Lúcas 10:2 - Ñandeyara Ñe'ẽ

² Ha he'i ichupe kuéra: --Heta añete pe ñemitỹngue otyarõmava, imba'apohára kuéra katu mbovy. Upéva rehe pejerure pe kóga Járape tombou mba'apoharã kuéra omono'õ haguã ikóga.

Tûpâ Ñandeyára 1913

² Ja Jae jei ichupecuera: Jeta co temityácue otyarôma añeté; mbobyeté nte umi imbaapojarâ pypé. Upeareje peyerure peê upe temityá yárape tombou imbaapojarâme co temityácue monoô jaguâme.

Ñandejára Ñe’ẽ

² He'i chupe kuéra: “Ajépa tuicha pe kokue ha heta hi'a, omono'õ vaerãnte mbovy. Upévare, pejerure pe kóga járape tombou umi ou vaerãme omono'õ.

Ñandejara Ñe’ẽ ✟

² He'i chupe kuéra: “Ajépa tuicha pe kokue ha heta hi'a, omono'õ vaerãnte mbovy. Upévare, pejerure pe kóga járape tombou umi ou vaerãme omono'õ.

Ñanderuete Ñe’ẽ Porã 2015

² ha he’i ichupekuéra: Añetehápe oĩ heta mba’e ñamono’õ hag̃ua, mbovymi katu oĩ umi omono’õva, upévare pejerure katu pe kokue Járape ombouve hag̃ua umi mono’õhára ikokueguasúpe g̃uarã.

Lúcas 10:2 Referencias Cruzadas

Matéo 20:1

‘Pe reino yvága pegua ojogua peteĩ óga jára osẽ va'ekuépe pyharevete ohekávo omono'õ vaerã ichupe iparral-a.

Márcos 13:34

Ku kuimba'e mombyry oho va'ekuéicha, ohejáva hóga hembiguái kuéra poguýpe ha ome'ẽ peteĩ teĩme hembiaporã, ha okẽ rerekuápe he'i ani haguã oke.

Márcos 16:15

Ha he'i ichupe kuéra: --Tapeho opa rupi ko mundo jerekuévo, ha pemoherakuã ko evangelio opa yvypórape.

Márcos 16:20

Ha ha'e kuéra osẽ oñemoñe'ẽ opa rupi, ha oipytyvõ ichupe kuéra Ñandejára Jesús ha omoañete pe iñe'ẽ nguéra umi techapyrã oikóva rupi. Amén.

Lúcas 9:1

Jesús ombyaty umi doce hemimbo'e kuérape ha ome'ẽ ichupe kuéra pu'aka ha autoridad omosẽ haguã mba'epochy kuérape ha omonguera haguã mba'asy kuéra.

Apostolkuéra 11:19

Ojuka ramo hikuái Estébanpe, oñepyrũ va'ekue avei opersegui ambue kuéra Jesús rehe ojeroviávape, ha oĩ tekotevẽ va'ekue ojehui Fenicia, Chipre ha Antioquía peve. Ha noñe'ẽi evangelio rehe avavépe umi Israelítape añó mante.

Apostolkuéra 13:2

Peteĩ jevy oñembyaty jave hikuái Ñandejára renondépe ha ojapo jave ayuno, Espíritu Santo he'i: --Peheja chéve Bernabé ha Sáulope ojapo haguã pe hembiaporã kuéra che ame'ẽva ichupe kuéra.

Apostolkuéra 13:4

Ha upéicha Espíritu Santo omondo rire ichupe kuéra, Bernabé ha Saulo oho Seléuciape ha upégui ojupi hikuái bárcope ha oho Chíprepe.

Apostolkuéra 20:28

Upéva rehe, peñangareko pende jehe voi ha peñangareko opa umi oñembyatýva rehe, pene moĩ haguépe Espíritu Santo peñangareko haguã umi Ñandejára Jesucristo iglésia pegua rehe, ha'e ojogua va'ekue huguy teete rupi.

Apostolkuéra 22:21

Ñandejára katu he'i chéve: “Tereho katu, romondóta mombyry umi Israelita'ỹva rendápe.”

Apostolkuéra 8:4

Ha umi oñemosarambipa va'ekue Jerusaléngui katu omoherakuã opa ohoha rupi pe salvación rehegua ñe'ẽ.

1 Corintoyguakuérape 12:28

Ha peteĩme Tupã Ñandejára omoĩ va'ekue pe iglésiape, tenonderã apóstol kuéra, upéi katu ñemoñe'ẽhára, upéi mbo'ehára, upéi umi ojapóva milagro, umi omongueráva hasývape, umi oporopytyvõva, umi oporodirigíva ha umi oñe'ẽva ñe'ẽ jaikuaa'ỹvape.

1 Corintoyguakuérape 15:10

Opáichavo, pe Tupã Ñandejára gracia rupi aiko ko aiko háicha; ha pe imborayhu chendive guarã ndopyta reíri; amba'apo hetave uvei katu opavave ichugui kuéra, nda chéi jepe niko, pe Tupã Ñandejára gráciante uvei chendive oĩ va'ekue.

2 Corintoyguakuérape 6:1

Upéva rehe, Tupã Ñandejára pytyvõhára rehe ore, rojerure peẽme ani haguã ndapejapói mba'eve ramo pe Tupã Ñandejára gracia.

Filipoyguakuérape 2:21

opavave niko oheka upe ojupe kuéra guarãvante, ha pe Cristo Jesús mba'éva katu ahániri.

Filipoyguakuérape 2:25

Upéva aja, tekotevẽ amondo peẽme che hermano Epafrodítope, omba'apo va'ekue chendive ha che pytyvõ va'ekue, upe peẽ voi pembou va'ekue che pytyvõ haguã che remikotevẽme;

Filipoyguakuérape 2:30

haimete va'ekue niko omano Cristo rembiapo rehe. Na hakate'ỹi va'ekue hekove tee rehe ojapo haguã rehehápe chéve guarã pe peẽ ikatu'ỹ va'ekue pejapo peimégui mombyry.

Colosayguakuérape 1:29

Upevarã amba'apo aína, añeha'ã mbarete pe pu'aka Cristo ome'ẽva chéve rupi.

Colosayguakuérape 4:12

Pene momaiteiuka Epafras, Cristo rembijokuái, ha'e niko peteĩ peẽ kuérava voi. Ha'e oñembo'e mbarete tapia pende rehe, peime hatã haguã, pene tyarõ ha pejeroviaite ha pejapopa haguã Tupã Ñandejára rembipota.

1 Tesalonicayguakuérape 2:9

Che ryvy kuéra, peẽ niko pene mandu'a mba'éichapa romba'apo ha ore kane'õ va'ekue. Romba'apo va'ekue ára ha pyharépe, ani haguã roñasaingo pende rehe, romoherakuã aja peẽme pe Tupã Ñandejára ñe'ẽ.

1 Tesalonicayguakuérape 5:12

Che ryvy kuéra, rojerure peẽme pejapo haguã mba'éramo umi omba'apóvape pende apytépe, ha pene mohenondéva Ñandejára rérape ha pene rekombo'éva.

2 Tesalonicayguakuérape 3:1

Ha ko'ãga, che ryvy kuéra, peñembo'e ore rehe, ikatu haguã pe Ñandejára ñe'ẽ oñemoherakuã pya'e opa rupi ha tojererovia ha toñemoañete upe ojehu haguéicha pende apytépe.

1 Timotéope 4:10

Upevarã voi niko ñamba'apo ha jahasa asy jeja'ópe, jajeroviágui pe Tupã Ñandejára oikovéva rehe, upe opavave salvahára, umi hese ojeroviáva peguarãma katu.

2 Timotéope 4:5

Nde katu eñemoakã porã tapia, eropu'aka jehasa asy, emoherakuã pe evangelio, ejapopa porã ne rembiapo.

Filemónpe 1:1

Che, Pablo, aiméva aína preso Cristo Jesús rayhupápe, ñande ryvy Timoteo ndive, ajapo ko kuatiañe'ẽ Filemón, ore mba'apo irũ rohayhuetéva,

hebreoyguakuerape 3:6

Cristo katu Tupã Ñandejára Ra'y ramo ojapopa va'ekue hekópe hembiapo Tupã Ñandejára rogaygua kuéra apytépe, ha upe óga niko ñande kuéra hína, ñaime hatã ramo ha jajerovia ramo ipaha peve vy'apópe pe esperanza jarekóva reheve.

Apocalípsis 2:1

Emoĩ ñe'ẽ kuatia rehe pe iglésia Efésope oĩva rembijokuái peguarã: “Péicha he'i pe oguerekóva umi siete estrellas ipo akatúape, ha oikóva umi siete candelero oroguigua mbyte rupi: