Juan 6:57 - Ñandeyara Ñe'ẽ

⁵⁷ Pe che Ru che mbou va'ekue oikove, ha che aikove ha'e rupi; upeichaite avei, pe okarúva che hegui, oikovéta che rupi.

Tûpâ Ñandeyára 1913

⁵⁷ Che mbou jagueicha pe Túva oicovéva, ja aicove jaicha Che pe Túva rupi, upeicha avei upe Che úva Cheve oicovéne Che rupi.

Ñandejára Ñe’ẽ

⁵⁷ Che Ru, che mbou vaekue niko oikovéva, ha ha'e rupi che aikove. Péicha avei, upe che retégui ho'úva, oikovéta che rupi.

Ñandejara Ñe’ẽ ✟

⁵⁷ Che Ru, che mbou vaekue niko oikovéva, ha ha'e rupi che aikove. Péicha avei, upe che retégui ho'úva, oikovéta che rupi.

Ñanderuete Ñe’ẽ Porã 2015

⁵⁷ Chembou haguéicha che Ruete oikovéva, ha Che aikove háicha che Ruete rupi, upéicha avei pe che retégui ho’uva, oikovéta avei chérupi.

Juan 6:57 Referencias Cruzadas

Matéo 16:16

Ha Simón Pedro he'i ichupe: --Nde ha'e pe Cristo, pe Tupã Ñandejára oikovéva Ra'y.

Juan 14:19

Nda hi'are mo'ãi ha yvypóra kuéra nda che recha mo'ãvéi; peẽ katu che recháta, che aikovégui ha peẽ peikovétagui avei.

Juan 14:6

Jesús he'i ichupe: --Che ha'e pe tape, ha che ha'e pe añete ha che ha'e avei pe tekovete. Che rupi mante ikatu oñeguahẽ che Ru rendápe.

Juan 17:21

Ajerure ndéve hese kuéra ta ipy'a peteĩ oñondive kuéra; ta peteĩ mba'e añónte ñanendive, che Ru, nde reime háicha che pype ha che aime háicha nde pype. Toĩ peteĩ py'ápe oñondive yvypóra kuéra oguerovia haguã nde che mbou hague.

Juan 3:17

Tupã Ñandejára nomboúi Ta'ýrape yvy ári ocondena haguã yvypóra kuérape, ojesalvánte haguã uvei ha'e rupi.

Juan 5:26

Pe Túva oikove háicha ojehegui voi, upéicha avei ome'ẽ pe Ta'ýrape oikove haguã ojehegui voi;

Juan 6:29

Jesús he'i ichupe kuéra: --Tupã Ñandejára oipota pejerovia pe ha'e ombou va'ekue rehe.

Juan 6:38

Che ajúgui yvágagui ajapo haguã pe che mbou va'ekue rembipotánte, ndaha'éi ajapo haguã che rembipota.

1 Corintoyguakuérape 15:22

Pe Adán rupi opavave omano háicha, upéicha avei Cristo rupi opavave oikove jevy vaerã.

1 Corintoyguakuérape 15:45

Pe Tupã Ñandejára Kuatiañe'ẽme he'i háicha: “Pe kuimba'e ypykue, Adán, ojejapo va'ekue hete ánga hekovéva reheve”; pe Adán mokõiha katu espíritu oporomoingovéva.

2 Corintoyguakuérape 13:4

Oñemosaingo va'ekue kurusu rehe ikangy ramo guaréicha, opáichavo oikove Tupã Ñandejára pu'aka rupi. Ore niko ore kangy avei hendive, opáichavo, roikovéta hendive Tupã Ñandejára pu'aka rupi pene rembiguairã.

Galaciayguakuérape 2:20

Che amano va'ekue kurusu rehe Cristo ndive, ha upéva rehe nda che véima pe aikovéva, Crístontema pe oikovéva che pype. Ko che rekove ko'ãgagua aroikove ajerovia rupi Tupã Ñandejára Ra'y rehe, pe che rayhu ha omano va'ekue che rehe.

1 Tesalonicayguakuérape 1:9

Upéva rangue, ha'e kuéra voi omombe'u mba'éichapa peẽ ore moguahẽ raka'e ha mba'éichapa pejere Tupã Ñandejárape umi ta'angágui peñemoĩ haguã pe Tupã Ñandejára oikovéva ha añetetéva ñe'ẽme,

hebreoyguakuerape 9:14

pe Cristo ruguýma katu, pe Espíritu eterno rupi, oñekuave'ẽ va'ekue ojupe voi marã'ỹ rehe Tupã Ñandejárape, omopotĩ vaerã ñande py'apy umi tembiapo mano reheguágui, ikatu haguã jaservi Tupã Ñandejára oikovévape.

1 Juan 4:9

Tupã Ñandejára ohechauka va'ekue imborayhu ñanendive guarã ombou pype Ta'ýra peteĩmíva ko múndope jaikove haguã ha'e rupi.