Juan 3:27 - Ñandeyara Ñe'ẽ

²⁷ Upérõ Juan he'i ichupe kuéra: --Pe máva ikatu oguereko pe Tupã Ñandejára ome'ẽ va'ekue ichupe mante.

Tûpâ Ñandeyára 1913

²⁷ Upei catu oñeê Juan ja jei: Ndicatui peteî carai ojupitŷ mbaeve oñemeê ŷ ramo ichupe yvaga gui.

Ñandejára Ñe’ẽ

²⁷ Juan he'i chupe kuéra: --Avave niko ndoguerekói mba'eve, Tupã nome'ẽi ramo chupe.

Ñandejara Ñe’ẽ ✟

²⁷ Juan he'i chupe kuéra: --Avave niko ndoguerekói mba'eve, Tupã nome'ẽi ramo chupe.

Ñanderuete Ñe’ẽ Porã 2015

²⁷ Ha Juan ombohovái ichupekuéra ha he’i: Avave ndohupitýi mba’eve noñeme’ẽi ramo ichupe yvágagui.

Juan 3:27 Referencias Cruzadas

Matéo 21:25

¿Mávapa ome'ẽ raka'e Juánpe autoridad oporobautiza haguã? ¿Tupã Ñandejára, terãpa yvypóra kuéra? Ha ha'e kuéra katu oñepyrũ oñomongeta oñondive kuéra ha he'i: --Ja'e ramo Tupã Ñandejára ome'ẽ hague ichupe pe autoridad, he'íta ñandéve: “¿Mba'e rehepa aipóramo ndaperoviái ra'e ichupe?”

Matéo 25:15

‘Peteĩme ome'ẽ cincuenta mil guarani rupi, ha pe ambuépe veinte mil, ha pe ambuevépe katu ome'ẽ diez mil, peteĩ teĩme ipu'aka haguãicha. Upéi katu oho mombyry.

Márcos 13:34

Ku kuimba'e mombyry oho va'ekuéicha, ohejáva hóga hembiguái kuéra poguýpe ha ome'ẽ peteĩ teĩme hembiaporã, ha okẽ rerekuápe he'i ani haguã oke.

Juan 10:41

Heta oho hendápe, ha he'i joa: --Juan niko añete ndojapói ramo jepe mba'eveichagua milagro, añetegua opa umi mba'e he'i va'ekue ko kuimba'e rehe.

Juan 6:65

Ha he'i: --Upéva rehe voi ha'e peẽme kuri avave ndaikatuiha ou che rendápe che Ru ogueru'ỹ ramo ichupe.

Romayguakuérape 1:5

Jesucristo rupi Tupã Ñandejára ohupityka oréve imborayhu ojapo haguã ore hegui apóstol, ikatu haguã opa tetãme oĩ ogueroviáva ha iñe'ẽrendúva.

Romayguakuérape 12:6

Tupã Ñandejára niko ome'ẽ va'ekue ñandéve ñande pu'aka ambue haguã, ha'e ome'ẽse haguéicha peteĩ teĩme. Tupã Ñandejára ome'ẽ rire ramo ñandéve ñañe'ẽkuaa haguã, ñañe'ẽ vaerã pe ñande jerovia javeve;

1 Corintoyguakuérape 1:1

Che, Pablo, Jesucristo apóstol Tupã Ñandejára oipota rupi ha ha'e che renóigui, ha Sóstenes ñane hermano,

1 Corintoyguakuérape 12:11

Ha opa ko'ã mba'e ojapo pe Espíritu peteĩ añónteva, ha ome'ẽva peteĩ teĩme ha'e ome'ẽse háicha.

1 Corintoyguakuérape 15:10

Opáichavo, pe Tupã Ñandejára gracia rupi aiko ko aiko háicha; ha pe imborayhu chendive guarã ndopyta reíri; amba'apo hetave uvei katu opavave ichugui kuéra, nda chéi jepe niko, pe Tupã Ñandejára gráciante uvei chendive oĩ va'ekue.

1 Corintoyguakuérape 3:5

¿Mba'e piko aipóramo Pablo? ¿Ha Apolos piko mba'e? Tupã Ñandejára rembiguáinte, ore kuéra rupi peẽ pejerovia va'ekue Ñandejára rehe, ha upéva avei Ñandejára ome'ẽ haguéicha oréve peteĩ teĩme ore rembiaporã.

1 Corintoyguakuérape 4:7

¿Máva piko ne momba'eguasuve ndéve ambue kuérapegui? ¿Mba'e piko rereko Tupã Ñandejára ome'ẽ'ỹ va'ekue ndéve? Ha ha'e ome'ẽ rire ndéve, ¿piko mba'e rehe rejererovu pe rerekóva rehe rereko ramoguáicha nde jeheguínte?

Galaciayguakuérape 1:1

Che Pablo, apóstol, ndaha'éi kuimba'e kuéra remimondo terã yvypóra remimoĩmbyre, Jesucristo ete voi rupi katu, ha Tupã Ñandejárape Túva rupi, upe omoingove jevy va'ekue ichupe omanóva apytégui.

Efesoyguakuérape 1:1

Che, Pablo, Jesucristo apóstol Tupã Ñandejára rembipota rupi, ajapo ko kuatiañe'ẽ umi Efeso ciudádpe oĩva peguarã, umi Tupã Ñandejára mba'éva ha ojeroviáva Jesucristo rehe.

1 Timotéope 2:7

Upevarã che añemoĩ va'ekue ñemoñe'ẽhára ha Apóstol ramo, ambo'e haguã upe jerovia ha añetegua rehe umi Israelita'ỹvape. Añeteguánte ha'e ajeroviágui Cristo rehe, ha nda che japúi.

Tiágo 1:17

opa mba'e iporãva ha hekopetegua oñeme'ẽva ñandéve, ou yvatégui, Tupã Ñandejára gui ojapo va'ekue umi tesapehára yvága pegua. Ha Tupã Ñandejára noñemo'ambuéi terã ndojehechái hese mba'eveichagua ñemo'ambue.