Juan 8:31 - Ñandeyara Ñe'ẽ

³¹ Upéramo Jesús he'i umi Israelita hese ojerovia va'ekuépe: --Peẽ pepyta hatã ramo pe ha'éva peẽmepe, peikóta añetehápe che remimbo'e ramo;

Tûpâ Ñandeyára 1913

³¹ Upegui Jesús jei umi Judiope oyerovia vaecue Jese: Pepytá jâtâ ramo co Che ñeême añetejápe, peê Che remimboe jaetéva.

Ñandejára Ñe’ẽ

³¹ Ha Jesús he'i umi hese ojerovia vaekuépe: --Peẽ pejapo ramo upe che ha'éva peẽme, peẽ che remimbo'e añetéta.

Ñandejara Ñe’ẽ ✟

³¹ Ha Jesús he'i umi hese ojerovia vaekuépe: --Peẽ pejapo ramo upe che ha'éva peẽme, peẽ che remimbo'e añetéta.

Ñanderuete Ñe’ẽ Porã 2015

³¹ Upéramo Hesu he’i umi Judaygua ojerovia ramóvape hese: Peẽ pepyta ramo che ñe’ẽme, añetehápe peẽ che remimbo’ekuéra.

Juan 8:31 Referencias Cruzadas

Matéo 24:13

Pe opyta hatãva ipaha peve katu ojesalva vaerã.

Juan 1:47

Jesús ohechávo Natanaélpe ouha hendápe ohecha haguã ichupe, he'i: --Kóina ápe ou peteĩ Israelita añetetéva, oĩ'ỹva ipype porombotavy.

Juan 2:2

ha oñeconvida avei Jesús ha hemimbo'e kuéra.

Juan 6:55

Che rete tembi'u etégui voi, ha che ruguy mboy'urã ete voi.

Juan 8:36

Pe Ta'ýra pende pe'a ramo pecado poguýgui katu, peẽ añetehápe pene sãso vaerã.

Apostolkuéra 13:43

Ha oje'oipa rire umi oñembyaty va'ekue pe sinagógape, heta umi Israelita kuérava ha tetã ambuegua ojerovia va'ekue hekopete Tupã Ñandejára rehe omoirũ Pablo ha Barnabépe, ha ha'e kuéra oñemoñe'ẽ ichupe kuéra ojerovia tapia haguã Tupã Ñandejára mborayhu rehe.

Apostolkuéra 14:22

Ha omombarete umi Jesús rehe ojerovia va'ekuépe, ha oñemoñe'ẽ ichupe kuéra opyta hatã haguã pe ijeroviápe, ha he'i ichupe kuéra jahasa asy heta raẽ va'erãha jaike mboyve Tupã Ñandejára réinope.

Apostolkuéra 26:22

Opáichavo, Tupã Ñandejára che pytyvõ rupi aime hatã ko'ãga peve, ha aikuaauka pe iñe'ẽ opavavépe, michĩva ha tuichávape. Araka'eve nda'évai ichupe kuéra mba'eve umi ñemoñe'ẽhára ha Moisés he'i'ỹ va'ekue ojehu va'erãha.

Romayguakuérape 11:22

Ema'ẽke aipóramo mba'éichapa Tupã Ñandejára ipy'aporã, opáichavo, ipochy avei. Ipochy va'ekue umi ho'a va'ekue ndive, nendive katu imba'eporã. Opáichavo, rejerovia tapia vaerã pe ipy'aporã rehe; upeicha'ỹ ramo, nde avei reñekytĩ vaerã.

Romayguakuérape 2:7

Ome'ẽ vaerã tekove tapia guarã umi oha'arõkuaávape ha ojapóva iporãva ha ohekáva gloria, terakuã porã, ha umi mba'e tapia guarãva;

Colosayguakuérape 1:23

Ha upevarã tekotevẽ pepyta hatã pe jeroviápe, peñembohapo ha ani pemýi pe peha'arõvagui pe ñe'ẽ salvación rehegua pehendu va'ekue rupi. Upéva upe ñe'ẽ niko pe evangelio oñemoherakuã va'ekue opaite henda rupi ko yvy ári, ha che, Pablo, amoherakuãva.

1 Timotéope 2:15

Opáichavo, pe kuña ojesalva vaerã imemby ramo, oiko tapia ramo jerovia, mborayhu, ha tekopotĩme, teko marangatu reheve.

1 Timotéope 4:16

Eñangarekókena nde jehe ha upe reporombo'éva rehe, ha eñemoĩ hatã ko'ã mba'épe. Rejapo ramo upéicha, nde jupe voi rejesalva vaerã ha umi ne rendúvape avei.

2 Timotéope 3:14

Nde katu epyta hatã umi mba'e reikuaa ha rerovia va'ekuépe, reikuaa pype mávapa ne mbo'e raka'e,

hebreoyguakuerape 3:14

Ñande niko Cristo rehegua japyta hatã ramo ipaha peve pe ñande jerovia iñepyrũrã guarépe.

hebreoyguakuerape 8:9

Ndaha'e mo'ãi pe pacto ajapo va'ekuéicha ijypykuéra ndive aisambyhy ramo guare ichupe kuéra anohẽ haguã Egíptogui, ndoikói hague rehe ha'e kuéra che ñe'ẽme, che aheja ichupe kuéra, he'i Ñandejára.

Tiágo 1:25

Pe omaña porãva pe ley hekoitepeguáva rehe katu, upe ñane mosãsóva, ha oikóva hesete ojapo upe ley he'i háicha; ndaha'éi ohendúnteva ha upéi hesaráiva. Upéva ovy'a vaerã ojapo pype upéicha.

1 Juan 2:19

Ha'e kuéra osẽ va'ekue ñande apytégui; upéicharamo jepe ndaha'éi va'ekue ñande rehegua, ñande rehegua rire na ñande rejái vaerã mo'ã. Upéicha ojehu ojehechakuaa porã haguã nda opavavéi ñande reheguaha.

1 Juan 2:24

Upéva rehe kena pereko pende pype pe ñe'ẽ pehendu va'ekue iñepyrũha guive; ha upe pehendu va'ekue opyta ramo pende pype, peẽ voi peime vaerã peteĩ py'ápe pe Ta'ýra ha pe Túva ndive.

2 Juan 1:9

Pe ndopytáiva upe Cristo voi ombo'e va'ekuépe, ohasáva uvei amongotyove, ndoguerekói Tupã Ñandejárape hekovépe; pe opytáva pe Cristo ombo'e va'ekuépe katu, oguereko Tupã Ñandejárape Túva ramo ha oguereko avei pe Tupã Ñandejára Ra'ýpe.