Juan 6:40 - Ñandeyara Ñe'ẽ

⁴⁰ Pe che mbou va'ekue rembipota niko kóva, opa umi oma'ẽva guive pe Ta'ýra rehe ha ojeroviáva hese, toikove tapia guarã; ha che amoingove jevýta pe ára pahápe.

Tûpâ Ñandeyára 1913

⁴⁰ Cova voí Che Ru rembipota, pe omaêva guive pe Tayra reje ja oyeroviáva Jese oguereco jaguâ pe Tecové iyapyraŷva, ja Che avei amoingove yebyne ichupe pe ára ipajávape.

Ñandejára Ñe’ẽ

⁴⁰ Che Ru rembipota niko kóva: opa umi Ta'ýrape ohecháva ha hese ojeroviáva oguereko haguã jeikove opa'ỹva. Ha che amopu'ã jeýne chupe kuéra ára pahápe.

Ñandejara Ñe’ẽ ✟

⁴⁰ Che Ru rembipota niko kóva: opa umi Ta'ýrape ohecháva ha hese ojeroviáva oguereko haguã jeikove opa'ỹva. Ha che amopu'ã jeýne chupe kuéra ára pahápe.

Ñanderuete Ñe’ẽ Porã 2015

⁴⁰ Kóva ningo che Ruete rembipota, opavave ohecháva guive Ita’ýrape ha ojeroviáva guive hese oguerekóma pe tekove añeteguáva ko ára atyguasúpe ha Che amoingove hag̃ua ichupekuéra pe ára pahápe.

Juan 6:40 Referencias Cruzadas

Matéo 10:15

Añete ha'e peẽme, pe juicio árape pe castigo ipohyive va'erãha upe pueblo pegua kuérape, Sodoma ha Gomorra pegua kuérapegui.

Matéo 25:46

Ha ko'ãva oho vaerã pe castigo opa'ỹ va'erãme, ha umi imba'e porãva katu oho vaerã pe tekove tapia guarãme.

Márcos 16:16

Upe ogueroviáva ha ojebautizaukáva, ojesalva vaerã, ha pe oguerovia'ỹva katu oñecondena vaerã.

Lúcas 2:30

Ahecháma che resa rupi pe Salvadórpe,

Juan 1:14

Ha pe Tupã Ñandejára Ñe'ẽ oiko kuimba'e ramo ha oiko sapy'a va'ekue ñande apytépe, mborayhu ha añetégui henyhẽte. Ore rohecha va'ekue iglória, pe Túva Ra'y peteĩetéva gloria teete.

Juan 10:28

Che ame'ẽ ichupe kuéra tekove tapia guarã, ha noñehundi chéne maramove, ha avave ndoipe'ái chéne che pógui.

Juan 11:24

Marta he'i Jesúspe: --He'ẽ, aikuaa oikove jevy va'erãha umi omanóva oikove jevyha árape, pe ára pahápe.

Juan 11:25

Jesús upéramo he'i ichupe: --Che ha'e pe jeikove jevy ha pe tekovete. Pe ojeroviáva che rehe, omano ramo jepe, oikove jevy vaerã;

Juan 12:45

Pe chéve che recháva, ohecha avei pe che mbou va'ekuépe.

Juan 12:50

Ha che aikuaa pe che Ru rembiapoukapy tekove tapia guarãha. Upéva rehe, pe che ha'éva, pe che Ru he'i haguéicha chéve ha'e.

Juan 14:17

Yvypóra kuéra ndaikatúi orecibi ichupe ndaikatúigui ohecha terã oikuaa ichupe; peẽ katu peikuaáma ichupe oikógui penendive ha opytátagui pende pype tapia guarã.

Juan 14:19

Nda hi'are mo'ãi ha yvypóra kuéra nda che recha mo'ãvéi; peẽ katu che recháta, che aikovégui ha peẽ peikovétagui avei.

Juan 17:2

Nde niko reme'ẽ va'ekue pu'aka nde Ra'ýpe opa yvypóra kuéra rehe, ome'ẽ haguã tekove tapia guarã opa umi ichupe reme'ẽ va'ekuépe.

Juan 3:36

Pe ojeroviáva pe Ta'ýra rehe oguerekóma pe tekove tapia guarãva; pe ojeroviase'ỹva pe Ta'ýra rehe katu, ndoguereko mo'ãi upe tekove, ohupity vaerã uvei pe Tupã Ñandejára castigo ipohyietéva.

Juan 4:14

pe hoy'úva pe ý che ame'ẽvagui ichupe katu máramo nda ijyuheivéima vaerã. Pe ý che ame'ẽva ichupe oikótagui peteĩ yvu opupu vaerã ipype tekove apyre'ỹ meve guarã.

Juan 5:24

‘Añetehápe ha'e peẽme: Pe ohendúva upe che ha'éva, ha ojeroviáva pe che mbou va'ekue rehe, oguerekóma tekove tapia guarã; noñecondena va'erãi, ohasáma manógui tekovépe.

Juan 6:27

Anína pemba'apo pe tembi'u opa vaerã rehe, pemba'apóna pe tembi'u opa'ỹva ha pene moingove vaerã tapia guarã rehe uvei. Upéva ha'e pe tembi'u che, Kuimba'éicha aju va'ekue yvy ári, ame'ẽ vaerã peẽme, Tupã Ñandejára, che Ru, ome'ẽgui chéve autoridad upevarã.

Juan 6:39

Ha pe che Ru che mbou va'ekue rembipota niko kóva, ani che ahundítei mavavéva umi ha'e ome'ẽ va'ekuégui chéve, tamoingove jevy uvei ichupe kuéra pe ára pahápe.

Juan 6:44

Avavéko ndaikatúi ou che rendápe ogueru'ỹ ramo ichupe pe che Ru che mbou va'ekue; ha che amoingove jevýta pe ára pahápe.

Juan 6:54

Pe ho'úva che ro'o ha omboy'úva che ruguy, oguereko pe tekove tapia guarãva; ha che amoingove jevýta pe ára pahápe.

Juan 8:56

Abraham, pende ypykue, ovy'a va'ekue ohecháta hague rehe che ára; ha ohecha ha henyhẽ va'ekue vy'águi.

Romayguakuérape 5:21

Ha pe pecado ipu'aka haguéicha ogueru haguã ñemano, upéicha avei pe Tupã Ñandejára mborayhu ou pu'aka reheve ñande rereko haguã heko potĩva ramo ha ome'ẽ haguã ñandéve pe tekove tapia guarã Ñandejára Jesucristo rupi.

Romayguakuérape 6:23

Pecado apo repy niko ñemano, pe Tupã Ñandejára remime'ẽ rei katu tekove tapia guarã Ñandejára Jesucristo rupi.

2 Corintoyguakuérape 4:6

Pe Tupã Ñandejára ete voi he'i va'ekue pe tesapehára ohesape haguã pe pytũnguýpe, ohesape va'ekue ore py'apy, ikatu haguã upe tesapeha rendy rupi rohecha pe Tupã Ñandejára gloria omimbíva Jesucristo rova rehe.

hebreoyguakuerape 11:1

Fe niko, he'ise jaroviaha jahupitytaha katuete upe ñaha'arõva, ha jarovia pe mba'e jahecha'ỹ ramo jepe.

hebreoyguakuerape 11:27

Ojerovia rupi Moisés osẽ va'ekue Egíptogui, ndaha'éi okyhyjégui pe rey pochýgui, oñemombaretéguinte uvei ohecha ramo guáicha pe Tupã Ñandejára ojehecha'ỹvape.

1 Pédro 1:8

Peẽ niko pehayhu Jesucrístope pehecha'ỹ rehe ichupe, ha pejerovia hese ndapehechái ramo jepe ichupe ko'ãga. Ha upéicharamo jepe pereko peteĩ vy'a tuicháva ikatu'ỹva ja'epa ñane ñe'ẽme,

1 Juan 2:25

Ha Jesucristo ete voi he'i va'ekue ome'ẽ va'erãha ñandéve pe tekove tapia guarãva.

Júdas 1:21

Peiko pe Tupã Ñandejára mborayhúpe peha'arõvo pe Ñandejára Jesucristo misericordia pe tekovete apyre'ỹrã.