Juan 6:63 - Ñandeyara Ñe'ẽ

⁶³ Pe oporomoingovéva niko pe espíritu; pe tete ha'eño ndovaléi mba'everã. Ha ko'ã mba'e che ha'éva peẽme niko mba'e añete espíritu rehegua ha ñe'ẽ oporomoingovéva.

Tûpâ Ñandeyára 1913

⁶³ Pe Espiritu voí, upéva catu pe ñane moingovéjarâ. Pe ñande roo naipôrâi mbaevetérâ. Coa ñeê Che jae vaecue peême, cova catu ñane anga rejegua ja omoingovéjarâ. Upeicharamo yepe oime pene paume oguerovia-ŷ-va.

Ñandejára Ñe’ẽ

⁶³ Tupã Espíritu niko pe oporomoingovéva, ha yvypóra rete naiporãi mba'everã. Opa umi mba'e che ha'éva peẽme niko ogueru peẽme Tupã Espíritu oporomoingovéva.

Ñandejara Ñe’ẽ ✟

⁶³ Tupã Espíritu niko pe oporomoingovéva, ha yvypóra rete naiporãi mba'everã. Opa umi mba'e che ha'éva peẽme niko ogueru peẽme Tupã Espíritu oporomoingovéva.

Ñanderuete Ñe’ẽ Porã 2015

⁶³ Pe Pytu Porãmbáva ningo oporomoingove, pe tete año ndovaléi mba’eve. Ko’ã ñe’ẽ Che ha’éva guive Ipytu Porãteéva ha ogueru pe tekove añeteguáva.

Juan 6:63 Referencias Cruzadas

Juan 5:21

Pe Túva omopu'ã háicha omano va'ekue ha omoingove jevy, pe Ta'ýra avei omoingove umi ha'e omoingovesévape.

Juan 6:68

Simón Pedro he'i ichupe: --Ore Jára, ¿máva rendápe piko rohóta? Ne ñe'ẽ niko ñe'ẽ oporomoingovéva tapia guarã.

Apostolkuéra 5:20

--Tapeho, peñembo'y pe tupaópe, ha pemombe'u umi géntepe ko tekove ha'etéva rehegua ñe'ẽ.

Romayguakuérape 10:17

Ha upéicha, pe jerovia ou oñehendu rupi, ha upe oñehendúva Cristo ñe'ẽ.

Romayguakuérape 2:25

Iporã niko añete pe circuncisión rejapo ramo pe Tupã Ñandejára ley he'íva; rejapo'ỹ ramo katu nde umi oñecircuncida'ỹvaichante avei, reñecircuncida ramo jepe.

Romayguakuérape 8:2

Pe Espíritu rehegua ley oporomoingovéva, ñañemopeteĩ rupi Cristo Jesús ndive, che pe'a pe pecado ha mano rehegua ley poguýgui.

1 Corintoyguakuérape 15:45

Pe Tupã Ñandejára Kuatiañe'ẽme he'i háicha: “Pe kuimba'e ypykue, Adán, ojejapo va'ekue hete ánga hekovéva reheve”; pe Adán mokõiha katu espíritu oporomoingovéva.

Galaciayguakuérape 5:25

Jaikove ramo Espíritu rupi, tekotevẽ avei jaheja pe Espíritu ta ñane sambyhy upe jajapóvape.

Galaciayguakuérape 5:6

Ñañemopeteĩ ramo Cristo Jesús ndive, mba'eve nde'iséi ñañecircuncidápa ra'e terãpa ahániri, pe tekotevẽva añete niko ta jajerovia ha pe jerovia ta ñane moingo mborayhúpe.

Galaciayguakuérape 6:15

Ñañemopeteĩ ramo Cristo Jesús ndive mba'eve nde'iséi ñañecircuncidápa ra'e terãpa ahániri; pe he'iséva niko Tupã Ñandejára pa ojapo ra'e ñande hegui tekove pyahu.

1 Tesalonicayguakuérape 2:13

Ha upéva rehe rome'ẽ tapiáva las gracias Tupã Ñandejárape, pehendu ramo guare peẽ pe Tupã Ñandejára ñe'ẽ romoherakuã va'ekue peẽme, perovia va'ekue ndaha'éi kuimba'e ñe'ẽnguéicha, Tupã Ñandejára ñe'ẽ ramo voi katu. Ha Tupã Ñandejára ñe'ẽ voi añete upe pene mboheko porãva peẽ peroviávape.

1 Timotéope 4:8

pe tete mombarete niko oiméta mba'épepa jaiporu, pe teko marangatu Tupã Ñandejára ndive guarã katu iporã opa mba'e peguarã, ogueru vaerã ñandéve iporãva ko ñande rekove yvy ariguápe ha pe ñande rekove ou va'erãme avei.

hebreoyguakuerape 13:9

Aníkena aipóramo peheja pene mombia umi oporombo'éva mbo'epy iñambuéva umi ore rombo'e va'ekuégui. Ñañembopy'a mbarete uvei Tupã Ñandejára mborayhúpe ha ani mbo'epy ja'u vaerã rehépe, mba'eve noguenohẽi umi mba'égui umi upéicha oikóva.

hebreoyguakuerape 4:12

Pe Tupã Ñandejára ñe'ẽ oikove ha ipu'akágui, ha hakuavégui kyse puku haimbe jováivagui, oikéva oikytĩ meve ñane ánga, ñande espíritu, umi ñane kangue juajuha, ñande karakukua peve, ha ohechauka ñandéve umi ñande py'apy pegua ha umi ñande py'apy rembipota.

Tiágo 1:18

Ojehegui ete voínte hembipota rupi ñane moingove pe ñe'ẽ añetéva rupi, jaiko haguã umi iñemoñare ypykuéra ndive.

1 Pédro 1:23

Peẽ niko penace jevy pyahu va'ekue, ndaha'éi ru yvypóra kuéra omano vaerã reheguágui, pe Tupã Ñandejára ñe'ẽ oikovéva tapia guarãguinte uvei.

1 Pédro 3:18

Cristo ohasa asy va'ekue avei, omano va'ekue ñande pecado kuéra rehe peteĩ jevýnte; ha'e imarangatúva, omano umi imarangatu'ỹva rehe, ñande reraha haguã Tupã Ñandejárape. Hete omano va'ekue, ijespíritu katu oikove jevy va'ekue.

1 Pédro 3:21

Ha upe ý opyta pe bautismo pegua ý ra'anga ramo, pe ý rupi niko jajesalva ko'ãga. Pe bautismo ndaha'éi oipe'a haguã ky'a ñande retégui, he'ise uvei tekopotĩ Ñandejára renondepegúava. Ogueru ñandéve salvación Jesucristo oikove jevy rupi omanóva apytégui;