Juan 5:44 - Ñandeyara Ñe'ẽ

⁴⁴ ¿Mba'éicha piko ikatúta perovia peẽ peñomomba'eguasu ramo peẽ oñondive, ha napemomba'éi pe ñemomba'eguasu oúva pe Tupã Ñandejára ha'eñoiténte añetévagui?

Tûpâ Ñandeyára 1913

⁴⁴ ¿Mbaéichapa icatune perovia peê peñembo aguará ramo oñondive pejeca rendague pe ñembueté jaguâ pe Tûpâ Ñandeyára año mante pende rerojory jaguâ?

Ñandejára Ñe’ẽ

⁴⁴ Peẽ pevy'a pende rapicha pene momba'e ramo, ha ndapehekái pe ha'eñoite Tupãva, ha'e pene momba'e haguã. Mba'éicha piko péicha ramo pejeroviáta che rehe?

Ñandejara Ñe’ẽ ✟

⁴⁴ Peẽ pevy'a pende rapicha pene momba'e ramo, ha ndapehekái pe ha'eñoite Tupãva, ha'e pene momba'e haguã. Mba'éicha piko péicha ramo pejeroviáta che rehe?

Ñanderuete Ñe’ẽ Porã 2015

⁴⁴ Mba’éicha piko ikatu pejerovia, peẽ voi peñembotuicha ramo oñondive, ha pe ñembotuicha oúva Ñanderuetégui ndapehekái.

Juan 5:44 Referencias Cruzadas

Matéo 23:5

Ha opa umi mba'e ojapóva tembiecharãnte ojapo. Omoĩ isyva ha ijyva kuéra rehe vakapi ipyporãvévape Tupã Ñandejára ñe'ẽ mbykymi, ha ombopukuve ijao jeguaha.

Lúcas 19:17

Pe rey he'i ichupe: “Iporãite, nde che rembiguái katupyry, jeroviaha hague rehe nde pe michĩetévape, rerekóta nde poguýpe diez ciudades.”

Juan 12:43

Ohayhuvégui pe ñemomba'eguasu yvypóragui oúva, pe ñemomba'eguasu Tupã Ñandejára gui oúvagui.

Juan 17:3

Kóva niko ha'e pe tekove tapia guarã, ta nde kuaa hikuái ndéve nde añoiteha Tupã Ñandejára añetegua, ha toikuaa Jesucrístope, pe nde rembou va'ekue.

Juan 3:20

Opa umi ojapóva ivaíva ndohayhúi pe tesapeha, ha noñemo'aguĩséi pe tesapehágui ani haguã ojehecha pe hembiapo vaikue.

Juan 5:41

‘Che ndaipotái pe ñemomba'eguasu oúva yvypóragui.

Juan 8:43

¿Mba'érehe piko peẽ ndaikatúi peikuaa mba'épa he'ise umi mba'e ha'éva peẽme? Napehenduséigui che ñe'ẽ.

Romayguakuérape 2:10

Opa umi ojapóva iporãva peguarã katu oĩ vaerã gloria, terakuã porã ha py'aguapy, Israelita kuéra peguarã raẽ ha Israelita'ỹva peguarã avei.

Romayguakuérape 2:29

Israelita ete ko pe ha'éva ipy'apýpe; ha pe circuncisión añetegua katu pe py'apy pegua; ñande espíritu pegua ndaha'éi pokopyrã. Upéva ñemoporã ndaha'éi yvypóraguio oúva, Tupã Ñandejára guionte.

Romayguakuérape 2:7

Ome'ẽ vaerã tekove tapia guarã umi oha'arõkuaávape ha ojapóva iporãva ha ohekáva gloria, terakuã porã, ha umi mba'e tapia guarãva;

1 Corintoyguakuérape 4:5

Upéva rehe, peha'arõ tou Ñandejára ha tomohesakãmba pe oñemíva hína pytũnguýpe ha ani peje mba'eve hi'ára guahẽ mboyve. Ñandejára ohechauka vaerã pe peteĩ teĩ py'apýpe oĩva ha upépe ae Tupã Ñandejára ome'ẽ vaerã peteĩ teĩme pe hekopeteguáva.

2 Corintoyguakuérape 10:18

Ndaha'éi pe oñemoĩ porãva ojupe ojererohory vaerã, pe Tupã Ñandejára omoporãvante.

Filipoyguakuérape 2:3

Ani pejapo mba'eve pende jupe guarãnte terã peñemomba'eguasuségui, ta pende jejapo'ỹ uvei ha pereko umi ambue kuérape mba'eguasuve ramo pende hegui.

1 Tesalonicayguakuérape 2:6

ndorohekái va'ekue ñemomba'eguasu pende hegui terã ambue kuéragui, ikatu va'ekue ramo jepe roñanduka peẽme ore Cristo apostolha.

1 Timotéope 1:17

Upéva rehe kena ñamomba'eguasu ha ñambotuicha tapiaite pe Mburuvicha guasu tapia guávape, araka'eve omano'ỹ va'erãme, ha upe ikatu'ỹvape jahecha, upe iñarandúvape, ha ha'eñoitéva Tupã Ñandejára. Amén.

hebreoyguakuerape 3:12

Che ryvy kuéra, peñeñangarekókena ani avave peẽ kuérava pende py'a ñañágui ha ndapejeroviáigui peñemomombyry Tupã Ñandejára oikovévagui.

Tiágo 2:1

Che ryvy kuéra, jajerovia pype Ñandejára Jesucristo ipu'akaitéva rehe nañaporombojerovia juavy va'erãi.

1 Pédro 1:7

Pe óro opa vaerã ramo jepe niko oñembohyku tatápe oñemopotĩ haguã, ha pe pende jerovia iporãitevéva órogui, ko'ã jehasa asy rupi kena toñemoporã, tojererohory ha toñemomba'e Jesucristo ojehechauka ha'ára.