko'ã mba'e rehe niko oheka yvypóra kuéra, peẽ katu pereko pende Ru yvága pegua oikuaáva mba'épa peikotevẽ.

Matéo 7:11

Peẽ pene ñañáva peme'ẽkuaa ramo mba'e iporãva pende ra'y kuérape, pende Ru yvága peguáma katu ome'ẽ vaerã mba'e iporãva umi ojerurévape ichupe.

Lúcas 11:12

¿Terã ojerure ramo ichupe ryguasu rupi'a, ome'ẽne ichupe japeusa?

Lúcas 11:2

Ha Jesús he'i ichupe kuéra: --Peñembo'e jave peje: Ore Ru reiméva yvágape, toñemomarangatu nde réra. Tou ne reino. Tojejapo ne rembipota, yvága peguáicha yvy ári avei.

Lúcas 18:7

¿Ha piko Tupã Ñandejára ndojapo mo'ãi mba'e hekoite pegua hembiporavo kuérape ojeruréva ichupe ára ha pyharépe? ¿Omoha'arõ arénepa ichupe kuéra?

Juan 4:10

Upérõ Jesús he'i ichupe: --Reikuaa rire pe Tupã Ñandejára ome'ẽva, ha mávapa pe ojeruréva ndéve ý, katuete nde rejerure vaerã mo'ã chéve, ha che ame'ẽ vaerã mo'ã ndéve ý oikovéva.

Apostolkuéra 2:38

Pedro he'i ichupe kuéra: --Peñearrepenti, ha pejebautizauka peteĩ teĩ peẽ kuérava Jesucristo rérape peñemopotĩ haguã pende pecado kuéragui, ha oñeme'ẽ haguã peẽme Espíritu Santo.

Romayguakuérape 5:17

Peteĩ kuimba'e rembiapo vai rupi, opavave opyta va'ekue pe ñemano pu'aka poguýpe, upe haguérema katu peteĩ kuimba'e, Jesucristo, añoite rupi, ipu'aka vaerã pe hekove pyahúpe, umi ohupitýva pe Tupã Ñandejára mborayhu etaite ha pe teko potĩ ha'e ome'ẽva.

Romayguakuérape 7:18

Che aikuaa voi che pype ndaiporiha pe iporãva, ha'ese pe che rekovekue yvypóra reko reheguápe, ajapose ramo jepe pe iporãva ndaikatúi ajapo.

Romayguakuérape 8:32

Tupã Ñandejára na hakate'ỹi va'ekue ñandéve Ta'ýra teete rehe jepe, ome'ẽ va'ekue uvei ichupe omano haguã ñande opavave rehe, ¿mba'éicha piko nome'ẽ mo'ãi avei ñandéve Ta'ýra ndive opa mba'e?

Títope 3:3

Ñande avei niko yma jaiko va'ekue ñañehundi ñande vyrokuépe ha ñane ñe'ẽrendu'ỹme opaichagua mba'e pota ha vy'a rembiguái ramo. Jaiko va'ekue tembiapo vai ha envídiape na ñande a'éimi ñande rapicha kuéra rehe ha ha'e kuéra ndaija'éi ñande rehe.