Juan 4:36 - Ñandeyara Ñe'ẽ

³⁶ Pe omba'apóvape ñemitỹngue ñembyatýpe oñeme'ẽ hembiapokue repy, ha pe ñemitỹngue oñemono'õva niko pe tekove tapia guarã, pe oñemitỹva ha pe ñemitỹngue ombyatýva ovy'a haguã oñondive.

Tûpâ Ñandeyára 1913

³⁶ Oguenojêma jina pe monoôjára jembiapocué repŷ ja ombyatŷ pe jiacué pe Tecové iyapyraŷva ro guârâ icatu jaguâ pe ñemityjaré ja pe monoôjaré oyoguerojory.

Ñandejára Ñe’ẽ

³⁶ Upe kokuépe omono'õvape niko oñeme'ẽ hembiapo repykue, ha upe ha'e omono'õvare oñeme'ẽ chupe jeikove opa ára guarã. Ha péicha, upe oñemitỹva ha upe omono'õva ovy'áne oñondive.

Ñandejara Ñe’ẽ ✟

³⁶ Upe kokuépe omono'õvape niko oñeme'ẽ hembiapo repykue, ha upe ha'e omono'õvare oñeme'ẽ chupe jeikove opa ára guarã. Ha péicha, upe oñemitỹva ha upe omono'õva ovy'áne oñondive.

Ñanderuete Ñe’ẽ Porã 2015

³⁶ Upe omono’õva ningo ohupitýma hembiapokue repy ha omono’õ umi yva pe tekove tapia g̃uarãme, upe oñemitỹva ovy’a ha upe omono’õva avei.

Juan 4:36 Referencias Cruzadas

Matéo 19:29

Ha opa umi oheja va'ekue hóga kuéra terã tyvýra kuéra, terã teindýra kuéra, terã túva, terã sy, terã tembireko, terã ta'ýra kuéra, terã yvy kuéra, che rehehápe, ohupity hetave vaerã cien jevyhágui ha ohupity vaerã avei pe tekove opave'ỹva.

Juan 3:36

Pe ojeroviáva pe Ta'ýra rehe oguerekóma pe tekove tapia guarãva; pe ojeroviase'ỹva pe Ta'ýra rehe katu, ndoguereko mo'ãi upe tekove, ohupity vaerã uvei pe Tupã Ñandejára castigo ipohyietéva.

Juan 4:14

pe hoy'úva pe ý che ame'ẽvagui ichupe katu máramo nda ijyuheivéima vaerã. Pe ý che ame'ẽva ichupe oikótagui peteĩ yvu opupu vaerã ipype tekove apyre'ỹ meve guarã.

Juan 5:24

‘Añetehápe ha'e peẽme: Pe ohendúva upe che ha'éva, ha ojeroviáva pe che mbou va'ekue rehe, oguerekóma tekove tapia guarã; noñecondena va'erãi, ohasáma manógui tekovépe.

Romayguakuérape 1:13

Che ryvy kuéra, aipota peikuaa heta jevy ahase hague pohechávo, opáichavo, ko'ãga peve ndaikatúi. Ahase niko areko haguã pende apytépe avei che remiñotỹngue'a areko haguéicha ambue tetã nguéra apytépe.

Romayguakuérape 2:7

Ome'ẽ vaerã tekove tapia guarã umi oha'arõkuaávape ha ojapóva iporãva ha ohekáva gloria, terakuã porã, ha umi mba'e tapia guarãva;

Romayguakuérape 6:22

Ko'ãga katu, pejei rire pecado poguýgui, oiko pende hegui Tupã Ñandejára rembiguái. Kóva katu ome'ẽ peẽme mba'e iporãva pene marangatu haguã ichupe, ha pehupity haguã pe tekove tapia guarãva.

Romayguakuérape 6:23

Pecado apo repy niko ñemano, pe Tupã Ñandejára remime'ẽ rei katu tekove tapia guarã Ñandejára Jesucristo rupi.

1 Corintoyguakuérape 9:17

Upéva rehe, amoherakuã ramo amoherakuãségui oñeme'ẽ vaerã chéve che rembiapokue repy. Ha amoherakuã ramo amoherakuãse'ỹme jepe, upevarã voi ajejokuái va'ekue.

1 Corintoyguakuérape 9:18

Ha pe che ahupitýva niko pe vy'a ome'ẽva chéve amoherakuã rehe hepy'ỹ rehe pe evangelio, aiporu'ỹ rehe upe chéve ijáva aiporu.

1 Tesalonicayguakuérape 2:19

¿Mba'épa pe ore esperanza, terã pe ore vy'a, terã pe ore premio ore mbovy'áva?, peẽ voi niko ha'e Ñandejára Jesucristo renondépe pe ha'e ou ha'ára guarã.

1 Timotéope 4:16

Eñangarekókena nde jehe ha upe reporombo'éva rehe, ha eñemoĩ hatã ko'ã mba'épe. Rejapo ramo upéicha, nde jupe voi rejesalva vaerã ha umi ne rendúvape avei.