Juan 8:44 - Ñandeyara Ñe'ẽ

⁴⁴ Pende ru niko Aña; ha peẽ imba'e, ha pejapose hembipota. Aña niko porojukahára va'ekue iñepyrũha guive, ha ijapu eterei ha ndaiporiete pe añeteguamíva ipype. Oñe'ẽ ramo japu mante he'i; ijapúgui ha japu rúgui voi ha'e.

Tûpâ Ñandeyára 1913

⁴⁴ Peêcuera catu pende rú pe mbaepochy raŷcuera. Ja peê peyapose pe jiâva pende rú pe. Iñypyrúmbŷ guive oporoyuca vaecue voi jae, ja osê meme vaecue pe ñeê jecoitepegua gui nda iyái gui ipype pe jecoitepegua. Iyapú ramo jae, oñeê oyejegui vointe oguecoite gui voí. Iyapú voí jae ja yapú rú jae.

Ñandejára Ñe’ẽ

⁴⁴ Pende ru niko aña. Peẽ imba'e ha peime pejapo haguãicha umi mba'e ha'e ojaposéva. Iñepyrũmby guive voi niko ha'e oporojukáva. Ha'e ndoikuaái añetegua ha nde'íri añeteguáva. Oñe'ẽ ramo ijapu, japúnte oikuaágui, ha japu rapógui voi ha'e.

Ñandejara Ñe’ẽ ✟

⁴⁴ Pende ru niko aña. Peẽ imba'e ha peime pejapo haguãicha umi mba'e ha'e ojaposéva. Iñepyrũmby guive voi niko ha'e oporojukáva. Ha'e ndoikuaái añetegua ha nde'íri añeteguáva. Oñe'ẽ ramo ijapu, japúnte oikuaágui, ha japu rapógui voi ha'e.

Ñanderuete Ñe’ẽ Porã 2015

⁴⁴ Peẽ ningo Satana ra’ykuéra, Satana pende ru ha pejaposénte pende ru rembipota vai. Ha’e ningo oporojuka ñepyrũ guive, ha’e ndoguatái añetegua rapére, ipype ningo noĩri voi pe añetegua. Oñe’ẽ guive ijapu, ipy’apýgui osẽ pe japu, ha’e ningo pe japu ruvicha voi.

Juan 8:44 Referencias Cruzadas

Matéo 12:34

¡Peẽ mbói ñemoñare! ¿Mba'éicha piko ikatúta peje iporãva ko peẽ voi pende vaíva? Pe ñane corazõ omyenyhẽvagui oñe'ẽ ñande juru.

Matéo 13:15

Ko'ã gente corazõ oñemohatãgui ha ohendu vai etereígui, ha ombotýgui hesa kuéra, ani haguã ohecha hesa kuéra rupi terã ohendu ijapysa kuéra rupi, terã oikuaa ipy'apy guive, ha oñembojere ou che rendápe amonguera haguã ichupe kuéra.

Matéo 13:38

ha pe yvy niko ko mundo. Pe mba'e ra'ỹi porã niko umi reino yvága pegua rehegua, ha pe ñana vai katu umi Aña rehegua,

Juan 6:70

Jesús he'i ichupe: --¿Ndapoiporavói piko ra'e che peẽ docevépe? Ha upéicharamo jepe peteĩ peẽva mba'epochy.

Juan 7:17

Pe ojaposéva Tupã Ñandejára rembipota ohechakuaáta pe che aporombo'évapa Tupã Ñandejára mba'e terãpa che añe'ẽ che jeheguínte.

Juan 8:38

Che añe'ẽ aína umi mba'e che Ru ohechauka va'ekue chévegui; peẽ katu pejapo peína pe pende ru he'i va'ekue peẽme.

Juan 8:41

Peẽ niko pejapo pe pende ru ojapo hagueichaite. Upéramo ha'e kuéra he'i ichupe: --Ore ndaha'éi avave ra'y okára; peteĩnte ore ru, upéva Tupã Ñandejára.

Juan 8:55

Peẽ katu ndapeikuaái ichupe. Che katu aikuaa ichupe ha ha'e ramo ndaikuaaiha ichupe che japúta avei pe peẽ pende japu háicha. Che katu añetehápe aikuaa ichupe ha ajapo pe ha'e he'íva.

Apostolkuéra 13:10

ha he'i ichupe: --¡Nde tekove japu, tie'ỹ, Aña ra'y nda'e'ỹva mba'eveichagua iporãva rehe! ¿Mba'e rehepa remokarẽse pe Ñandejára rape ikarẽ'ỹva?

Apostolkuéra 24:9

Umi Israelita oĩ va'ekue upépe he'i avei añeteha opa umi mba'e.

Apostolkuéra 5:3

Ha Pedro he'i ichupe: --Ananías, ¿mba'e rehe piko Satanás omyenyhẽ ne corazõ nembojapu haguã Espíritu Sántope ha remonda haguã pe nde yvy repykuégui?

2 Corintoyguakuérape 11:3

Opáichavo, pe mbói ombotavy haguéicha katupyrype Évape, akyhyje peẽme avei pene mbotavy ramo guarã ha ojei pende py'apýgui pe mborayhu añetete imarã'ỹva peñandúva Cristo rehe.

1 Pédro 5:8

Peikokuaákena ha peñeñangareko pe mba'epochy pene rairõva oiko rehe león okororõvaicha pende jerekuévo oheka mávapepa ho'úta.

2 Pédro 2:4

Ángel kuéra opeca ramo Tupã Ñandejára noperdonái va'ekue ichupe kuéra, oity va'ekue uvei ichupe kuéra Aña retãme ha oheja pytũnguýpe, ñeñapytĩháme cadénape oha'arõ haguã juicio ára.

1 Juan 1:8

Ja'e ramo ndajarekoiha pecado ñañembotavy ñande jupe voi, ha ndaja'éi pe añetegua.

1 Juan 2:21

Amoĩ peẽme ko'ã ñe'ẽ kuatia rehe ndaha'éi peikuaa'ỹgui pe añete, peikuaágui uvei. Peẽ peikuaa mba'eveichagua japu nosẽiha pe añetégui.

1 Juan 2:4

Oime ramo he'íva: “Che aikuaa ichupe”, ha ndojapói pe hembiapoukapy, ijapu ha nde'íri pe añetegua.

1 Juan 3:12

Ha ani Caíncha, Aña mba'e va'ekue ha'e ha ojuka tyvýrape. ¿Ha mba'e rehe piko ojuka? Caín rembiapokue ivaígui, ha tyvýra rembiapokue iporãgui.

1 Juan 3:15

Oimeraẽva ija'e'ỹva iñehermano rehe, porojukahára ha peẽ peikuaa pe porojukahára ndoguerekoiha pe tekove tapia guarãva ipype.

Júdas 1:6

Ha umi ángel kuéra oiko'ỹ va'ekuépe heko ypykuépe ha oheja hóga kuéra yvága pegua, Tupã Ñandejára oguereko preso ñeñapytĩháme tapia guarã pytũnguýpe pe juicio ára guasu ete peguarã.

Apocalípsis 12:9

Ha oñemosẽ yvágagui pe tejujagua guasu, upe mbói ymaiteguare hérava Aña ha Satanás, pe ombotavýva opa yvypóra kuérape. Ha'e ha hi'ángel kuéra oñemombo yvy ári.

Apocalípsis 13:14

Ha umi techaukapyrã rupi ojapóva pe monstruo tenondere renondépe, ombotavy umi yvypóra kuérape ha he'i ichupe kuéra ojapo haguã pe monstruo ra'anga, upe oñekytĩ va'ekue espádape, ha upéicharamo jepe nomanói.

Apocalípsis 2:10

Ani rekyhyje pe rehasa asýtavagui; Aña oitýta cárcelpe peẽ kuéravape pejepy'ara'ã haguã, ha pehasa asýta diez días pukukue. Ejeroviáke remano meve, ha che ame'ẽta ndéve pe tekovete rehegua premio.

Apocalípsis 21:8

Umi ipy'amirĩva, umi oguerovia'ỹva, umi heko ky'áva, umi oporojukáva, umi ojoguerekóva menda'ỹ rehe, umi paje apoha, umi omomba'eguasúva ta'anga, ha opa umi ijapúvape katu, oñemondo vaerã pe lago hendývape tata ha azúfrepe, upéva ha'e pe mano mokõiha.

Apocalípsis 22:15

Umi oguerovia'ỹva, umi paje apoha, umi ojoguerekóva menda'ỹ rehe, umi oporojukáva, umi omomba'eguasúva ta'angápe, ha opa umi ohayhúva ha oikóva japúpe katu opyta vaerã okápe.

Apocalípsis 9:11

Umi tuku kuéra oguereko huvicha pe Aña retã megua ángel hebreo ñe'ẽme hérava Abadón, ha griego ñe'ẽme katu Apolión, he'iséva porombyaihára.