Juan 6:47 - Ñandeyara Ñe'ẽ

⁴⁷ Añetehápe ha'e peẽme, upe ojeroviáva che rehe oguerekoha tekove tapia guarã.

Tûpâ Ñandeyára 1913

⁴⁷ Añete Che jae peême catuetei upe Che rerovia vaecue guive oguerecoma voi pe Tecove iyapyraŷva.

Ñandejára Ñe’ẽ

⁴⁷ Añetehápe ha'e peẽme: pe ojeroviáva che rehe oikovéta opa ára guarã.

Ñandejara Ñe’ẽ ✟

⁴⁷ Añetehápe ha'e peẽme: pe ojeroviáva che rehe oikovéta opa ára guarã.

Ñanderuete Ñe’ẽ Porã 2015

⁴⁷ Añetehápe, añetehápe, ha’e peẽme: Pe ojeroviáva cherehe oguerekóma pe tekove tapia g̃uarãva.

Juan 6:47 Referencias Cruzadas

Juan 11:26

ha opa umi oikovéva ha ojeroviáva che rehe, maramove nomano mo'ãi. ¿Reroviápa upéva?

Juan 14:19

Nda hi'are mo'ãi ha yvypóra kuéra nda che recha mo'ãvéi; peẽ katu che recháta, che aikovégui ha peẽ peikovétagui avei.

Juan 3:16

‘Tupã Ñandejára ohayhu etereígui yvypóra kuérape, ome'ẽ va'ekue Ta'ýra peteĩete, opa umi hese ojeroviáva ani haguã oñehundi, oguereko haguã uvei pe tekove tapia guarã.

Juan 3:18

‘Pe ojeroviáva Tupã Ñandejára Ra'y rehe, noñecondenái; pe ojerovia'ỹva katu, oñecondenáma, ndojeroviái hague rehe pe Tupã Ñandejára Ra'y peteĩetéva rehe.

Juan 3:36

Pe ojeroviáva pe Ta'ýra rehe oguerekóma pe tekove tapia guarãva; pe ojeroviase'ỹva pe Ta'ýra rehe katu, ndoguereko mo'ãi upe tekove, ohupity vaerã uvei pe Tupã Ñandejára castigo ipohyietéva.

Juan 5:24

‘Añetehápe ha'e peẽme: Pe ohendúva upe che ha'éva, ha ojeroviáva pe che mbou va'ekue rehe, oguerekóma tekove tapia guarã; noñecondena va'erãi, ohasáma manógui tekovépe.

Juan 6:27

Anína pemba'apo pe tembi'u opa vaerã rehe, pemba'apóna pe tembi'u opa'ỹva ha pene moingove vaerã tapia guarã rehe uvei. Upéva ha'e pe tembi'u che, Kuimba'éicha aju va'ekue yvy ári, ame'ẽ vaerã peẽme, Tupã Ñandejára, che Ru, ome'ẽgui chéve autoridad upevarã.

Juan 6:40

Pe che mbou va'ekue rembipota niko kóva, opa umi oma'ẽva guive pe Ta'ýra rehe ha ojeroviáva hese, toikove tapia guarã; ha che amoingove jevýta pe ára pahápe.

Juan 6:50

che katu añe'ẽ aína pe pan oúva yvágagui rehe, opa umi ho'úva upe pan, nomanói.

Juan 6:51

Chete voi ha'e pe pan oikovéva oguejy va'ekue yvágagui; upe pan ho'úva oikovéta tapia guarã. Ko pan che ame'ẽva niko chete voi; che ame'ẽta che rete yvypóra kuéra rekove rehe.

Juan 6:54

Pe ho'úva che ro'o ha omboy'úva che ruguy, oguereko pe tekove tapia guarãva; ha che amoingove jevýta pe ára pahápe.

Juan 6:58

Añe'ẽ niko ko pan ou va'ekue yvágagui rehe. Ko pan kóva ndaha'éi pe maná pende ypykuéra ho'u va'ekueichagua, ha upéi omanomba; upe ho'úva ko pan kóvagui oikovéta tapia guarã.